" بعض الخسّاير الله يامكبر ارباحها "

67

صاحت دانه بفرحه من دخل عليها فجاءه بغرفتها ركضت تحضنه بقوه ؛ اشتقت لك وربي اشتقت
ضحك مجاهد ويحضنها : اكثر وربي
ابتعدت تناظره : ياعزي تشتاق لك زين ذكرتني مع نجود
حك راسه ؛ انكشفت
ضحكت دانه : امي شافتك؟
مجاهد ؛ لا شكلها بغرفتها الصاله فاضيه
مسكت يده وركضت لغرفة امها تطق الباب بقوه
طلعت انهار وشهقت بصدمه تناظر بمجاهد ضحك مجاهد وقرب يبوس راسها ويدها ورجلها وهي باقي مصدومه : ياحيوان يامجاهد
ابتسم وحضنها بقوه
لف من سمع صوت البوابه وانتبه انه ابوه قرب ينزل من الدرج ووقف على اخر درجه ودخل مساعد ابتسم له مجاهد وقرب له يسلم عليه ويبوس راسه تحت صدمة مساعد وتفاجاء بوجوده : وماقلت لي يامجاهد
ابتسم مجاهد ؛ روحتي وقعدتي هناك صدمتكم قلت جيتي تصدمكم
حضنه مساعد بشوق : والله انها ما تصدم الا انها تفرحنا كلنا
بادله مجاهد الحضن
-
جلس منيف بعد ماسلم على ابو ملاك
من يوم صارح امه بانه وده بملاك طلب من امه انها ماتدري ملاك ولا امها يبي يخطبها بالحلال ولا حتى هم يفكرون لو قالهم قبل انه قليل ادب وكذا
بعد ماتكلم عن الخطبه ووو
طول ابو ملاك يناظر بمنيف وتوتر منيف يناظره
ابو ملاك : خل الخطبه شوي يامنيف انا اعرفك؟ او قد شايفك
رفع حاجبه منيف بتوتر وده يقول اي ووده يقول لا سكتت
ابو ملاك : اتوقع شايفك بشركه تشتغل هناك؟
منيف : لا انا عسكري
ابو ملاك : ماشاءلله ماشاءلله اخذ نفس وناظره منيف
ابو ملاك : انت تعرف بنتي كيف غلاها عندي وانا ماتركتها عند امك الا وانا عارف ان امك شخص ينوثق فيه انا هذاك الوقت منضغط وماقدرت اناظر بنتي حسيتها.. منيف ميل راسه يناظره وبداخله همس : شفيه يفضفض لي ناقص انا وسمع كلامه
ابو ملاك مكمل : وانا بشوف رايها بالكثير يومين ونرد لك
هز راسه منيف
بعد عشرين دقيقه
ركبو السياره وناظرت غزال بمنيف : شقال لك؟
منيف : بعد يومين يرد لي
غزال : اي حتى امها
منيف : طيب وش يصبرني؟
غزال : اثقل وخليك ثقيل مثل امك
ابتسم منيف وقرب يوقف عند بيتهم وناظر بامه من عقدت حواجبها بصدمه وتوترت من نزل ابو نجم
منيف : خليك ثقيله
ناظرت فيه : ليه جاء؟
منيف : عرسكم بيناقشني فيه عاد اسمعي روحي البسي فستان يرعد ويبرق وتعالي اتوقع بيقول العرس مايحتاج
فتحت عينها بصدمه : منيف !
نزلو ومشت بسرعه غزال ودخلت البيت تحت ضحك منيف عليها
بالمجلس
ابو نجم : مايحتاج شهر اسبوع ونخلص العرس
رفع حاجبه نجم : تبون تعزمون؟
ابو نجم : ماعندي مشكله بام منيف ان كان ودها بعرس كبير تبشر به
منيف ناظر بنجم وضحكو سوا مايدرون ضحك قهر ؟ ولا ضحك فرح لاهلهم
-
جلست نجود بصاله بعد ما حاولت بامها تنزل لابو نجم لكنها رفضت
صبت لها من القهوهه تتقهوى اخذت جوالها تناظر بمكالمه من نجمه
اتصلت عليها : ارحبي
نجمه : سمعت الناس يقولون لي ان نجود لها كم يوم بالقصيم!
