" بعض الخسّاير الله يامكبر ارباحها "

بارت51

( مااسامح القراءه بدون كومنت توقعات فقط❗️)
اي كومنت ايموجيات او غيره ينحذف!

بالمطعم
مجاهد : مدري للان مابديت بشي
نجود : اجل ترم زياده
مجاهد : اذا اجلت مو معناته بنجلس بنروح من بدري
نجود : اجل لا تأجل اذا قسمتو كل شي انت والعيال بتخلصون بدري
مجاهد : المشكله وينهم كل واحد بديره
تذكرت سلمان وحالته : تدري
ناظرها : ايش؟
نجود : بس ماتسوي شي
مجاهد : كيف
نجود : سلمان يبي دانه
رفع حاجبه : بالله
نجود : اي يعمري عليهم
مجاهد : دانه تدري ؟
رفعت اكتافها : مدري الصدق
ضحك من تذكر خوفها ومن هذاك اليوم ماشافها
نجود : نمشي ؟
عقد حواجبه : تونا؟
نجود : ابي امر المركز
مجاهد : ليش؟
نجود : ابي اشوف ابوي
-
وقف عند المركز ناظرت نجود فيه : انتظرني مابطول
هز راسه ونزلت نجود دخلت المركز تقدمت لمكتب ابوها طقت الباب وجاها صوته دخلت راسها تناظره كان واضح السهر عليه والتعب والقلق بعد : ابوي
ناظرها بدهشه وقف : نجود يابوي
تقدمت له وحضنته : ماجيت تبارك لي بملكتي
سكتت سلمان ابتعدت تناظر فيه : ابوي ليش ابتعدت؟ ليش كلهم يدرون الا انا
سلمان : مافيه شي لف بيجلس مسكت يده : صدقني حتى لو انك مخطط على موتي بسامحك ابوي انا مابي افقدك مره ثانيه انت يوم اختفيت سنتين كلهم فقدو الامل الا انا تدري ليش ؟ اشرت على قلبها لانك هنا وهذاك اليوم حلفت لو وش ماكان ماازعل منك ولا اتضايق منك حتى لو ودك تتبرى مني بجيك اضحك
ناظرها : نجود شي كبير يابوي
نجود : وش هو طيب وصدقني مابزعل
سلمان : زواجك من مجاهد كان عشان الورث؟
هزت راسها بالايجاب كمل : حتى ناصر عشان فلوس
اعتدلت توقف بصدمه كمل : وحتى الرجال الاخير الي خطبك عشان الفلوس اوافق
غمضت عينها بصدمه نزلت راسها تستوعب الكلام
كمل :لولا مجاهد ماوقف في وجهي وراح خطبك من امك كان ،، قاطعته : مجاهد!
سلمان : اي يابوي مجاهد ماقاالك؟
فتحت عينها بقوه تستوعب فتح الباب مجاهد وقف يناظرهم ناظرته بصدمه لفت تناظر بابوها والدموع بعينها : تمام اعتبر ما شي حصل وخلنا نرجع مثل قبل واحسن
مسحت دموعها : قوم يبه نرجع لبيتنا
وقف : اي بيت وهو لامك
نزلت راسها تمسحه
قرب لها مسك كتفها : نجود
ناظر بابوها لف يناظر بنجود
نجود : امش يبه بعذرها امي بعذرها اذا هذي فعلتك
-
حكت جبهتها بقهر من نجود والمشكله ماودها ترفض ولا ودها يعيشون السنتين الي اهلكتهم
ناظرت بنجود االي مره تسولف ومره تسكت
واضح انها متضايقه
وقفت نجود تعتذر : بنام تعبانه
غزال : قرب يأذن الظهر مافي وقت
نجود : عن؟
غزال : وش عن ملكه نجمه الليله
شهقت نجود : كيف!
منيف : ما اصدق نجود ماتدري
رقت فوق لغرفتها اخذت جوالها من شنطتها ناظرت برسايل نجمه واتصالاتها اتصلت عليها : نجمه،،
نجمه : بالله اسكتي عني من يوم ملكتي وانتي ناسيتني حتى رسايلي ماتشوفينها
نجود : تكفين نجمه تكفين
نجمه : بسوق الحين ومشغوله سكرت الجوال
تأففت نجود تجلس
بالمول
ناظرت نجمه بفستان ازرق ماسك وهادي : يجنن
حنان : عاجبك؟
نجمه : اي ابي اجربه
اخذت الفستان ودخلت غرفه لبسته لفت تناظره من الخلف ومن الجنب دخلت حنان ناظرتها : يهبللل
قربت لامها انتبهت للفتحه ناظرو حنان ونجمه مع بعض كانت الفتحه من الخلف من عند الفخذ لتحت شهقت نجمه: وجع
حنان : متعمده شكلك
نجمه : حشى مستعجله اعرس !
نزلته ولفت تدور غيره
وقفت تناظر مصدومه بفستان ازرق وفيه نجوم صغيره وقمر > بالاحلام بس ماعليه تخيلو <
قربت تمسكه : يمهه
قربت حنان لها : بزر تشرين ذا
نجمه : امي وربي يجنن تكفين ابيههه
ناظرت فيه حنان وكان حلو لكنها تبي شي افخم
اخذته وراحت تجربه
-
جلست تمسك راسها سابع اتصال ولا فايده
اخر رقم اتصلت عليها
نجود : سلام عليكم مصوره عرايس؟
المصوره: اي نعم حياك
وبعد اسئله كثيره ووافقت نجود عليها
نجود : ابي ارسلك وضعيات طالبتها مني العروسه تبي تقولين لهم
المصوره : تمام ابشري
-
طلعت تناظر بامها: امي وربي خيال
حنان : اختيارك وانتي ادرى
حاسبو وطلعو يشرون الكعب والباقي
نزلت جوالها بعد ماتصل عليها سلمان ناظرت بنجمه : متفقين انتي ونجم ؟
نجمه ناظرت فيها: على؟
حنان : سلمان يقول الكوشه وصلت وكلها نجوم شسالفه؟
ابتسمت من تحت نقابها : يعني ودنا بنجوم
لفت تمشي وقلبها فراااشااتتتتتتت
-
بدت تدور لها فستان وقلبت الدولاب كله ولان مافيه وقت ابد تروح تدور
ناظرت برسايل مجاهد
فتحت المحادثه: نجود فاضي انا ودك بشي ؟ او اجيب لك شي ؟
ابتسمت: لا ياعيني
مجاهد : اخخخ والعيوننن
-
طلعت غزال من غرفتها بعد ماجهزت كل شي اخذت جوالها تتصل على حنان
حنان: اهلين غزال
غزال: رجعتو؟
حنان : اي بطريق الحين
غزال : طيب بس توصلين قولي لي اجيك اجهز معك
حنان : ابشري
-