" بعض الخسّاير الله يامكبر ارباحها "

بارت 37

بعد مده ناظرت نجمه بنجود : فهمتي ؟
نجود : اي بس اسمعي
نجمه : ايش
نجود : اكتبي لي اسئله وبحلها
مدت الجوال لنجمه هزت راسها تكتب
ونجود تراجع
بعد ساعتين
وقفت نجمه من جت نجود مبتسمه : بشري
نجود : نقصت درجه بسسسس
حضنت نجمه : الحمدلله
نجود : اي والله
اخذو اغراضهم طلعو للبيت
وقفت نجود عند البيت تناظر بيتهم : تتتوقعين بيخلص بدري ؟
نجمه : اي مو يقولون خلال شهر؟ بعدين شوفي خلصو الحوش وغيره
نجود : سبحان الله البيت الي يشوفه يقول ماسلمو
نجمه : يعني هو لولا الله كان ماسلمتي
ناظرتها نجود : شقصدك؟ سدي حلقك
نجمه : والله المفروض تبوسين راسه لانه انقذك وخاطر بنفسه يعني لو اني شفت الحريق بقول نفسي نفسي نفسي وابعد
نجود : افا افا
نجمه : يعني لو اني مكانك بتدخلين والله ماشوف حتى ظلك
نجود : صح نفسي نفسي نفسي
نجمه : الحمدلله رغم كذا باقين مع بعض
ضحكت نجود تنزل نزلو يدخلون البيت
ناظرت فيهم حنان : جيتو انا وغزال ننتظركم ماتغدينا
نجود : جوعانه
دخلت الصاله نجمه ناظرت بالاكل : يووه يوووه بدت تاكل
-
ناظرت انهار باريج : قاطعيني ولا تمروني حتى
ابتسمت اريج : والله خاله دايم اقول عمار بس مضغوطين
اخذت انهار سكره تحضنها
اريج اخذت فنجال القهوه رجعت ظهرها لورا : مابتجي اميره من زمان عنها
انهار : الا بس تعرفين يومها سنه
ضحكت اريج : ياعمري
دخلت دانه وبيدها صينيه حلا
انهار : وش ذا؟
دانه : ابداعات بنتك تقدمت تجلس قريب من اريج
دانه : اريج اول الضحايا
دخل عمار وبيده ماهر : مارضى ام عيالي
ابتسمت اريج تاخذ صحن وتاكل لقمه تلللذذت : ياررربي
دانه : بالله ؟
اريج داخت من اللذاذه : وربي رهيب
قرب عمارر ياخذ صحن اريج وياكل منه
دانه : مشفوح خلها تاكل جايبه لك صحن
عمار : الذه بصحنها
انهار : نسيتيني ؟
ضحكت دانه تمد لها الصحن
عمار باستغراب : وينه عماد ماشوفه
انهار : مسافر
عمار : غريب اصحابه
-
بالليل
جلست نجود ومعها القهوه : عطيني كوبك
مدت كوبها وهي تناظر برسايل : صدمه
نجود : ايش
نجمه ناظرت بنجود ابتسمت :ضافني مايقدر بدوني
نجود : متى ؟
نجمه : الحين
نجود : شوفي حطك ليدر؟
نجمه : يووه نسيت ياربي صبررني دخلت على القروب تناظر وفعلاً حطها ليدر انسدحت عند الكيكه تصارخ : حسبي عليك من دكتور
ارسل نجم رساله طويله بالقروب
دخلت نجمه ناظرت برساله
" السلام عليكم مساء الخير جميعاً
طبعاً هذا رقمي الدكتور : نجم
والليدر للقروب : نجمه صالح
ماسمح اي تواصل على حسابي او اي رساله
الا اذا كانت مهمه تتواصلون مع نجمه ترسل لي وانا اشوف القروب لو كنت بعتذر عن محاضره ابلغكم هنا او اي اختبارات مايحتاج اذكر وش المهمه بعد
وشكراً "
