" بعض الخسّاير الله يامكبر ارباحها "

53

شيهانه : توفت الله يرحمها
اريج : الله يرحمها يارب ويسكنها الجنه
همست : امين
اريج : انا زوجه عمار اخو عماد اعتبريني الي ودك
ضحكت شيهانه : عمار الي طردتيه
ضحكت : اسكتي بالله دايم هالحاله تتعبني
شيهانه : حرام عليك لو تشوفينه هو عيالك مشتتين
اريج : ياختي حبيب لكني مدري اذا حملت اكرهه بكل عيالي
شيهانه : متوحمه عليه
اريج : اي هو كذا اكرهه واكره البيت جيت اليوم عشان نجمه
رقت دانه فوق دخلت عند نجمه : سلام
لفت لها نجمه : اهلين قربت لها تسلم عليها : مبررروك مدت لها هديه صغيره
نجمه : يوه ليه كلفتي على نفسك
دانه : لا كلافه ولا شي تستاهلين
ابتسمت نجمه : حبيبتي
قربت نجود وسلمت عليها
الساعه ١١:٣٠م
ناظرت بجوالها يتصل رقم استغربت ناظرت بنجود : رقم !
نجود : يمكن نجم
ردت نجمه : نعم؟
نجم : انا نجم
ناظرت بنجود تشر لها على الجوال نجمه : نعم؟
ضربتها نجود بقوه همست : تكلمي زين
نجم : نجمه انا تحت استأذنت من ابوك اخذك
نجمه ناظرت بنجود ضغطت على رجلها : وين نروح؟
نجم : نتمشى انزلي يالله
سكرت الجوال ناظرت بنجود : خير اوجعتيني
نجود : هذا هرج تهرجينه معه ! بنت امسكي لسانك هذا وخلي كلامك حلو
نجمه مسكت لسانه شهقت نجود تبعد يدها : وجع ياوصخه
ضحكت : تقولين امسكيه
نجود : يويلي انتي واضح استخفيتي
ضحكت نجمه تشر على راسها انها مجنونه
فتحت عينها نجود : بسم الله صدق
بعد مده اخذت نفس توقف نجمه وتلبس عباتها
اخذت شنطه صغيره حطت فيها جوالها  وروج طلعت برا
ماكان بالحوش اي سياره فتحت باب الشارع ناظرت فيه بسياره فاتح الشباك ومطلع يده توترت سكرت الباب قربت لسياره ركبت ناظر فيها : تباركت السياره
نجمه: ليش
نجم : لاني ركبتي فيها
سكتت تناظر قدام بتوتر
نجم : بوديك لمكان ويارب انه فاتح
نجمه : وشو المكان
نجم : تشوفين الحين
كانت ساكته وهو يحاول يفتح معها موضوع الين استحى على نفسه وسكت
بعد مده وقف عند المعارض
ضحكت نجمه : المعارض شنسوي هنا؟
نجم : بنكشت فيها انزلي بس قبل يسكرون
نزلت معه دخلو داخل كان مافيه الا شخصين وبيطلعون
نجم : ماعليش تاخرت
سعيد : مره طولت بس قلت انتظرك
نجم : ماتقصر
سعيد : هنا السيارات الي ودكم
نجمه همست : ودنا!
تقدم نجم وهي بجنبه ناظر بسعيد : اعرف سعيد ماتقصر
سعيد : اجل اذا بغيتني قولي
هز راسه نجم وابتعد سعيد
نجمه : شنسوي هنا لسى مافهمت؟
نجم : انا فكرت وقلت وش اهدي نجمه ؟ مافيه غير اني اشري لك سياره كل ماركبتي فيها تتذكريني
ضحكت : نجم صادق انت؟
نجم : اجل ؟ انتي بس اطلبي وانا البي
لفت تناظر بجيب : بشوفه
ركبت فيه وجربت تسوق : طيب اصدمك مامعي رخصه!
