" بعض الخسّاير الله يامكبر ارباحها "

بارت 39

ركب مجاهد ودانه بجنبه وحركو للجامعه
دانه : طيب كان بلغونا من قبل
مجاهد : عادي
دانه ناظرت فيه : قل هذا الي ودك؟
مجاهد : اي ودي
دانه : والله بيجيني انفصام منك مره تبيها مره ماتبيها
مجاهد : اسلك لك والله
دانه : ليه ماقلت لي من قبل ؟
مجاهد : شفتها ملكت وسكت لكن الحين يمدي ترجع
دانه : بالله؟
هز راسه
بعد مده وقف عند الجامعه
نزلت دانه ناظرت بالكافتيريا الفاضيه ونجود معطيتها ظهرها
قربت لها توقف : نجود
لفت نجود تناظرها عقدت حواجبها : بسم الله صاير شي ؟
دانه : لا الحمدلله بس زوجة عمك قالت ان سيارتهم خربت وثامر ولده متضارب المهم تعالي معي نرجع
نجود : شلون ارجع معك ؟
دانه : اخوي عماد كلمه ابوك يرجعك معي
وقفت نجود لبست عباتها مستغربه لا ابوها ولا عمها ولا ثامر يردون عليها حتى نجمه خافت صاير شي
مشت دانه قدامها ونجود خلفها لفت دانه لنجود : اليوم لتخريب السيارات عماد خربانه سيارته ف جينا بسياره مجاهد
هزت راسها نجود بتسليك مايهمها على اي سياره بترجع المهم ماهو مجاهد
ركبت خلف دانه ومن ركبت انتبهت انه هو سكرت الباب حقها دخلت يدها من عند حزام الامان تقرص دانه
تألمت دانه تمسك جنبها لفت تناظرها ابتسمت
ناظرت دانه بمجاهد الي يسوق ومتوتر
لفت تناظر بنجود الي تشغل نفسها بجوالها من توترها
دانه همست : مقلوب
قربت نجود لها : كيف ؟
دانه اشرت على جوال نجود
ناظرت نجود بجوالها وفعلاً مقلوب عضت شفتها تنزله
ناظرت دانه انتبهت بمجاهد الي يناظرها من المرايا ولاهي عن الطريق طقته دانه : مجاهد انفتحت الاشاره
نزل نظره يناظر بالاشاره وفعلاً حرك
تحس لها ساعات مو نص ساعه بسياره
بعد مده وقف مجاهد عن البيت
نزلت نجود ركضت للبيتهم ووقفت تناظر بسياره حنان الي كانت تقصدها انها خربانه
ومافيها اي شي دخلت داخل ناظرت بحنان ومعها صينيه الغداء : شفيها السياره
عقدت حواجبها حنان بعصبيه : اسكتي
قربت نجود لها : فسري حركتك؟
حنان : مافسرها الحين بعدين تدعين لي
نجود: اذا صرت ابيه ادعي لك
حنان : مفضوحه ينجود حتى امك قالت لي اليوم
قربت نجود : انتم كيف تفسرون من كيفكم كيف !!!!
طلعت غزال من الصاله من انتبهت لصوت نجود : شفيك نجود
نجود : امي كيف تفسرين الموضوع من كيفكم !