نجود : وهذولا الناس ما قالو لك وش مرت فيه نجود؟
نجمه : اقلها قولي لي اساعدك
نجود : تعالي عندي مسويه قهوتي وامي تعبانه بتنام
نجمه : الان اجيك
سكرت نجمه وتجهزت وطلعت مع السواق وقفت عند البيت واستغربت بوجود سياره نجم نزلت قربت بتضرب الجرس وفتح الباب نجم طالع وابوه خلفه انصدم يناظرها : وش مطلعك؟
سفهته وناظرت بابوه : عمي حركات بدينا من الحين مسايرر خوفي تجيب الحفي
قرب لها نجم يغطي فيها بصدمه وفاتح عينه همس قريب لوجهها : مهبوله انتي ؟
ناظرته نجمه كمل : بتدخلينها براسهم بعد
ابعدت يده ودخلت داخل لصاله ناظرت بمنيف : حي الله منيف
وقف منيف : المفروض اقولك حياك الله بنت عمو
ابتسمت نجمه : الله يبارك فيك
وقف منيف : اجل اخليكم واروح
نجمه : ماتشوف شر
ركضت من طلع منيف وحضنت نجود بقوه : بصيرررر اممممم
شهقت نجود تبعدها : صادددقه!
نجمه : وربي وربي وربي مسكت بطنها : شرايك ؟ اصلح ام
ضحكت نجود وضربتها على كتفها : مب صاحيه من الحين نقص عقلك
جلست نجمه وجلست نجود وصبت لها قهوه
نجمه : ياختي احس ماني مصدقه وربي احسنا امس ندور ابوك الحين كيف بصير امي كذا فجاءه
سكتت نجود من تذكرت ابوها رجعت شعرها للخلف وناظرت بنجمه : ابوي تدرين راح عن بالي يارب تسامحين لهيت مع امي
نجمه : شسويتي مع امك؟
نجود حكت لها كل شي من يوم جت
نجمه : ياحياتي الله يعينكم صدق
نجود : تدرين شايله هم ام نجم احسها شريره امي الله يهديها حطت نفسها بنار
نجمه : ماحسها شريره لدرجة تضر !
نجود : مدري اخاف عليها الصدق تعرفين انتي الوحده ماترضى ابداً على زوجها
نجمه : بس ام نجم ماكانت مريحه ابو نجم
اخذت نفس نجود : خلاص غيري الموضوع جهزتي للبيبي ؟
نجمه : تصدقين ماسويت شي بس تخيلي مدت شفايفها
نجود : ايش ؟
نجمه : اجلت ترم ياربي الجامعه زحفت فيها زحف !!!!
نجود : عادي ماردك ببتتخرجين ان شاءلله بس كانه توك على التاجيل!
نجمه : نجم ازعجني يبي
الساعه ١٢ بالليل
رقت لغرفتها ودخلتها تسكر الباب ناظرت بجوالها على الكومدينا توه متصل مجاهد
اتصلت عليه ورد عليها : هلاااا
نجود : اهلاً
مجاهد : وين مختفيه اليوم
نجود : المغرب كذا جتني نجمه وتوها راحت وقبل المغرب راحت امي ومنيف يخطبون له
مجاهد : اهاا
نجود : اي بس تدري احس اني حماره مجاهد
مجاهد : ليش؟
نجود : ابوي نسيته مارحت له ولا شفته مطوله عنه اخخ بس
مجاهد : طيب يمديك بكرا تروحين ؟ اخذك انا ونروح نسلم عليه
نجود : ودي نروح انا ومنيف لانه ماراح نجلس معاه ودي
مجاهد : الي يريحك لا تقلقين الدنيا سهالات
نجود : الله يعين بس مدري الاحق ورا امي ولا ابوي كلهم لهو بحياتهم
مجاهد : قلت لكم ابو لاهي بحياته لكن امك لا !
