" بعض الخسّاير الله يامكبر ارباحها "

بارت 40

📍 (ما اسامح القراءه بدون ⭐️وبدون كومنت)
-
عماد : ماهو طاير ابوك ماهوو بطاير
سكتت شيهانه ولا ناقشته
بعد ساعتين قرب لبيت ابوها ناظر بسيارة اخوها
نزل عماد ونزلت شيهانه تركت اغراضها بسياره مافيها حيل تنزل شي حتى شنطة يدها
قرب للباب طق الباب عماد وهي خلفه
فتح الباب نجم ناظر فيهم سلم على عماد : ياهلا ومرحبا حياك الله
قرب لشيهانه وحضنها : حي شيهانه الشيخه
ابتسمت بهدوء وسلمت عليه دخلو داخل
بعد مده وقف نجم يدخل داخل يسأل امه عشان العشاء
شيهانه : عماد تكلم الحين وقفت تطلع من المجلس تدخل المطبخ
وقفت تناظر بامه ونجم كيف يسولف عليها ويضحك معها لفت تناظر بغرفه كانت هي وامها ينامون فيها لكن الحين اخذتها زوجة ابوها لبناتها
لفت من حست بكتف نجم : شفيك ؟
شيهانه : مافيني شي لفت تدخل المطبخ
ناظر نجم بالغرفه لف للمجلس
قربت شيهانه لدرج انتبهت للقرفه تذكرت من كانت امها حامل وكانت قدامها تاكل قرفه
اخذت نفس من داهمها ذكرى سيئه مع امها
نرجع لقبل كم سنه
بالليل
دخلت ام شيهانه المطبخ وقفلت عليها
ناظرت شيهانه بامها : يمه شتسوين؟
ام شيهانه : مدري وين حطت القرفه وبدت تدورها
شيهانه : اي قرفه ؟
قربت ام شيهانه تمسك كتف شيهانه: لو قلت لك اني حامل ؟ ومستحيل انجبه بهذي الدنيا يكفي انتي شيهانه تعذبتي مابي اظلمه بعد
انصدمت شيهانه تناظرها : امي حرام
هزت راسها بنفي اخذت قرفه بودره حطتها بكوب ماء دافي وشربتها
الصباح اغمى على امها وسبب لها مرض مما ادى لوفاتها
غمضت عينها من رجعت لواقعها انتبهت لكلمة زوجة ابوها : شكلك حامل
سكتت شيهانه اخذت الكوب وطلعت برا انتبهت من الشباك على صراخ نجم وابوها توقعت عماد معهم
لكن عماد قال لابوها انهم بيتطلقون وطلع لسياره
وقفت بالحوش لفت من انتهبت على نجم يناديها لكنها سكتت
دخل عماد من خلفها مصدوم : شيهانه!
لفت تناظره طاحت عينها على الي بيده شهقت بخوف طاح الكوب من يدها هزت راسها بنفي : مستحيل
طلع نجم يناظرها لف يناظر بعماد ناظر بالي بيده
ناظره عماد لف يناظر بشيهانه انتبه لنجم الي جايه يهجم عليه
نجم بصراخ : تبي تطلقها وهي حامل ياكلب لكمه على وجهه بقوه : شفتها ماوراها احد
دفه عماد بقوه وطاح فوقه
خاف اخو نجم الصغير من اشتد بينهم ناظر بشيهانه وحقد الدنيا تجمع عليه ركض للمطبخ
طلع برا قرب لشيهانه ناظرت باخوها والي معه توترت لف لها : بسببك بيموت نجم
هزت راسها : لا لا مايموت عطني عطني السكين
هز راسه يبكي : ابوي تعب داخل
شيهانه : ماعليك يهدى مايسوى الموضوع
هز راسه اخوها بنفي قرب لها غرز السكين بجسدها غمضت عينها بالم انحنت تضغط عليها تناثر الدم حولها حاولت ترفع راسها لكن الدنيا مشوشه حست بنهايتها جاء بالها امها من طاحت نفس طيحتها غمضت عينها
رجف اخوها بخوف ويديه كلها دم رجفت شفايفه همس : شي،،هانه مسك راسه بخوف ركض  لهم يناظرهم يتهاشون وصراخهم عالي لف له نجم : شيه انتبه لدم الي بيده: شيهانه
عماد : ولد
وقفو من شافوها طايحه قدامهم والدم من حولها
صارخ عماد: شيهانه قرب لها يناظرها : شيهانه لفها يناظرها تسمعيني
قرب نجم له يقيس نبضها بخوف
عماد : قلت لك قلتتتتتت ليتني ماجبتك
نجم : الحق عليها ودها المستشفى
حملها عماد اخذها بسياره للمستشفى
لف نجم من راحو دخل البيت ناظر باخوه قرب له وصفقه باقوى ماعنده : لو اننا بهذاك الوقت يمكن اقولك ماكنا نعرف امي تلعب بروسنا عليها لكن الحين مافيه احد غيرنا يحميها وقد قلت لك لو امي تضرها توقف مع شيهانه ليه طعنتها ليه!
بكاء اخوه
نجم : لو صار فيها شي ولا في ولدها بخليك تتحاكم مراهق على روسنا
