" بعض الخسّاير الله يامكبر ارباحها "

60

شافت انه اخذ القلم ووقع عند اسمها صغرت عيونها تناظره : سؤال هي وش تهرج فيه؟
لف ولفت معه فتح يديه قربت تحضنه : تقولي فيه منها ثنتين تحسدني عليك
رفعت حاجبها تناظره : وش بتزوجني ؟ اذا كذا بروح لها وقفت
ضحك يشدها تمشي معه وضحكت معه طلعو برا الجامعه راجعين للبيت
بالبيت
بعد مابدلت طلعت لصاله تناظره باقي مابدل ويناظر بالابتوب : مجاهد غريبه خلصت بدري اليوم؟
وهو يناظر بالابتوب : مافيه محاضره اعتذر وانا مادريت والحين عند بعد ذي
دخلت المطبخ وشغلت الغلايه بتسوي لهم اكل خفيف
-
انبسطت نجمه من عطوها خروج جهزت اغراضها واتصلت على نجم كان بالجامعه وبلغته بخروجها ترك محاضرته وجاء لها وبطريق
رتبت الاغراض دخلت دورة المياه تتروش سريع بعد مده طلعت تنشف شعرها وتجهز نفسها
فتح الباب نجم دخل يناظرها واقفه لفت له : يالله؟
ابتسم لها تقدم يحضنها بقوه : يوووه ياني خفت
ابتسمت تبادله الحضن ساكته
ابتعد ويده باقي خلف ضهرها : اووه يانجمه حسيت بندمم الي ماخطفتك من زمان وخليتك معي وحولي
ميلت راسها : هذاني الحين بكون معك وحولك الحمدلله
مال براسه وباس خدها ابتعد ورجع مره ثانيه يبوس خدها
توترت من باسها شهقت من شافت امها واقفه متخصره تناظرهم ابتعد نجم من شهقت توقع اوجعها شي ناظر بنظراتها ولف يناظر بحنان
حنان : لو ماشفتوني كان دخلتو بالعميق بعد
احترت نجمه لفت تناظر بنجم الي يناظر بحنان
ناظرت بنجم : ليه ماقلت اعطوها خروج؟
نجم اعتدل بوقفته يناظر بنجمه : اتصلت علي وجيتها مادريت انها ماقالت لك
قربت حنان تاخذ اغراض نجمه ناظرت بنجمه : البسي نقابك وتعالي لي
انصدم نجم : انا اوصلها
حنان : انا برا انا والسواق خلاص ناظرت بنجمه الي واقفه : يالله!
لفت نجمه تاخذ نقابها لبسته وطلعت حنان
واقف يناظر بنجمه : امك ماتعرف للاوقات الزينه؟
كتمت ابتسامتها تلبس وهي معطيته ضهرها لفت وكان ومايل بوقفته ويهوجس : هذا نصيبك تحمل قربت له وباست خده بسرعه وطلعت تركض
ضحك نجم: شوي شوي على نفسك لف يناظر بسريرها : مجنونه ذا الادميه
-
عقدت حواجبها : بالله ماتعرف ؟
حنان : لا خليناهم يروحون يسافرون بدون يدرون عن شي
نجمه : غريبه مافقدتني نجود
حنان : تستهبلين مافي يوم ماتتصل على غزال وتسأل عنك حتى قالت انها شاكه فيك شي
نجمه لفت تناظر بشباك : حبيبتي ان شاءلله قريب بنسافر انا ونجومي لهم
عقدت حواجبها : جتني صدمتني الحين الصدق اول شي بتسافرون والثانيه نجومي
ابتسمت نجمه : قلت لنجم مايحتاج زواج وبتجهز بييتنا واحتمال الليله ولا بكرا اروح لبيتي
لانت ملامح حنان تناظر بابتسامة نجمه سكتت تناظر لقدام
-
شدت على يدها بفرحه انها نجمه بخير وطلعت وقفت بحماس : يالله تجهزي لاجمل ايام حياتك غزاللللل
-
نزلت صحنها على الطاوله تناظر فيه يتجاوب مع الدكتور
بعد مده سكر ناظرت فيه : متى ابدا ماقالت لك
مجاهد : بعد يومين يرسلون جدولك
نجود : طيب بروح معك بكرا بتعرف على الجامعه والي فيها
صغر عيونه يقلدها يوم كانت عند الدكتوره : لا
وقفت وقربت تجلس بجنبه ميلت راسها تناظره: جوجو تردني
ضحك بصوت عالي يناظرها : يقلع جوجو اذا ردك
ابتسمت تحط راسها على صدره مد رجوله على الطاوله وشغل التلفزيون
-
مبسوطه وبالحيل من كل منهم يعطيها ويحاول يعوض الايام الي راحت من حسو بشعور الفقد كانو يضحكون ويسولفون ويمزحون على بعضهم يشوفون ابتسامتها وضحكها ضرب الجرس استغرب صالح : من هالوقت
