📍( ما اسامح القراءه بدون كومنت )
-
دخلت غزال وسكرت الباب : وش مسهرك؟
نجود ناظرت بالمجسم : عندي تصميم هالاسبوع ولازم اخلصه
غزال : اي باقي ليه سهرانه عليه
نجود : قلت عندي تسليم
غزال جلست تناظر بالمجسم : حلو التصميم
نجود : بس تقيمه الدكتوره بعطيه نجمه
غزال : ماشاءلله
اخذت نجود المتر وبدت تشوف المقاس
غزال : بالعزيمه ابوك وابراهيم حددو الملكه
نجود بدون تناظرها : حلو
غزال باستنكار : حلو !
نجود : يعني ؟
غزال : يبونها بعد يومين
نجود : برضو حلو اخذت الابره وبدت تغرزها بالمجسم بمحاولة تثبيت القماش
غزال : نجود وش يمديك بيومين تخلصين ؟
نجود : من قال اني بسوي ملكه كبيره؟ يكتب الكتاب وبس
غزال ميلت راسها : طلب شوفه
نجود : مافيه مشكله يشوفني بالمجلس حق بيتنا وانتهى
وقفت غزال : والله مدري وش صاير لك بس الله يكتب لك الي فيه خير يارب
نجود : امين
طلعت غزال وسكرت الباب
ناظرت نجود بالابر وبدت تغرز وحده ورا وحده
-
الصباح
صارخت نجمه بصدمه : وش يمدي اجهززززز!
رفعت راسها : كل شي سهالات الا الفستان
نجود : الخبر الثاني رفضت تكون ملكه كبيره فقط توقيع ويتوكل
نجمه كشرت تناظرها وحماسها تبخر : انتي صاحيه ؟وش ينقصك تسوين ملكه كبيره وتعزمين الكل وترقصين؟
نجود : والله هذي بنظري اشياء تافهه
نجمه : مو تافهه انتي مو راضيه
نجود غمضت عينها لمده تحاول تمسك نفسها لاتنفجر على نجمه قدام البنات بالكافتيريا
نجمه : شفيك
ناظرت نجود فيها همست : نجمه ماسمح لك ولا لأي احد يقولي انتي مو راضيه ! ليه رابطيني بمجاهد لسى ليه اذا قلت مابي هالشي تحسسوني اني ابيه ليه ؟ او اذا قلت مابي اسوي شي حسستوني ان لو كان مجاهد ف بسوي كل شي عشانه نجمه خلاص طفح معي
وقفت مسكتها نجمه
نجود : عندي محاضره
ابتعدت تمشي للقاعتها ناظرت بدانه واقفه وكأنها تنتظر احد قربت لباب القاعه ناظرت بدانه بدون تكلمها دخلت لقاعتها
-
بشركة عماد
فتح باب المكتب ثامر بقوه وقف عماد بتوتر يناظره
ثامر : عطني ورقه استقالتي سررريع
عماد : ثامر اهدا الله يسعدك افهمني
ثامر قرب لمكتبه : اهدا ايش ! ايش!! فهمني ماانت قادر تجي تطق باب ابوي تخطبها ؟ تراسلها وش متوقع بتكمل معك تراسلك ؟ وش تبي انت يمين بالله اني انصدمت يوم قالت لي
عماد : قسم بالله ماكانت نيتي العب عليها بالعكس ابي،،
ثامر قاطعه : عماد وش تبي بالضبط ؟ تبي تجنني انت تراسل اختي ؟ عماد لو وحده غير اختي قالت لي مااصدق ضرب يده بالمكتب : تعطيني ورقتي الان ولا اعرفك ولا تعرفني واختي تبطي تاخذها خربت سمعتك بحركتك الي مدري وش كنت تبي !