غزال : اي مووضوع
قربت حنان مدت الصنينه لغزال : ادخلي تغدي واجيك الحين
دخلت وقربت حنان تمسك يد نجود وتدخل المطبخ
فلتت يدها وابتعدت
حنان : اقولك الولد يبيك مثل مانتي تبينه ف لاتكابرين يانجود وتندمين بعدين
سكتت تناظرها كملت حنان : مجاهد صارح امه انه بيخطب لكن ماحدد ! امه جتنا ركض الصبح اليوم تقولنا لكن غبيه ماتدري انه يبيك انتي
نجود : وانتم بأي حق حطيتو انه يخطبني ؟
حنان : غبيه مثل امه انتي ليه ماتكلم الا يوم سمع عن فسخ خطوبتكم؟ وبعدين اليوم يوم قلت انك جلستي لوحدك راح لك ركض
نجود قربت لحنان توقف قدامها بضبط : رجاءً لا تروحين تحطين سواليف من راسك ولا تعبي امي راسك بعد انا ومجاهد انتهينا من زمان حتى متى بدينا عشان ننتهي ؟ ترا اسبوع بس عرفته فيه لاتغصبونه ولا تغصبوني كافيه قبل تعدتها ترقى لغرفة نجمه فتحت الباب ناظرتها نايمه : احسب صاير شي اخر شي نايمه قربت لجوال نجمه ناظرت برسايلها واتصالاتها : مقفله الاشعارات وصخه
بدلت ملابسها وانسدحت تنام
-
جلس بغرفته واخذ يرسم لوحته انتبه من اشتد صراخ ابوه استغرب يوقف فتح الباب ونزل تحت
ناظر بدانه الي متوتره وابوه يصارخ
ميل راسه قربت دانه تركض له : مجاهد وربي ابي اسوي خير ولعلي لفت لابوها
مساعد : تبي تاخذها والله لاتعقب تعصاني عصيتني بالوظيفه وعصيني مكمل بهالرسم وتبي تاخذها تخسي
ناظر مجاهد بدانه الي تبكي مد يده يسحبها معه يحضنها رقى لغرفته ودخلو سكر الباب
رص على اسنانه: وش قلتي وووش !!
دانه : امي قالت لابوي انك صارحتها تبي تتزوج وتحمست قلت اقوله انك تبيها مجاهد وربي كنت ابي لك خير ماتوقعت يعصب كذا !
حضنها مجاهد يهديها : ماعليه
دانه : شتسوي الحين
مجاهد : قلت يااخذها بالطيب ياغصب
دانه : كيف ؟
مجاهد : لو مارضو كلهم باخذها غصب حتى هي لو مارضت
دانه : اساعدك
ابتسم يمازحها : فكينا من مساعدتك
ضحكت تحضنه : الله يكتب لك الي فيه خير
-
اليوم عندها مناوبه بالليل ولا تدري كيف تاخذ هايل
الصباح توديه لحضانه لكن بالليل ماتدري وين تروح
اخذته ولبست عباتها ناظرت بسواق من وقف من اول مابدت جابت لها سواق يوصلها ولانها ماتعرف تسوق
ركبت وهايل معها وقفت عند المستشفى نزلت تمشي ناظرت بحسن واقف عند غرفة العمليات : اكيد ماتدخلينه
رانيا : لا بوديه عند الممرضات
حسن : زين استعجلي
مشت بسرعه ناظرت بممرضه جالسه
رانيا : ممكن تاخذينه الين اخلص العمليه ؟
مدته لها وركضت لغرفه العمليات دخلت تغسل وتلابس القلفز وكانت هذي العمليه صعبه
بعد ساعتين وبعد مانهو العمليه بنجاح
طلعت برا ناظرت بنفس الممرضه : وين بيبي
الممرضه : مع ممرضه هذا اشرت على مكتبها
مشت رانيا ناظرت بالممرضه وحدها : بيبي وين؟
استغربت الممرضه : اي بيبي؟
انخرشت رانيا : بيبي حقي انا ولدي لفت تناظر يمينها وشمالها ماكان فيه حتى صوت
مسكت راسها تركض بالممر بدون اي شعور
طلع حسن ناظر بحاله الاستنفار الي صايره تجمع الممرضات وصراخ الامن وصراخ رانيا وبكاءها قرب يركض لها : شصاير
رانيا : ولدي ضيعوه ضيعوه
ركضت لكل الغرف والمكاتب تدوره
انحنت تمسك ركبها بخوف : لا ياربي لا
مسكتها ممرضه دفتها رانيا : بيبي عطيتك وينه
وقفت تبكي بخوف حطت يدها على قلبها تحس على سرعة نبضه بيخرج
-
دخلت شيهانه بيتها
ناظرت بعماد : كان يمديك بطريق توصلني عند ابوي
عماد : تعانين من شي ؟الصبح اوديك
شيهانه : مابي الصبح ابي الحين!
سحب شنطة السفر : امشي يالله يامريضه ركبو السياره وحرك : الناس ترتاح الحين اشغلتيني بابوك