نجمه تهزءت : الليدر نجمه ياشيخ اذلف والله مارسل لك
نجود شربت قهوتها : ليه احسه يبي تتواصلين معه
نجمه : يخسى

جلس سلمان ناظر بنجود : مو طبيعي من يوم جينا عند صالح ماجتمعنا
نجود : اي احس تشتتنا
منيف : وش صار متى يخلص بيتنا
سلمان انسدح بتعب على رجل غزال : مدري بس قاعد احاول
ناظر بنجود : من يوم رجعنا من المحكمه ماتكلمت معك نجود
نجود : مافيه شي يتكلم فيه والحمدلله ماصار شي
منيف مسك كتفها : كفو تربيتي
ميلت راسها : الله عليك
ابتسم سلمان : راح هو يجي غيره ماعليك
نجود : مو مهم الي يهمني دراستي وشهادتي فقط
غزال مسكت كتف نجود خلتها تنسدح على رجلها الثانيه
انسدحت نجود
منيف : يعني اتطلق عشان انام على رجلك ؟ ولا اتزوج
ضربه سلمان من يقصده بالزواج
ضحكت غزال : ولا وحده تعال احضنك
قرب يحضنها صارخت نجود من شد شعرها : بزر !!!
-
لف بهدوء يدخل غرفته ابتسم من تذكر كلام ابوه عن نجود صغر عينه بقهر من اسبوع ! يعني ثامر يوم اخذها عشان هالسبب قرب يفتح البلكونه يوقف يناظر بالبيت وبالغرفه حك يده :بترجعين بالطيب ولا غصب
-
اخذت نفس نجمه تدلك راسها : حسبي الله سرق الطمانينه مني
نجود : والله اعذريني مدري ايش اقول
نجمه: اتوقع نسبه تخرجي زيرو
نجود : حظي تتخرجين معي
نجمه : لا ان شاءلله
-
اخذ قهوته من الاله بعد برجله قطوته " نجمه "
نجم : ابعدي قرب للكنبه الصغيره جلس يشتغل قدام الابتوب
ناظر فيها من نطت بحضنه : خليك هاديه مشغووول تراني
نزل كوبه يركز ويناظر
بعد مده خلص شغله قفل الاب انسدح على الكنب يغطي رجله بغطاء خفيف شالها يحضنها على كتفه : سميتك ساكته شكلها الهدوء ماقبل العاصفه ابعدها يناظر بوجهها : عطيني فكره تخليها تجيني للمبنى تدرين ليه
حملها على كتفه : لاني ماناظرتها زين مدري وشمعنى نجمه لااسلوب ولا احترام
-
نجود : طيب شرايك تكلمينه بانك ماتبين
نجمه بعصبيه : كلمته كلمته انغثيتتت
نجود : لا تروحين له تقولين له لو سمحت مابي اصير ليدر
نجمه : مافهم بالكلام بيفهم اذا جيته
نجود : حالتك صعبه
نجمه : السؤال الحين كيان متعبه نفسها تصير ليدر ليش مااخذها ؟ ليه انا الضعيفه الي ساكته حالي حال نفسي
نجود : حيوان
-
الصباح
وقفت نجمه بعد ماخلصت من اختبار مدته ساعه طلعت ترسل لنجود بلغتها انها عندها تصميم
تأففتت تجلس بالطاوله بالكافتيريا
قربت دانه : سلام
لفت نجمه : هلا
دانه : وينها نجود ؟
نجمه.: عندها محاضره
دانه جلست : نجمه اثق فيك؟
نجمه : اي سمي ؟
دانه: انتي تعرفين نجود كثير ليش وافقت على ناصر ؟
نجمه : اي ناصر البنت لها اسبوع متطلقين
دانه بفرحه: احلفي
نجمه : حشى اتفاول عليها يعني
دانه : طيب طيب اسمعي
نجمه ناظرتها بطفش كملت دانه : يعني مدري شلون اقولك لكن هذا يعتبر خير نسويه عقدت حواجبها نجمه : كيف
