" بعض الخسّاير الله يامكبر ارباحها "

بارت 21

منيف ناظر بسياره هيونداي لف لابوه يناظره: لمين؟
سلمان بابتسامه: لنجود
منيف : سبب؟
سلمان : لانها انقبلت بتخصص الي كان ودها وهذي هديتها
منيف ابتسم يناظره : الحمدلله باقي لي ترم وتشتري لي واكون مقبول بتخصص الي ودي
سلمان مسك كتف منيف : نشوف ذاك الوقت
منيف : بعد
ضحك سلمان لف يخلص اجراءات السياره
-
جلست نجود وقدامها نجمه
نجمه : اي شفيك انتي
نجود : ياختي كنت معصبه هذاك اليوم مو بس انتي ماكلمك كلهم
نجمه : سبب !
نجود : ياخي السبب واضح لاني تزوجت اجباري
نجمه : بس حرام عليك والله واضح طيب
نجود نزلت راسها : صدق طيب حيل
نجمه : اوووه ياعيني قولي بس متى الزواج؟
نجود : تطلقنا
ميلت راسها نجمه تناظرها : صادقه!!!
هزت راسها وبدت تحكي لها
-
دخل سلمان محل الذهب وقف يناظر بالاطقم الكبيره
منيف : اها للمدام هذي
سلمان ناظره : شدخلك
منيف : اخذتني معك لاتنسى
سلمان : بالغلط لف عنه يناظر بالاطقم
-
نجمه شهقت تناظرها : كل هذا وماقلتي لي خيررر
نجود : ياخي تعرفين صدمه مادري شلون اقول وربي
نجمه : وينها الوحه
لفت نجود تفتح السحاب طلعتها طاح الكرت منها
اخذته نجود : شوفي ايش كاتب وربي لطيف بشكل
نجمه ناظرت : اخخ لانها اعجبتك رسم لك طيب وينه؟
نجود : ماعرف اتصلت ولا رد وتركت تعرفين غلط الحين
نجمه : اي ماعليه نشوف شيصير
اخذت نفس نجود : كل ماتذكرت يحزني وربي الطف شخص عرفته
نجمه: حيوانه جاك وقالك انه راضي المفروض فهمتي انه يبيك
نجود : قلتيها حيوانه غطت وجهها بكفها
نجمه سمعت صوت البوري : يمه وش السالفه عندكم عرس
وقفت نجود تركض لشباك تناظر : سياره غريبه!
نجمه : هو وش ذا
ناظرو بسلمان ومنيف الي نزلو ونزل العامل من السياره الثانيه اشر لسلمان وطلع برا الحوش
نجود : ابوي !
لفت نجمه تنزل وخلفها نجود
ناظرت فيهم غزال : مين الي يضرب بوري !
نجود : ابوي ومنيف
تغطت نجمه : خير وش برودكم واقفين شوفو شسالفه
طلعت برا غزال والبنات خلفها وقفو يناظرون
سلمان فتح يديه لنجود : تعالي يامصممتنا
ميلت راسها بابتسامه تركض له
حضنته
ضحك سلمان : اسمعوني
ناظرو فيه كمل : لان نجود دخلت التخصص الي كانت تبيه وانقبلت ولله الحمد ف هذي السياره هديه لها
ضحكت نجود تحضنه بقوه : اخخ
ابتسمتت غزال تناظرهم
تقدمت نجمه : وين المفتاح
سلمان مد لها ناظرت نجمه بنجود بحماس : لازم تستفتحين السياره فيني عشان تصير مبروكه
ضحكو عليها
منيف بضحكه : عزالله سلمت اختي وسيارتها
نجمه : شقصدك!
منيف : نجود البسي عباتك وتعالي مشينا انا ونجمه
نجمه بتأيدد : صح لازم تمشينا
ابتعدت نجود عن ابوها تناظره مسك خشمها سلمان بضحكه : روحي مشيهم
باست راسه نجود : تسلم ابوي
ابتعدت ترقى تلبس
تقدم سلمان لغزال : تعالي ابيك
غزال : بايش؟
سلمان : تحسبين نسيتك؟
غزال : يعني لو بنعد السنه ؟ ف بتكون سنتين ف معك حق.. قاطعها سلمان : ارجوك انسي
غزال : على حسب وش معك
ضحك سلمان منها
لفو لصراخ نجمه
قبل دقيقه
ناظرت نجمه بمنيف كيف يناظر بسياره نجود قدام
نجمه ركضت وبنفس الوقت ركض منيف لسياره نجود قدام
نجمه وقفت عند الباب: تحلم تحلم
منيف : الا رجولتي ماتركبيني ورا
نجمه : الله ورجوله تراك بزر اصغر مني
منيف بصراخ : انتبهي صرصور
ابتعدت نجمه بفزع : وينه يعع يع
ضحك منيف فتح الباب وركب
وقفت نجمه تناظرره : خسيس
منيف فتح الشباك : اركبي ورا بس ولا يكثر
نجمه : اكرهك
طلعت نجود ناظرتهم : شفيكم
نجمه : كلب اخوك
منيف لف يناظرها : لو سمحتي !
