" بعض الخسّاير الله يامكبر ارباحها "

68

ليلة زواج غزال & ابو نجم
بشاليه الزواج
واقفه نجود خلف امها تناظر بتجهيزاتها انتبهت لرساله جوالها من مجاهد يقولها ان رحلتهم بكرا العشاء
عدلت فستانها هادي جداً لانها بتنزل للحريم تحت
ناظرت بامها : تبين شي ؟
غزال : لا ياعمري
ابتعدت نجود ونزلت تحت ترحب بالضيوف
انهار وعائلتها وحنان وعائلتها فقط
دخلت ام ملاك بعد مده وملاك خلفها ماسكه الدبله الي باصبعها بتوتر
ضحكت نجود تناظر فيها : حي زوجة اخوي وامها
وقربت تسلم عليهم
نجود : انكتب ربي اشوف الي اخذت عقل وقلب اخوي
سكتت ملاك بتوتر
بدو الضيوف يكتملون
دخلت شيهانه والخادمه خلفها حاملها بنتها وقربت تسلم على نجود وحنان ونجمه الي صافين
نجمه ناظرت بنجود : على نظرات امي ذي شكلها بتخليني شهر كامل شابصه بالكرسي
نجود : بعذرها اجلسي بمكانك وش يقومك
نجمه : لاتخليني ابكي
-
عند الرجال مكروفين منيف ونجم ويتشغلون وبين فتره وفتره يتضاحكون على انفسهم ويطقطون على انهم صارو اخوان بسبب اهلهم
مسك منيف الدله وبدا يصب لرجال ونجم جالس عند النار يسوي القهوه
وبعد مايخلصها يمدها لمنيف يصبها وسلمان يشتغل ويجلس
منيف قرب له وصب له : اعرس ما بقى غيرك
سلمان : صدق لاحظت
منيف : لاحظت بس مافيه فعل
لفو كلهم من وقف ابو نجم يعدل بشته اعتدل يوقف نجم ومنيف جنب بعض يناظرونه من اخذ السيف وبدا يرقص
ميل راسه منيف يناظر بنجم : اغرب زواج مر علي
نجم : الله يعديها بس الله يعديها
وقفو وبدو يرقصون معه ومنيف نزل الدله ومسك نجم من كتفه وبدو يرقصون سوا قدامه
وقفت غزال عند الشباك تناظر فيهم من يرقصون ماكانت تناظر ابو نجم ؟ كانت تناظر بمنيف تعرف انه مضايقهم هالشي بس وش تسوي ؟ وين تروح ؟ هذا منيف تزوج وهذي نجود بتسافر مع زوجها تبقى هي بس لوحدها لازم تشوف حياتها حتى لو شخص واحد معها يشاركها بكل شي
-
جلست نجود بتعب بعد ما اشرفت على التقديمات والقهاوي
نزلت غزال بفستان ابيض ناعم وهادي وكعب شفاف ولانهم كلهم منها وفيها ف نزلت بدون زفه وقفو كلهم يسلمون عليها ويباركون لها
ابتسمت انهار من سلمت عليها : وش تبين تقعدين زين انك غيرتي التغيير حلو
سكتت غزال وسلمت على الباقي ولفت بقوه تناظر بزغرطت نجود وتليها حنان بصوت عالي وانتشر صوت اغنيه وبدو يرقصون نجود وحنان وغزال واقفه تصفق لهم
-

