دخلت نجود المزرعه ناظرت فيها من كبرها تقدمت تدخل داخل شهقت من سحبتها نجمه تحضنها : اشتقت لك
نجود : خوفتيني
نجمه ابتعدت تناظرها : ماشتقتي لي ؟
نجود : شجاك تحضنيني ؟
نجمه اعتدلت توقف : جبتي سيارتك؟
نجود : اها الحضن هذا عشان السياره
ضحكت نجمه تمسك يدها يدخلون للغرفه : شوفي الغرفه كبيره والاطلاله على المسبح اخخ ياروقان
نجود ناظرت ف الغرفه : مره حلوه
نجمه : قلت لابوي بنام هنا الليله
لفت نجود تناظرها : كان قلتي لي اجيب ملابس
نجمه : ماقلت لك لانه رفض
نجود : الصدق ودي نسهر هنا شرايك اقول لابوي ؟
نسبح ونرقص ونولع الدنيا
نجمه نقزت تقرب لنجود : تممممم
دخلت حنان ناظرت بنجود : حي القاطعه
ضحكت نجود تقرب تسلم عليها
دخلت خلفها غزال : وين نجمتي
نجمه : هنااا ركضت تحضنها
نجود : كذا غرت امي
حضنتها حنان : لاتغارين وانا فيه
بعد ساعتين
اغلب المعازيم وصلو
وقف عماد قدام المزرعه
انهار : هذي هي اكيد؟
عماد : اي سياره ابوي هنا
دانه : يحسافه احسها خايسه العزيمه
انهار ناظرت بعماد : ياربي ذا البنت بتتعبني
نزلت انهار ونزلت دانه معها دخلو داخل
جالسه نجود ونجمه مع بنات يسولفون لفت نجود تناظر بدخول انهار ووقوفها وقفت نجود قربت لها : حي الله من جانا
ناظرتها انهار ابتسمت : الله يبارك فيك
قربت نجود تسلم على دانه
انهار ناظرت بنجود اشرت على دانه : بنتي دانه
ابتسمت دانه ردت الابتسامه نجود لكن تلاشت من نطقت انهاار لدانه : طليقة اخوك مجاهد
انصدمت تناظرها رفعت حاجبها : تفضلي داخل
تعدت انهار نجود تدخل داخل
دانه مسكت كتف نجود : اعتذر مدري كيف نطقت كذا امي
نجود: ماعليه حيااتي
دانه : لازم اخذ رقمك واتعرف عليك
نجود ابتسمت : ان شاءلله
دخلت انهار تسلم على الضيوف سلمت عليها غزال جلست وكان بجانب غزال مكان فاضي ف جلست فيه انهار
غزال : اخبارك
انهار : بخير الحمدلله انتي بشريني عنك
غزال : الحمدلله يارب
لفت انهار تسولف مع الي جنبها
-
جلس عماد بعد ماسلم على الحضور بجانب ثامر الي مصدوم ان ابو عماد مساعد الي يعرفونه
عماد تجاهل ثامر لانه للان يحس حاقد عليه
ثامر : شخبارك اليوم
عماد : بخير
اتصل جوال ثامر رد ثامر : هلا
حنان : اسمع تو دقت علي جارتي تبي الموقع ومايضبط معي ارسلي الموقع صح
ثامر : ابشري فتح جواله ثامر بيرسل ناظر بسلمان الي قرب بدله له يصب نزل الدله بقوه يصب انكبت على رجلين ثامر وقف ثامر مفزوع كتم صرخته قدام الرجال
انخرش سلمان يدور حولين نفسه يدور المناديل لف بيعطي ثامر لكنه ركض للمغاسل وعماد معه
ثامر : كلب مايعرف يصب اخخ
وقفو عند المغاسل يغسل
غسل ثامر وهدا دخل يده بجيبه يدور جواله تذكر انه رماه يوم انكبت ناظر بعماد: بالله تجيب جوالي من عندهم
عماد : ابشر