لف لامه الي شهقت كمل نجم يناظرها: فعايلك بامها وفيها بترجع في ولدك
لف يطلع اخذ اغراضه وركب السياره طالع للمدينه بدون يشوف ابوه ولا يكلمه ماوده يتكلم بشي
-
نرجع قبل الحدث بشوي
ركب السياره بعد مابلغ ابوها وتناقش معه ناظر بجوالها الي يتصل استغرب مين بيتصل عليها وبهالوقت !
فتح شنطتها ناظر فيه رقم دولي : وقتكم هذا
ناظر بكمية المناديل الموجوده بشنطتها استغرب رفع المناديل وطاح التحليل منها فتح عينه بصدمه يناظر رفعه يناظر فتح الباب ينزل يناديها وقف من شافها بالحوش
بالواقع
ناظرها من المرايا بالخلف بلع ريقه مسح على وجهه ودعس بنزين يسرع
وبعد مده وقف عند المستشفى سحبو سرير وحملوها لداخل
جلس قدام الغرفه انحنى يمسك راسه
ساعه
ساعتين طولو وكل هذا ارعبه
نزل نجم قرب له: ماقالو شي ؟
لف يناظره عماد هز راسه بنفي
اخذ نفس نجم
طلع الدكتور وقف عماد له : طمنا يدكتور
تكلم الدكتور بهدوء : الحمدلله الجرح ماكان عميق وكان باول رجلها قدرنا نتفداه لكن واضح انها توترت او خافت ماعرف لكن الجنين الحين ماقدر اضمن لك اذا بيعيش او لا بنحطها تحت الملاحظه ليومين حتى نتاكد من كل شي
والحمدلله على سلامتها مشى عنهم
ناظر نجم بعماد رص على اسنانه : لو ماحنا هنا كان خليتك تبوس الارض انك عايش
عماد: ماهو وقتك
نجم : الي قاهرني كيف ساكته معك كيف !!!
-
فتحت عينها تناظر بالسقف همست : هايل
قربت لها ممرضه  : لقيناه موجود موجود
رفعت نفسها رغم انها دايخه : وينه عطوني
طلعت برا اخذته من الممرضه كان يصارخ ويبكي
سمعت صراخه وبكت قربت لها الممرضه اخذته رانيا تحضنه وتبكي بدون اي كلام
ناظرت بالممرضه : وين كان!
الممرضه رفعت اكتافها
دخلت دكتور سعوديه بعد مابلغها حسن تدخل عندها
رانيا : ايش صار وين كان
الدكتوره : وحده من الممرضات الاجنبيات كانت بتاخذه لكن قدر حسن يسكر البوابات قبل لا نعرف وصدمه كشفناه دعوه دعيتيها
بلعت ريقها تبوس راسه وتحضنه
اعتدلت وهي باقي ماسكته
الدكتوره ناظرت بالممرضه : ساعديها تقوم خوذيه
رفعت يدها من تقدمت بتاخذه : ابعدي
وقفت تلبس عباتها واغراضها من جابوها طلعت برا المستشفى بدون لاتلتفت لاحد
-
بالبيت
جلست تناظره نايم قربت تبوسه : ياربي احمدك ياربي اشكرك يارب يارب بكت من تذكرت شعورها وخوفها بكت خوف لو مالقته وصحت بكت تناظره حضنته
-
الصباح
صحت نجمه ناظرت بيد نجود الي على وجهها رفعتها تبعدها : ياطيبه
لفت تناظرها كيف نايمه نومه بعمق :  تصفقيني
هزتها تقومه تحركت نجود : اسكتي
نجمه : قومي مجاهد خطبك
شهقت نجود تجلس : كيف
ضحكت نجمه بقوه انسدحت من قوة الضحك
ناظرت نجود بساعه وكانت الصبح لفت تناظر بنجمه : نذله نزلت من السرير ناظرت في نجمه الي تركض للحمام ركضت قبلها ووقفو يتضاربون على من تدخل اول
نجود : بوضي بس ماني مطوله
نجمه : حمامي لان اتخلى عن حمامي
دفتها بقوه نجود ودخلت
نجمه : مو على كيفك
لفت للبكلونه وفتحتها
-

ابتسم من انفتحت البكلونه لف يدخل من دخلت دانه: اخوي العزيز ماذا فكرت باالامس؟
مجاهد : افكر في ايش ؟
دانه : عيني عينك انت عطني بس الاشاره ولا عطني وش ودك اسوي ولا عليك ازهلني دقت له التحيه ضحك يناظرها
مجاهد : فكرت ادخل المركز
دانه : ليه؟
مجاهد : ارضي ابوي
اخذت نفس : طيب والجامعه
مجاهد ابتسم : ارضيه لفتره الين يوافق ويخطبها لي بعدها اخذها ونروح لبريطانيا ونبعد عن القصيم ومشاكلها الين اتخرج وتهدا الامور بعدها ارجع
تخصرت دانه : ماشاءلله تكمل دراستك وهي؟
مجاهد : اسجلها معي
دانه : وتعيد الي درسته؟
مجاهد : مدري الصدق وش اسوي افكر اخليها تعتذر او تنسحب بس شهادتها اهم هذا الي مقلقني