الساعه ٢ الفجر
مسكت كعبها بيدها ومدت المفتاح لمجاهد ؛ خلصت كل شي تاكدت منه
اخذ مجاهد وسلم المفتاح لمسؤول الشاليه وركب مع نجود
مجاهد : وش ذا تعبنا تعب
نجود : اهم شي فرحتهم
مجاهد : لو تشوفينه يانه رقص رقص
ابتسمت نجود : امي احسها قلقانه
مجاهد : اكيد عشانكم
نجود : نجم قال لمنيف يانه يسوي زواج مختصر يانه يااخذها بدون زواج
مجاهد : اي وش سوا؟
نجود : بيروح بكرا يشاورهم
مجاهد : الله يكتب لهم الي فيه خير
نجود : امين احس ضاقت بي القصيم ابي بريطانيا
ابتسم مجاهد لها وقف عند البيت
فتحت الباب ناظرت فيه : ماتنزل معي ؟
طف سيارته : ابيك تقولين واقولك اطلبي وسم وابشري
نزلو ومشت تفتح الباب ودخلو للبيت ورقى مجاهد للغرفه ومرت نجود وانتبهت لغرفة منيف مقفله انوارها نايم
لفت لغرفتها ودخلت ونزلت عباتها وناظرت فيه منزل شماغه وعقاله وداخل الحمام قربت لتسريحه ونزلت اسواراتها وقربت تحاول تفك. حلقها وفتح الباب مجاهد ودخل للغرفه يفك الكبك حقه ولف يناظرها واقفه قدام المرايا وتفك حلقها : يعني انا حمار لو رحت لبيت اهلي وتركتك كذا قرب لها ولفت له بتوتر ..
-
عند العرسان
جالس بالبكلونه وطالب من غزال تسوي لهم شاهي وجالس يشربه ويحكي لغزال عن ماضيه وسواليف تفتح النفس وغزال طايره من وناستها وتسمع سواليفه وكلامه
ابو نجم : ايي واخمهم بيدي واليد هذي اليسار بقستهم فيها كان يقولها وهو يعرف انها تعرف انه يكذب لكنه يعجبه ابتسامتها وضحكها
-
المغرب
ودعت نجود امها واهل مجاهد ومشو لبريطانيا
بعد اسبوعين
وقفت نجمه ونزلت تحت لبيت اهلها سكنو فوق اهلها لان نجم وده بشقه افضل من غرفه نجمه
ودخلت لهم وكانو يفطرون
سلمان: ترا وافقنا تسكنين فوق بس مو معناته تجينا كل ما زانت الجلسه !
نجمه : وشدخلك امي وابوي
ثامر : انا؟
سلمان ؛ انت شوف حرمتك متى تولد مو طبيعي ماشفت الراحه
ثامر : ارتاح بوديها انا
حنان : ليش محددين؟
ثامر : بتولد عمليه بكرا الصبح ناظر باهله بنتي يوم درت ان عمها سلمان وعمتها نجمه خنقت نفسها ٤ مرات بالحبل السري
ضحك صالح بقوه يناظر باشكاالهم وصدمتهم وضحكت حنان بقوه : صادق انت!
ثامر : والله جد عشان كذا بيولودونها بكرا
سلمان : عزتي للمسكينه انقذها الدكتور
نجمه حطت ييدها على بطنها : بسم الله على حبيبي
ثامر : ليه خفتي
نجمه : الصدق اي
-
هز راسه منيف من وافق مع ابو ملاك انه يسوي عشاء بسيط ويكون بيت ابو ملاك ويجون اشخاص قريبين بس وياخذ عروسته ويمشون لبيتهم وكان هذا راي ملاك لانها ما ودها بزواج كبير
-
لليلة السبت
بعد ما انتهى العشاء ومشو العيال كلهم
طلعت ملاك وبيدها شنطه سفر واخذها من منيف من يدها ووقف ابو ملاك يناظرهم ولفت له ملاك تودعه
وركبو وحرك منيف : حي زوجة الشيخ منيف
ملاك : يحق لك شيخ زوجتك ملاك
منيف : اي والله يحق لي
لفت لشباك وكتمت ابتسامتها
-
ضحك عماد من يوم دخل حتى شماغه ما نزلها وهو يلاعب رند ويتضاحكون : بيزوجونك ولد عمك الشين قرب لها يهمس : اذا ماتببينه يعقبون ياخذونك بس ان حبيتيه ماعليه
ضحكت شيهانه : يعني بتفهم عليك
عماد لف لها وحمل رند يحضنها : متى تكبر وتشكي لي واقول حسبي على عدوينك
شيهانه : اخاف تختفي ضحكت تناظره كيف مافهمها
وابتسم من ضحكها ومن فهمها : اي يعني كذا بدينا تقلبين علي وقف ونزل رند وقرب لشيهانه يحاوطها وينشر اصابعه على بطنها ويضحكها ويضحك من ضحكها وصراخها له
-
جلست اريج بعد ما نومتهم ونومت البيبي وصبت لها من القهوه تنتظر عمار
فتح الباب عمار ودخل وبيده ورد وجوال هديه
قرب لها ووقفت تناظره : وش جايب ؟
عمار : هديه لام العيال قرب لها وحضنها وباسها بخدها : الله لا يحرمني منك ولا يحرمني من العيال
ابتسمت اريج وميلت راسها : عمار ربي لا يحرمنا منك انت بعد
جلس وجلست بجنبه تصب له القهوه وتناظر بالجوال : ياحبيبي والله
عمار : تستاهلين وبعد فيه هديه ثانيه
عقدت حواجبها : ايش بالله؟
عمار : بيت مللك بننقله ان شاءلله قريب
عضت شفتها بفرحه