" بعض الخسّاير الله يامكبر ارباحها "

بارت 25

نزلو يفطرون
نجود : الذ مطعم
نجمه: الكبده عندهم رهيبه
نجود اخذت من الخبز تاكل كبده
نجمه : خير كبدتي
نجود : مطلعينها منك
نجمه ضحكت والقمه في فمها شررقت ببلقمتها وقفت ضحك تضرب صدرها بدت تكح بقوه
نقزت نجود لها تضربها : بسم الله عليك
كحت نجمه بقوه اخذت المويا نجود تمدها لنجمه شربتها دفعه وحده ابتعدت نجود تناظرها من ارتاحت نجمه ضربت بصدرها: يمه شفت الموت
نجود : بسم الله عليك
نزلت المويا نجمه ناظرت بالي بالمطعم اغلبهم يناظرونها
نجمه : شكلهم ينتظروني اموت
نجود : الا خافو يصير شي
نجمه : نظراتهم تقل ودهم بفعاليه على موتي!
نجود : شفيك انتي ماااححد يمك
نجمه : شوفي نظراتهم واحكمي
ناظرت نجود فيهم وكلن لاهي باكله ولا يناظرونهم حتى
ناظرت بنجمه : انتي تشوفين شي مااشوفه؟
نجمه وقفت : نمشي احس لو قعدت بسوي مصيبه
نجود ناظرتها : ماشبعت
نجمه اخذت شنطتها وشنطة نجود : الا شبعتي قومي
-
مسح على وجهه يفكر دامها بلكته وشلون بيخليها تشيل البلوك اخذ نفس يوقف هي لو تدري من هو احتمال تموتهه طلع من مكتبه لقسم التوظيف
دخل ناظر برائد : افتح الرابط وحط توظيف حتى للي يدرسون جامعه
رائد : ابشر
طلع عماد لمكتب ثامر ناظر فيه من القزاز يشتغل ومشغول طق المكتب
ثامر : ادخل
دخل عماد ناظره : وشو الشغل
ثامر : خلصته خلاص
عماد جلس مسك راسه: نفسيتي يادوبك اليوم اعذرني
ثامر: ماعليك يارجال كلنا ننضغط
عماد : قررت افتح توظيف
ثامر باستغراب : بس مانحتاج الحين!
عماد بوهقه : انا احتلج مساعد واحتاج معد تقارير احتاج اشياء كثيره
ثامر : طيب براحتك
عماد : انت وشرايك قلت اوظف الي يدرسون بعد
ثامر رفع حاجبه يناظره : شمعنى الي يدرسون!
عماد : يعني الي عندهم مشاريع او شي مثل اختك يوم كان عندها مشروع قلت اوظفهم واعطيهم رواتب
ثامر : بكفيك والله
عماد وقف : مدري لكن اذا احد عندك محتاج خله يقدم
ثامر: لا ماعندي
غمض عينه عماد يعطيه ظهره يطلع
سكر المكتب وقف يناظر بثامر الي رجع ينغمس بشغله : ياخي افهم وظفها وانت ساكت
-
رقى سلمان لمكتبه وقف عند الباب : يعني مادري عشاني طلعتك بالطيب ترجع تجي!
سلطان: جيت ومعي شي لك
سلمان : مااذكر اني تركت شي لي عندك
سلطان : ولدك! الي مسجله باسمك
سلمان ابتسم : متوقع هالشي ناسيه؟ ولا تحسبني غبي ومسجله باسمي ؟ اسال اختك بمين مسجله
سلطان عقد حواجبه يناظره : مافهمت
سلمان : تحسبني غبي ياسلطان الولد مسجله باسم اختك
اعتدل سلطان يوقف بصدمه وهو توقع انه مسك شي على سلمان وجاء ركض له : مستحيل
سلمان : رغم انك نجس الا ان اختك ماطلعت عليك وتدري هي فكرتها لانها عارفه وش يصير بعدين
رص على اسنانه سلطان طلع برا المركز بعصبيه
-
دخل سلمان المكتب جلس يشتغل رفع جواله يناظر بمكالمة مساعد
سلمان : ارحب ابو عمار
مساعد : هلا والله اخبارك
سلمان : نحمد الله انت وش جديدك
اخذ نفس مساعد : والله مدري كيف اقولك لكن اكتشتفت حاجة
سلمان عقد حواجبه : وشهي يمكن اساعدك
بعد مده
نزل سلمان يركض لقسم ابراهيم ناظر فيه يدرب
ناظره ابراهيم ابتعد يقرب لسلمان : سم
سلمان : وين اغراض مجاهد؟
ابراهيم باستغراب : مافهمتك
سلمان : اغراض مجاهد الي كانت هنا وينها! جاك مساعد سألك عنها وين وديتها
ابراهيم : عطيتها نجود كانت جا،، قاطعه سلمان يبعد عنه
طلع برا المركز متوجه للبيت
-
بيت صالح
نجود : شرايك ؟
نجمه : يجنن وربي
نجود : يعني باقرب مناسبه مابشري حظي
نجمه : اي ارتاحي
نجود جلست قدامها : وش السبب انك عطيتيني هالفستان وانتي كنتي بتموتين تبينه
نجمه : تغيرت اهتماماتي
نجود رفعت حاجبها : الله وشهي الاهتمامات اخت نجمه
نجمه : زوج
ميلت راسها نجود : السبب
نجمه : تخيلي معي شخص يفهمك وتفهمينه ويصير عندكم شي تحبونه مشترك
نجود ناظرت فيها تسمعها