نجم : مو مشكله اعلمك
نزلت من السياره : ماعجبتني
نجم : افا شوفي غيرها
ناظرت بسياره نفس سياره نجود الي شراها ابوها لكن لونها ابيض : شرايك بهذي؟
نجم : حلوه تقدمت تركب فيها وركب جنبها نجم
ناظرها وهي تناظر السياره : ماتوقعت افكر اني اسوق
نجم : نجمه انتي فكري وانا معك
ابتسمت نجمه تناظره نزلت ونزل معها ماتدري هي بعقلها الحين ولا لكنها تقدمت له وحضنته بكل هدوء
حضنها رغم انهم بالمعارض وكل شي حولها قزاز الا انهم ماهتمو ابتسمت وهي حاضنته
ابتعدت : ربي لا يحرمني منك
لمس خشمها بخفيف : ولا منك
خلص اجراءات الحجز وطلعو
نجمه : بتجيبها اذا اخذت الرخصه؟
نجم : اي ناظر فيها : ارجعك البيت
نجمه : اي طولت ١ الساعه
هز راسه ومشو
-
طلعت نجود وغزال من بيت عمها قربت تركب السياره وامها بجنبها ناظرت قدام لسياره الي تأشر لها بالنور
غزال : مجاهد؟
نجود : اي
وقف مجاهد عند سيارتها فتح الشباك : وين بأخر الليل
لو جوكم حراميه!
غزال : عيب عليك جمعت يدها على بعض كف مني يطيحهم
ضحك ناظر بنجود لفت نظرها من نظراته
مجاهد : بكرا بمرك نفطر
هزت راسها بهدوء ناظرت بنظرات امها حركت للبيتهم
-
وقف عند بيتهم انتبهت ان سياره نجود ماهي بموجوده ناظرت فيه : تسلم
نجم : مابينا
فتحت الباب ونزلت وحرك لبيته
وصل ونزل يدخل شقته فتح الباب ناظر بالقطوه تدور حولين الباب حملها : نسيتتتك يووه لو تدرين وش صار اليوم رفع خاتمه يوريها : شرايك؟
وقف يسوي قهوته رغم ان الوقت متأخر
-
الساعه ٩:٣٠ص
ركبت نجود مع مجاهد : سلام عليكم ان شاءلله ماطولت
نزل نظارته : لا ابد بس احرقتني الشمس
ضحكت تناظره : توك واصل امداها تحرقك
مجاهد : لو انتظرك تحت البرد وتحت الحر ماحسيت
سكتت تناظر قدام مجاهد : وين تبين نفطر؟
نجود : الي ودك
-
صحت تناظر بسقف رفعت راسها تناظر بساعه : يووه فاتتني دخلت دورة المياه توضي طلعت تصلي انتبهت لجوالها كان باقي ساعتين عن محاضرتها اتصلت على نجود ولا ترد: ياشينك
طلعت برا الغرفه دخلت غرفه سلمان: سلماني
طلع من الحمام يناظرها بطرف عين : لا
نجمه : وصلني للجامعه تكفا
سلمان اشر لها فلوس فتحت عينها بصدمه : سلمان ترا قبل يوم نعطيك لان ماعندك وظيفه اما الحين وشوله نعطيك؟
سلمان : لها طعم غير بس خلاص توكلي مافيه
نجمه : اعطيك كم تبي ؟
سلمان : ١٥٠
نجمه : حشى موديني على ظهرك!
سلمان : اجل اذلفي
نجمه : خلاص بدفع لك يعع طلعت برا وبدت تتجهز
-
بالسياره
نجمه : ابي قهوه
سلمان : زيدي عشرين
نجمه : ادفع قييمه قهوتك ياغبي
سلمان: يالله
طلب قهوه ودفعتها وحركو يكملون
وقفت عند الجامعه وروقان عالي دخلت ونزلت عباتها وكملت تدخل القاعه دائماً كانت توقف عند الباب ومتوتره الا هالمره دخلت بكل حماس
ناظرت بمكانها الي دايم بالوسط هالمره جلست قدام
بدا يشرح نجم
-
نجود: شباقي تجهيزات؟
مجاهد : مابديت لسى رغم ماباقي الاا اسبوع وشوي
نجود : حسافه مايمديك وانا مادرست لي كم يوم سحبت خلاص
مجاهد : كفو عليك ابشري من يسجلك باحسن الجامعات وابد لو تبين بحسابي اطلبي
ابتسمت له
-
وقفت غزال تناظر بسلمان الي نازل تكتفت : والله سلمان ماعاد اشوفك شي لو تدري يعني
سلمان : ادري