طلع عماد من دورة المياه مشى لمكانهم وقف ياخذ جوال ثامر ناظر فيه مفتوح قرب يمشي ل دورة المياه وقف من جاء باله ، رقمها! فتح جهات الاتصال ناظر ب"اختي" عقد حواجبه لو كان اخت ثانيه له لكن تذكر يوم بالمطعم قال له ثامر انها وحيدته صور الرقم بجواله سكر جواله وجوال ثامر مشى لدوره المياه يعطيه
-
الساعه ١٢ العشاء
بعد ماحضروه بغرفه الطعام طلعت نجود مالها نفس برا جلست قدام المسبح تنتظر نجمه اخذت نجمه صحن منوع فيه اكلات تقدمت تجلس جنب نجود : نوعت لنا
مدت شوكه لنجود وبدو ياكلون
طلعت لهم دانه قربت لهم : تسمحون لي اجلس ؟
نجود : اكيد تفضلي
ناظرت نجمه فيها باستغراب
نجود : هذي دانه بنت مساعد
نجمه : ماعرفتها
نجود : بعدين اقولك
ابتسمت دانه تناظر بنجود لفت تناظر بدانه : اخت مجاهد
نجمه : ماجيتي بالملكه
دانه : الصراحه اول مره اجي لعزيمه دايم ماروح اي مكان مااحب بس لان امي ماتحب تروح بدون اختي وسافرن ف صارت تسحبني معها
نجود : وينها اختك؟
دانه : زوجها دكتور بجامعه ف نقلووه ل بريطانيا
نجمه : ماشاءلله
دانه : احب الوحده ناظرت بنجود : نفس مجاهد
نجود : اي ماشاءلله
دانه : انا احب القراءه والهدوء مجاهد نفسي بس يحب الرسم
نجمه ناظرت بنجود الي طفشت من حكي دانه عن مجاهد
دانه : هو سافر برا بعد
نجمه : ماشاءلله
لفت دانه لامها تناديها يمشون ناظرت بنجود : ابي رقمك
هزت راسها نجود وملت الرقم لدانه
قربت دانه تحضن نجود : تشرفت فيك
نجود بصدمه : الشرف لي
مشت دانه لامها
نجمه : طيب حتى انا بني ادم احضنيني
نجود : احس في شي
نجمه : كيف
نجود : ليش تكرر علي مجاهد!
نجمه : يعع يعني قصدك يبيك يابنت سافر الولد عند الشقر
ناظرت فيها نجود : شقصدك ماني جميله؟
نجمه : يعني لاتفهمين صح اقصد غلط!
ضحكت نجود منها : ياشينك
نجمه : اليوم غطيتي على الكل
كملت نجمه : بس ماشاءلله تو اشوف اخته ماهي حاطه ميكب ثقيل خفيف مره وجميله
نجود : تشبه له نفس الملامح
ناظرت برساله جوالها
دانه : اهلين انا دانه مساعد
نجود : اهلاً
نجمه : لو تشبيك ماصار مثل كذا سريع
نجود : في شي والله يستر
نجمه : بدو يخلصون المعازيم شرايك نجيب ملابسنا ونقفل ونسبححح ؟
نجود : يالله
وقفت نجود تمشي مع نجمه
بعد مده وقفو عند الباب قفلت نجمه عليهم المسبح بدلو يلبسون ملابس مايحتاجونها
وقفت نجود وجنبها نجمه : ١،٢،٣ يالله
نقزو بالمسبح طلعت راسها نجمه تضحك : اخخ حبيت نعيدها ناظرت بنجود الي تتتحرك قربت لها بترفعها بخوف : نجود طلعت راسها نجود تناظر بخوف نجمه : وشو
نجمه : خوفتيني
نجود : شفيه بسم الله
نجمه : ليه تتحركين كذا
نجود : اسوي حركات شفيك !
نجمه : هذي حركات قد بطير لسلمان ينقذك
ضحكت نجود نزلت راسها
فتح الباب سلمان : ياوصخات قولو لي طيب
اشرت نجمه لسلمان فهم ان نجود ماتسمعه لان غاطسه طب سلمان ومسك رجل نجود طلعت بفزع نجود تناظره : هييي
(اذا شفت توقعاتكم بنزلكم الليله بعد 🤎)
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