نجمه : بس تدرين انا مشكلتي صعبة المنال
نجود : الله
نجمه : يعني ماني راضيه الين ينزل براسي نجوم
نجود : كيف
نجمه : شوفي مو نجمه نجوممممم يعني فيه نجوم لقيتها غاللليه انا مارضى الين يشريها
نجود : ماسموك اهلك نجمه عبث
نجمه : صح لازم استغل اسمي بذا الشي
نجود : انتي غريبه لدرجه ماني فاهمتك للان
-
بيت سلمان
غزال قربت تبعده لكن ابعدها : ابعدي ياغزال
غزال : وش الموضوع وش صاير
سلمان : نجود بنتك اخذت اغراض الولد وهم مطلقين
اخذتها عندها الله اعلم لو انهم متواصلين بعد
انصدمت غزال تناظره : مستحيل مستحيلل مااسمح لك قربت توقف عند دولابها : هذي بنتي مستحيل تسوي كذا
وقف سلمان يلقط انفاسه ناظر بالغرفه الي انقلبت فوق تحت حتى مفرش سريرها راميه بالارض
سلمان : انتي بس تخيلي معي كيف مساعد يتكلم معي ! كانه يقولي شوف تربيتك
غمضت عينها غزال بقهر : وين هذا انت قلبت الاغراض فوق تحت وينها ؟ يبتلون عليها انا من يوم دخلت هالمركز انصحها واقولها ابعدي عنه
سلمان : باقي الدولاب ابعدي خليني اشوف
ابتعدت غزال وهي فعلاً ودها تشوف
فتح سلمان وبدا يرممي اغراضها ويشوف لكن ماكان فيه شي
غمض عينه براحه ابتعد يناظر بغزال
ناظرت فيه غزال بقهر اشرت له يطلع وفعلاً طلع بدت ترتب غزال اغراض نجود
بعد نص ساعه وقفت تناظر الغرفه مرتبه لفت بتطلع لفت انتباها الصندوق الي فوق الدولاب بتلت تناظره ودها تشوفه لكنها خايفه تنصدم اخذت نفس تبعد من سمعت صوت نجود
ابتعدت عن الدولاب قربت للباب تطلع قبل لاتجي نجود
نزلت تحت ناظرت بنجود
نجود : امي وشفيك
غزال جلست تناظرها : مصدعه بس
نجود : ماتشوفين شر
ابتسمت غزال كملت نجود تناظر بسلمان : ورحنا مطعم نفطر ومريت بيتها وجيت
غزال : ماطولتي
نجود : اي ودي نجتمع برا
غزال ناظرت بسلمان الي ساكت يناظر بنجود اخذت نفس توقف
عقدت حواجبها نجود تناظر بسلمان : صاير شي
وقف سلمان هز راسه بنفي
استغربت نجود
-
نزل المريله اخذ الوحه طلع برا القاعه ينزل للبوايه بعد مانتهت محاضرته ركب السياره متوجه للفندق
وقف عنده ناظر بالعيال عند باب الشقه : يوه صادقتكم وابتلشت
راكان : صدقني شقتك تجيب العافيه
مصعب : تدري ليه لان قلبه به احد
مجاهد : اا يسخافه والله ماله شغل
طلع المفتاح يفتح الباب دخل لف يناظر بصراخهم يدفون بعض من يدخل وقف مجاهد عند الباب : سلامات
مصعب : اكبر منك المفروض اول
راكان : اكبر منك عقل اذا انت عمر
مصعب : يااا يابو العقل
مجاهد سكر الباب بوجههم قرب من حس انهم مالهم صوت : ادري مصدومين بس افهموها واذلفو
راكان : ياقليل الادب
مصعب : انا داري احد يعبي راسك علينا مشى يبتعد عن الشقه يصارخ : ادري طردتنا عشان ترتاح مع حبيبة القلب الحين الله يرزقنا
راكان : شلون حبيبة القلب ؟
مصعب دفه بقوه : ياخي مو وقت اشرح لك
ابتعد مجاهد نزل لوحته بالبلكونه عشان تجف مشى يدخل لغرفته بعد مده طلع يجفف شعره جلس بهدوء يفكر الى وين وصلو ابوه وسلمان اخذ جواله
اتصل بدانه
دانه : ان شاءلله هالمره تسأل عني
مجاهد : هالمره مو عنها اساساً
دانه : ليه شصاير
مجاهد : اسمعي ابوي وسلمان ناوين يعرفون مكاني علميني عن اي مستجد يصير
دانه : تمامم ولا يهمك
مجاهد : كفو
دانه : اخت مجاهد
ابتسم محاهد : تروحين تلقطين اخر مستجداتي من ابوي
دانه : ابشر
-
نزلت دانه ناظرت بمساعد يشتغل قربت تجلس بجنبه عشان يمديها تلقط وش يشتغل عليه
مساعد فتح يدينه يحضنها
دانه : اخب،، سكتت تناظر بجواله يتصل
رد مساعد : هلا
بعد مده من الحكي
مساعد : قالك ابراهيم انها اخذتها
سلمان : قلت لك مالقيتها بغرفتها
مساعد : ماعلي وين تلقاها انا مدري بنتك وش تبي باغراض مجاهد وهم منفصلين اسالها دورها بسيارتها تلقها خبتها بمكان
وقفت دانه مصدومه
-
( اكتبو لي كومنتات ياهل الواتباد ولا بعاقبكم مثل حقين الانستا👌🏻)