غزال : وليتك تفهم صدقني لا الفلوس ولا اختفائك نفعكك! بالعكس خلانا مشتتين ماعاد احس اننا عائله نفس قبل
نزل منيف وسمع كلامها تعداهم يطلع برا لدوامه
-
جلست بصاله وهي تفكر لها كم يوم تخطط وتفكر بالموضوع لكن اكيد مابتسوي شي الين بعد زواج نجود
اخذت جوالها تتصل على حنان تجيها
-
ناظر ابو نجم فيها تناقشه : يعني طول العزيمه اشر لها ماتساعدني وين السنين الي اهتميت فيها ! بالله يرضيك
سكت عنها
ام نجم : ترا بنتك ذي ماتربت صدقني الاحترام والاداب بجهه انتي مدري كيف حابتها ام زوجها ناس غريبه صدق
وقف يبعد عنها وقفت : اكلمك وتسفهني
طلع برا ومشى لنياقه وهو وده ينقل للمدينه ويرتاح ويكون عند اخوياه لكنها رافضه تبي قريب من اهله ام نجم اخذ نفس ولا يعرف ايش يسوي ركب سيارته ووده يروح لبنته
-
غزال : شرايك نطلع نتمشى ونتسوق ونتغدا
حنان : ماعندي مشكله كلهم بدواماتهم وش يوديني للبيت
لبسو عباياتهم وطلعو مع سواق حنان
بالسوق
غزال : ييوه لو اننا باقي على ايامنا الزينه كان شريت هذا الفستان
ضحكت حنان : عاد احمر صاروخ يسجل املاكه باسمك
تنهدت من جابت طاري املاكه ! الي كلها من زواج بنته
-
وقف عند محطه يناظر حوله سم بالله ونزل ناظر بالعامل : هذي بريده صح؟
هز راسه العامل
ابو نجم : تعرف بيت عماد مساعد؟
ضحك العامل وناظر بصاحبه
عقد حواجبه ابو نجم شهق من قربو له ياخذون اغراضه والسياره وهربو فيها يسرقونها صارخ ابو نجمم : هيه ياوليدي ناظر بالناس الي كلهم ماهم بيمه مسك راسه بتعب ناظر بشمس : ياربي ساعدني مسك جيبه يبي جواله تذكر انه حاطه بسياره غمض عينه بتعب ولا يدري وش يسوي قرب لاحد الرجال الي بسياره : ياوليدي
نزل الرجال من السياره : سم يابوي تعال اركب ارتاح
ابو نجم : لا بغيت جوالك بتصل على وليدي
الرجال : ابشر ابشر بس يمكن ماتعرف له ملني الرقم
بدا يمليه الرقم
-
ركبو السياره
حنان : ودنا المطعم ارسلت لك موقعه
السواق : بعيد ابي اعبي بنزين محطه قريب
حنان : كان عبيت قبل شوي روح يالله
بعد مده وقف السواق عند المحطه
غزال : يوه يالصحراء واضح هالمحطه بقطعه
حنان : عاد دايم المحطات الي كذا يكثر السرقه
غزال : صادقه
ميلت راسها حنان تناظر بسياره الي وقفت همست : نجم؟
غزال ناظرتها : نجم؟
ناظرو بشباك مستغربين سرعته بالركض لسياره ثانيه واخذ الشايب يحضنه
غزال : ابو نجم
حنان : اي ياسبحان الله ماتغير
غزال : محلو ناظرت فيها حنان ضحكو : اعقلي
غزال : ننزل لهم نشوف شفيهم
حنان : سلامات اقعدي بس
غزال : ننزل يامره ونشوفه
ابتسمت من فتحت الباب وقربت لنجم : نجم ؟
لف لها نجم : مين؟
ناظرت غزال بابو نجم : سلامات ابو نجم شصاير لك
ابو نجم : من انتي؟
ابتسمت تناظرهم : انا غزال ام منيف
رفع حاجبه نجم لف لابوه
ابو نجم : ياهلا ومرحبا والله وبدا يحكي لها بينما هي انصدمت تعمدت ؛ بسم الله عليك في العدو ولا فيك عاد الله يهديك ابو نجم على نياتك دايم تارك سيارتك مفتوحه بالمحطه
ناظرها نجم ولف يناظر بابوه : حتى واحنا بعز الشمس بتسولفون مشينا يبه
ابو نجم مشى معه وركبو السياره ولفت غزال لسياره وركبت
حنان : الله يهديك بس بتجبين مشاكل بغنى عنها
-