جلس عماد بعد ماوقع ثامر وخرج برا المكتب ياخذ اغراضه ناظر بخروج ثامر من مكتبه نزل راسه يفكر صدق هو وش كان يفكر لهدرجه اغواه الشيطان يراسلها؟ رجع ظهره على الكرسي يفكر
-
ناظرت نجمه برسايل البنات بقروب الشعبه ان دكتورتهم تغير وجاء دكتور بداله ميلت فمها تناظر براسليهم والي تقول ان شاءلله جميل والي تبيه سعودي ناظرت بساعه وكان ماباقي الا عشر دقايق وتبدا وقفت تاخذ اغراضها وتطلع برا المبنى للمنبى الثاني
جلست بكرسيها تتنظر المحاضره تبدا بعد مده اكتملو البنات اشتغل البوجكتر قدامهم
بدا يتكلم الدكتور بالانقلش زفرو البنات بانه اجنبي رجعت ظهرها للخلف نجمه تسمعه
نجم : السلام عليكم ورحمة الله
استغربو البنات
تكلم نجم بصوت هادي جداً : معاكم نجم ال عايد بكون معكم هالترم فقط بسبب الظرف الصحي الي حصل لدكتوركم السابق
ان شاءلله هالماده بتكون سهله وبحاول بكل جهدي تفهمون هالماده وتحبونها لان ماده الرياضيات شوي صعبه لكن ماعليكم ودكم نبدا الان؟
تكلمو البنات باصوات مفترقه : اي
نجم : طيب نبدا بالتحضير اول
وبدا ينادي باسمائهم ماعدا اسم نجمه ماقاله
لفت نجمه تناظر بالي خلفها : لو سمحتي ماسمعتي اسمي صح ؟ اخاف قاله وماسمعت
نورا : لا ماقاله اتوقع تاكدي قولي لع
توترت نجمه : دكتور
نجم : تفضلي
نجمه : اسمي ماذكرته بالتحضير
نجم: اسمك؟
نجمه : نجمه صالح
نجم بضحكه : نجمه بما ان اسمك مقارب لاسمي ف اعتبري انك دايم حاظره ضحك احد العيال عنده ضحك نجم معه وبسرعه قفل المايك
كشرت نجمه ناظرت بالبنات الي يضحكون والي تحس بتطلع عيونهم عليها حطت يدها تحت فكها تناظر
فتح المايك نجم : حضرتك ، يالله نبدا
وبدا يشرح لهم الين ماصار لهم ساعتين تقريباً
نجم : نوقف هنا ماودي اكثر عليكم قبل لا انسى كتب ايميله : هذا ايميلي للي عندهم اعذار او شي يتواصلون معي وايضاً فيه قروب بالتلقيرام لكن ابي ليدر
كيان بمياعه : دكتور اصير ليدر ؟
نجم : لا انا عندي ليدر
سكرت ايبادها تجهزت عشان تطلع
نجم : نجمه ؟ تكونين اليدر ؟
انصدمت نجمه تناظر بالبوجكتر بلعت ريقها تناظر بالبنات الي مصدومين مثلها
نجمه : اعتذر ماقدر
نجم : ليدر القروب نجمه وياليت تتواصلين على ايميلي وتعطيني رابط القروب
كشرت نجمه تناظر بالبنات وقفت بعد قفل البوجكتر قدامهم طلعت برا المنبى ناظرت بجوالها اتصلت بنجود : وينك؟
نجود : هذاني بطلع البس عباتي
نجمه : طيب
بسياره
نجود : وش ذا نشب عليك!
نجمه : مدري استغفرالله حسيته وصخ
نجود : يعني وين يشرح لكم بمنى حقهم؟
نجمه : اتوقع ماهو بالمنبى لاني سمعت ضحك اخوياه
نجود : والله غريب
نجمه اخذت نفس : اخر عمري ليدر الله يكون بعوني
يوم الملكه
الظهر اخذت قهوتها طلعت لصاله تجلس هاديه جداً ولا كأن اليوم بتملك
نزل سلمان : بعدك ماتجهزتي ؟
نجود : جاهزه اساساً
سلمان ناظر بجواله يتصل رد : هلا؟
سعد : استاذ سلمان اذا ناسي رابط التوظيف للان شغاال رغم انه وقت انتهاءه من زمان
سلمان : ناسيه
سعد : اذا تقدر تجي
سلمان : انا اليوم معتذر لكن بشوف لك
سعد : طيب
جلس سلمان يناظر بجواله
نجود : وش صاير ؟
سلمان : رابط التوظيف شغال للان رغم انه منتهي التاريخ
نجود : وش بتسوي
لف الجوال لها : بدخله من هنا
نجود وقفت : لا اروح انا واقفله
سلمان : تعرفين له ؟
نجود : كنت ماسكته قبل
ابتعدت عنه ترقى لغرفتها تلبس عباتها
-
بالمركز دخلت مكتب ابوها جلست على المكتب تفتح الابتوب دخلت برابط وبدت تنتظره يفتح
محمد : ياخوي اعتذر اليوم ماهو بمداوم
مجاهد رفع جواله عليه : وش يعاقب ؟ شلون يرفع علي معاقبه سجن !
محمد : صدقني مالي بالموضوع ذا لكن كلمه شوف
مجاهد : انا بكلمه اساسا مكتبه شوف اشر له لف محمد يناظر: مفتوح
محمد : وربي انه معتذر
مجاهد دفه يبعده : يكذب والمكتب مفتوح مشى بسرعه وقف عند الباب لف لمحمد
محمد : هذا كلام من ابوك قايل لسلمان
ناظر فيه مجاهد زفر بتعب من ابوه بيمسكه عشان مايرجع مره ثانيه فتح الباب بقوه انخرشت نجود سكرت الابتوب بخرشه تناظر
عقد حواجبه يناظر
بلعت ريقها تناظره
مجاهد : اسف مادريت طلع برا سكر الباب
انخرشت نجود تناظر بالابتوب : بسم الله مرتين
مره من فتحت الباب ومره منه
اخذت نفس
-
انسدحت نجمه بعد ماسكرت الاشعارات حقت الواتس وكلها يهاوشونها تتواصل مع الدكتور وتسوي رابط وتعطيهم لكنها رافضه
وحده من البنات : بنات يقول الاحد تجي للمكتب حقهم
وحده ثانيه : هذي كيف نوديها له ؟ كيف نقنعها تروح لمكتبهم
كيان : ماعرف ليه هي كنت موافقه
مااحد رد
-
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