دانه : شرايك انا احاول بمجاهد وانتي نجود
ضحكت نجمه : سلاماتت دانه سلامات مستحيلل وبعدين لاتسوين شي تندمين عليه بعدين وقفت نجمه تبعد عنها
طلعت برا نجمه لبست عباتها ونقابها ناظرت بالكوفي الي قريب للجامعه طلعت تمشي له ارسلت لنجود اذا تبي شي ردت عليها بقهوه بارده دخلت الكوفي وطلبت جلست بالطاوله تنتظر انخرشت تناظر تحت الطاوله ناظرت فيها : يالبي وس تسوين هنا شالتها استغربت تناظرها كيف سمحو يدخلونها شالتها تحضنها
طلع نجم من مكتب المدير ناظر بالباريستا : خلاص خلصتها ولا تناديني مره ثانيه الا بالليل
الباريستا : اعذرني والله بس خفت يوم شفت المعاملات كذا
هز راسه يطلع نجم يمشي تأفف من تذكر لف يدخل دخل المكتب من جديد همس : نجمه
انحنى يناظر تحت المكتب : وين رحتي
طلع برا يناظر
وقف نجمه من اخذت القهوه وهي باقي حامله القطوه : تصيرين بنتي ؟ ادلعك واحبك ماراح تندمين
تحركت بانزعاج القطوه فكتها تنط تبعد : وين تروحين
تحركت عند البوابه القطوه انتبه لها نجم قرب للباب حق الكوفي وفتحه : ادورك وين رحتي
حملها ياخذها يناظرها
اعتدلت بوقفتها تناظره
انتبه لها نجم هز راسه : نعم؟
نجمه : قطوتك عزتي لها المسكينه ميته جوع الضعيفه
رفع قطوته نجم من عرفها من صوتها لفها على نجمه : شوفي سميتك
ميلت راسها بصدمه : سميتي!
هز راسه : اي شرايك ؟
طاح كوب القهوه منها ركضت للجامعه دخلت لقسم المباني وقفت تمسك راسها : انهوس هوس ركضت لمبنى التصاميم دخلت تناظر ارسلت لنجود اي قاعه ركضت لها
وقفت عند الباب تتصل
قفلت نجود باستغراب واتصلت نجمه
وقفت نجود : ممكن دوره المياه؟
هزت راسها الدكتوره طلعت نجود وقفت تناظر بنجمه معطيتها ظهرها : نجمه
لفت نجمه تحضنها : نجود هوس هوس
نجود : وش هوسه وشقاعده تقولين
نجمه : اتوقع صار مهوووس فيني نجود احس خايفه ناظرت بيدها ترجف
نجود : شصاير من قالك تروحين
نجمه : مارحت رحت للكوفي
نجود ناظرت تبيها تكمل
نجمه : كان فيه قطوه العبها بعدين وقفت عند الباب تنتظره جاء هو شالها ولفها لي قال سميتك نجود بصيح وربي بصيح
مسكت كتفها : هذا شفيه
نجمه : مدري مدري حضنتها بقوه برعب
-
ركب سيارته بعد ماخلص محاضرات اخذ جواله يتصل
ردت : ياهلا ياهلا
نجم : يابنت ويننن وينن ماتتصلين
شيهانه: اتغلى عليك
نجم : يحق لك وينك بجيك
شيهانه : ههههه ياحبيبي انا وين وانت وين
نجم : مسافره! حمدلله والشكر
شيهانه : خليت الحر لك واتمشى بالاجواء الي تفتح النفس
نجم : طيب اخوك حبيبك اخذيني معك؟
شيهانه : خلك عند امك احسن لك
نجم : يالله امي مطول عنها بعد ماجيتي لابوي ؟
شيهانه : الا قبل لا اسافر مريته مره طفشان روح له
نجم : اجل هاليومين بمره
شيهانه : ان شاءلله
-