نجمه : ك ل ب
ناظر منيف بنجود : نزليها اذا تحترميني وتحبيني
نجمه : مع نفسك تنزلني ترا اختي مثل
قاطعتهم نجود تصارخ : خلااص يابزران خلاص
منيف لف لنجمه : شافت نفسها عشان السياره
نجمه : مالومها تصدق شرت سيارات اكثر من حسناتي
ضحك منيف يناظرها
نجود : بسم الله سيارتين ترا!
منيف : ابي قهوه بارده
نجود : ابشر وين بعد؟
نجمه : ونتغدا بمطعم
نجود : اي وبعد؟
منيف : تسلمين الباقي مو مهم
نجود حركت السياره ومشت فيها لفه على البيت ورجعت للبيت توقف : يلا حباني
لف منيف يناظرها : وين قهوتي؟
نجمه : غداي ؟
نجود: حباني دبرو انفسكم فتحت الباب تنزل نزلو منيف ونجمه
ناظرت نجمه بمنيف : حسافه الهواش على قدام
منيف : ليتني رقدت
مشت نجمه قدامه جنب نجود لفت نحود تناظرها
وقف منيف يناظرهم : اها تصرفوني!
ناظرته نجود : داخلين البيت وين نصرفك
منيف مشى خلفهم : صح توقعت تصريفه
دخلو داخل
ناظرت نجود بامها : سلام عليكم
غزال : جايين بدري!
نجمه : نجود حبيبتي مشتنا على القصيم كله
منيف : حتى القهوه شرت لنا من حسابها
نجمه : كريمه بنتك
غزال ناظرت بسلمان الي جاي
نزل سلمان قدام غزال طقم الذهب
منيف ناظر بردة فعل امه : الحمدلله ماتمشينا كان فاتني ردة فعل امي
وقف غزال تناظره : منجدك
سلمان : قليل بحقك والله
غزال : سلمانن! قربت بتحضنه استوعبت العيال يناظرونها
وقف منيف يركض لنجود يغطي عينها لف لنجمه يحط يده قدام عينها : مشهد رومانسي ممنوع من العرض
ضرب سلمان منيف باقرب مخده : ولد
ابتعدت غزال تناظره تكتفت : اخخ سلمان ليه كلفت على نفسك كذا
سلمان : ماتكلفت هذا قليل بحقك
-
~بعد يومين~
دخل مجاهد البيت نزل الاكياس من اكل وملابس واغراض خاصه له بما انه انقبل بالجامعه ف راح يتجهز
ناظر بالوحات الي شراها نزلها يرتبها بغرفه صغيره بالشقه لف لشنطته يطلع ملابسه ويرتبها لكن وقف يناظر بالوحه " القلب " اخذها ينزلها بغرفه الرسم لكن لفها على الجدار بحيث مايشوف الرسمه
لف يرتب اغراضه
طلع من الغرفه بعد مارتبها دخل المطبخ يجهز الاكل رفع راسه من تذكر امه عض بشفته بقهر امه ماطممنها عليه تقدم ياخذ جواله
وبعد اتصالين
انهار : اهلين
مجاهد : امي
انهار : محاهد !
مجاهد: ايوا كيفك امي ان شاءلله بخير
انهار : مجاهد بخير ياممي ليش سويت كذا فيني
مجاهد : تطمني بخير انا وبدرس جامعه
انهار : ماشاءلله وين يامي ؟
مجاهد : بريطانيا
انهار. : مجاهد! وش وداك هناك
مجاهد : الجامعه المهم سلمي لي على اهلي ماتشوفين شر
انهار : انتبه عللى نفسك وكل يوم كلمنني
محاهد : ابشري
انهار : استودعتك الله
ابتسم مجاهد سكرت انهار
ناظر عماد بثامر همس : سبحان الله نسختها
ثامر : ايش ؟
عماد : سلامتك ابتعد عماد يجلس قدام ثامر
ثامر : انت بخير؟ لك يومين مو طبيعي
عماد : اخوي سافر للخارج وشايل همه يعني
ثامر : مو صغير ليه تقلق عشانه
عماد : ماعليك مني انت اخبارك
ثامر : بخير الحمدلله
عماد بمحاوله انه يفتح الموضوع : الي انكسرت ميل راسه بمحاوله انه يتذكر وهو يكذب هي باله مستحيل ينساها
ثامر : اي اختي
عماد : اي عسى ماشر ايش صار
ثامر وقف : في حدود بمواضيع العائله ياعماد
انصدم عماد يناظره
طلع ثامر برا المكتب
ناظره عماد الين اختفى من قزاز المكتب : عائله! حسبي الله
-
نجود : ماعندك وقت زي الخلق
نجمه : لا اوقاتي غلط دايم ف قومي تعالي نتجهزز
نجود : عمي ليش حدد اليوم!!
نجمه : ووقته حلو لاتسبين مو معناته ابوك جاب لك سياره وابوي لا معناها بسمح لك تسبي،، قفلت نجود الجوال
ناظرت نجمه بالجوال : وصخه وصخه
نجود ارسلت لها : اكيد فيه مسبح بالمزرعه خوذي لك ملابس بنسبح
نجمه ناظرت برساله : مالك دخل وش اخذ توكلي على سياره ابوك
وقفت نجود تصور سيارتها من الشباك : في حال ماصبحتي على سيارتي
سكرت نجمه بدون ترد لها