هزت راسها بتذكر : صح بالضبط انت ايش سويت اليوم؟
مجاهد : جيتهم وانصدمو كلهم امي من شافتني تبيك بس قلت انك مشغوله اليوم وشكل بكرا بعد  
نجود : بكرا بروح لابوي الصبح كذا وارجع قبل الظهر
مجاهد ؛ ماعليه اذا يمديك اخذك حتى تشوفين بنت عماد وولد عمار
ابتسمت : ان شاءلله
مجاهد تثاوب
نجود : تصبح على خير ياحبيب
مجاهد : وانتي من اهله ياحبيبة الحبيب
-
الصباح
بالمستشفى
دخلت انهار وبيدها سله مليانه اكل وشوربه ناظرت بشيهانه : صحيتي ؟
شيهانه : اي من الصلاه
انهارر : دخلوني عليك بالغصب رافضين لانه مو وقت زياره ابتسمت شيهانه : ياحبيبتي ياخاله
انهار ناظرت بدانه الي نايمه على الكنب : ما صحت دانه
شيهانه : الا صلت وقلت ترجع تنام ماني محتاجه شي
انهار فتحت حافظه للمصابيب ومدتها لها : بالعافيه يامي
شيهانه اخذت حبه تاكلها وناظرت بانهار اخذت السله الثانيه : بتمرين اريج؟
انهار : بمرها بس اتوقع عندها اهلها بضحكه : ماتهمني اريج كثرك اهم شي انتي تاكلين وبصحه وعافيه
ابتسمت شيهانه : تسلمين والله
-
منيف : مدري ليه احسه بالدوام؟
نجود : يعني ياغبي بروح لابوي وانا ماقلت له !
منيف : كفو والله كفو
وقف عند بيته ونزلو واخذت نجود سله قهوه وشاهي ومنيف نزل صينيه شوكلاته ناظر فيها وبضحكه : على هالاغراض ابوي قايل لك ناقصني اكل ؟
نجود : ياحبك للهرج شيل بس الهديه وانت ساكت لف يناظر بكيس صغير فيه لعبه لهايل
ومشو سوا ووقفو عند الباب يضربون الجرس وعلطول فتح ابوهم
وابتسمت نجود وقربت تسلم عليه وتبوس راسه تحت ترحيبه الحاررر عليهم
ومنيف سلم عليه وجلسو بالمجلس
وقف سلمان بيصب وقف منيف معه : عنك يبه
سلمان : حي بنت بريطانيا
نجود بهدوء : بخير الحمدلله انت بشرني عنك كيف حالك
لفت من انفتح الباب ودخلت رانيا وبيدها هايل يمشي معها
وقفت نجود ونزل الدله منيف ووقف مع نجود قربت رانيا بهدوء وسلمت عليها وسالتها نجود : كيف حالك؟
رانيا : بخير الحمدلله
نزلت نظرها لهايل الي واقف وحاط اصبعه بفمه ويناظر باستغراب لمنيف ويبتسم
ابتسم له منيف وفتح يدينه له وركض له هايل وكان الوضع هدوء بالمجلس يناظرون بمنيف وهايل مسكه منيف وشاله
نجود : عطه الهديه
رانيا : ليه كلفتو على نفسكم
نجود : لا كلافه ولا شي هديه بسيطه
سلمان : اخباركم ووينه زوجك؟
نجود ؛ الحمدلله بخير ووموجود ناظرت نجود برانيا كيف ساكته وتناظر بهايل
ناظر بمنيف : امس وشصار عليك انشغلت والله اعذرني
منيف : معذور يردون قريب ان شاءلله
سلمان : الله يكتب لك الي فيه خير يارب
منيف : امين
وقفت نجود : نستاذن منكم
وقف سلمان يمنعها
-
بسياره
منيف : وراك فجاءه قمتي مو متفقين غداء
نجود : ما استحملتهم مدري احس ابوي غاصب نفسه عليها مدري ليه كذا قاعد يصير
منيف : شعلينا منهم كبار ويفهمون خلينا منهم وناظر بحياتنا
نجود : تصدق مايضحكني الا ابو نجم اكثر انسان ماخذ الحياه سهالات يوم تطلقت امي وخلصت من عدتها جاك يركض
منيف : ليت ام العيال ترد علي بدري نزل نظره لجواله ناظر بنجود وصارخ بقوه : ابوهااا
نجود : رد شوف ردهم لف السياره بقوه ووقف نجود ضربته : قولي اكمل طيب وش هالوقفه
رد منيف : هلا ومرحبا
كتمت ضحكها تناظره عقدت حواجبها ولفت لشباكها تسمع طقه تفاجاءت تناظر بمجاهد فتحت الباب ونزلت : مجاهد
ابتسم :شفيك انصدمتي
نجود : ماتوقعت بتجي كيف عرفت ابتسمت
مجاهد: معك من يوم مشيتي من عندك ابوك استغربت وقفتو الحين جيتكم
ابتسمت تناظره : ياخي ربي لا يحرمني منك
فتح يدينه وقربت بسرعه تحضنه بقوه
-