ثامر : الساعه توها جت ٨ ليل وقف وطلع برا يفتح الباب : ارحب ارحب
ابتسم نجم ودخل يسلم عليه ودخل للمجلس
بالصاله دخل ثامر : نجم جاي
رفعت حاجبها حنان همست : بيصير عدوي
وقف صالح وسلمان وطلعو له وقفت حنان تجهز لهم القهوه
رجعت ضهرها للكنب مبسوطه
بالمجلس
صالح : حياك الله شخبارك عساك طيب
نجم : الحمدلله بخير انت بشرني عنك
صالح : الحمدلله يارب بشوفة نجمه مافيني غير العافيه
نجم : الله يديمها
ناظر بالباب من انفتح ابتسم توقع انها نجمه لكن دخلت حنان لف يناظر بعمه بوهقه
سلمان : ماشفت نجمه صح؟
حنان : الا اليوم كان عندها
اخذ القهوه ثامر يصب لهم
وقف سلمان : ماعليه بناديها له
نجم : لحظه سلمان
ناظر بصالح : اذا تسمح ياعمي
هز راسه صالح وكمل نجم تحت نظراتهم : هالموضوع انا ونجمه اتفقنا فيه وقررنا ماودنا بزواج
ناظر صالح بالعيال وناظر بحنان الي ساكته
صالح : اعذرني بس لازم اسال نجمه
نجم : ابد
وقف صالح وطلع للصاله ماكانت موجوده رقى لغرفتها وطق الباب
نجمه : ادخل
دخل صالح وناظرها جالسه قرب يجلس بجنبها : صحيح ودك تروحين مع نجم وماتبون زواج؟
كتمت ابتسامتها بالقوه هزت راسها بالايجاب
صالح: ادري انك كبيره لكن انا ماودي بعدين يصير بخاطرك شي عادي لو حفله صغيره
نجمه : عادي يابوي وصدقني مايهمني هالاشياء اساسا راح الوقت الي كنا متفقين فيه وانا جاهزه من قبل يعني رفعت اكتافها
قرب يبوس راسها : اجل شوركم والله يوفقكم
وقف وطلع برا الغرفه وقفت تمشي بسرعه تسكر الباب بالمفتاح نقزت بقوه من الفرحه مشت لدولابها ناظرته فاضي طلعت شنطتها الي جهزتها من طلعت من المستشفى وخلتها برا
وقف نجم وطلع برا بالحوش
سكرت عباتها تخفي فستانها الابيض الهادي والناعم وماسك على جسمها لبست عباتها ونقابها فتحت غرفتها وطلعت تسحب شنطتها ناظرت بسلمان الي واقف باول الدرج : والله يعني مين يصدق قرب وحضنها : الله يوفقك يابعد عيني
اخذ شنطتها من انتبه لثامر الي رقى ونزل يسبقهم طلع برا : نجم مفتوحه السياره؟
هز راسه بنفي طلع المفتاح من جيبه ورماه على سلمان اخذه سلمان وطلع يركب الشنطه ويشغل السياره لهم
طلعت حنان وناظرت بنجم : تراها امانة برقبتك
لف لها يناظرها : ابشري
لفت تبعد عنه تدخل ناظرت بنجمه الي جايتها فتحت يدها وقربت نجمه تحضنها بقوه
حنان : الله يوفقك ويحميك
نجمه : امين يارب ابتعدت : وين ابوي ؟
حنان : بالمجلس
فتحت الباب ناظرت فيه واقف مايل بوقفته ينتظرها تعدته تدخل المجلس : ابوي
رفع راسه صالح : وحيدتي جعلني ماخلى من هالوجه قربت وباسته وباست يده وراسه وحضنته: ياعمري يابوي
بالحوش
صالح : تراني عطيتك مو نجمه جوهره ثمينه بمزح : لو شفنا دموعها جيناك انا واخوانها
ضحكت تناظر بنجم الي مبسوط : ابشر ياعمي
لف نجم ومشت هي خلفه سكر الباب سلمان خلفهم
نجم فتح يدينه يحضنها وتقدم لسياره وفتحها تركب ولف يركب بجنبها حرك السياره متوجه لشقته
وطول الطريق كانو ساكتين مرات يتبادلون النظرات ومرات يمسك يدها وقف عند الشقه
نزل وفتحت الباب ونزلت تناظره واقف قدامها مسك يدها ومشو للشقه فتح الباب بالمفتاح ودخل ودخلت خلفه انتبهت لترتيب البيت واغراضه ناظرت فيه : مادريت انك مرتب
ابتسم : افا كانها سبه
فتحت عباتها ونزلتها بجنب مرتبه ناظرت فيه قرب بهدوء ووقف قدامها يناظرها : تبين تتعبيني ؟ كل هالجمال وتزيدينه يا نجمه !