" بعض الخسّاير الله يامكبر ارباحها "

بارت 27

"بعد مرور سنتين"
دخلت الكلاس ناظرت بنجمه اخر الناس جالسه قربت تجلس معها : ليش هنا؟
نجمه : احسن عشان يمديني اكل
نجود : حركات الثانوي ماتركتيها؟
نجمه هزت راسها بنفي دخلت الدكتوره وبدت تشرح لهم
كتبت نجود معها ونجمه كل حرف تقوله
بعد مده وقفت نجود : خلصنا ومحاضرتي بعد ساعه نروح نفطر؟
نجمه ضفت اغراضها : اي ياالله
بالكافتيريا
بدو يفطرون
نجمه ناظرت بدانه الي انقبلت معهم بالجامعه لكن بتخصص غير عنهم بس تجي للمنبى حقهم عشان صديقاتها واغلب محاضراتها تكون مع نجمه لان معهم مواد مشتركه جلست دانه مع صحباتها
نجمه ناظرت بنجود الي معطيه ظهرها دانه وتاكل : دانه تسولف معك؟
نجود : لا اخر معه الترم الي راح سولفت معها بس سواليف سطحيه
سكتت نجمه
نجود قربت لها : صار يزعجك الرقم؟
نجمه اخذت نفس : عطيته ثامر اخوي يشوف الرقم مو طبيعي
نجود : مدري احسه شخص نعرفه
نجمه : اكيد مو سلمان ومنيف
نجود : لا ذولا اغبياء يكشفون نفسهم بنفسهم
نجمه : ماني راحمه الا ابوك الي قابلهم عنده
نجود : دايم يتهاوش هو ومنيف يضحكوني
نجمه : سلمان بعد امي دايم تهاوشه وتوصل لضرب ياختي هالعيال ذا الزمن الي عنده وظيفه تلقينه متكاسل مايبيها والي ماعنده ميت عليها
نجود : شعندك صايره تتكلمين كذا
نجمه : تقدرين تقولين احساس
وقفت نجود : بتبدا محاضرتي الفستان الي بصممه الاسبوع هذا لك
نجمه : الله كفووو عليك
نجود ابتسمت تمشي للقاعه هدت بمشيتها تناظر بوقوف دانه عند القاعه وتسولف مع صحبتها دخلت صاحبتها قربت نجود لدانه : اهلين
دانه مدت يدها : ياهلا والله
نجود : اخبارك
دانه : الحمدلله بخير انتي كيف حالك؟
نجود : بخير الحمدلله، بدخل انا
دانه هزت راسها ومشت لقاعتها
-
مجاهد بهدوء : امي ماباقي شي وتجي اجازاتي اجيك وربي ماله داعي تجين
انهار : مجاهد اوعدني تجي للبيت ؟
مجاهد : اوعدك الكلام الي قبل انسيه ارجوك
انهار : مو طبيعي من يوم رحت سنتين وزياده وابوك واخوانك ماشفتهم
مجاهد : اكلم اخواني واشوفهم بس سكتت
انهار : ابوك ماتكلمه
مجاهد اخذ جواله يناظر برساله اخذ نفس : امي
انهار : هلا
مجاهد : ابشرك بكرا تبدا اجازتي
وقفت انهار بفرحه : الحمدلله الحمدلله وربي اسوي لك عزيمه لا صارت ولا استوت
مجاهد : امي قفلت انهار الجوال
اخذ نفس يناظر بالشقه حوله بدا يرتب الاغراض ويرتب ملابسه واغراضه الي يحتاجها
-
بالليل
جلست غزال تناظر بسلمان : قبل شوي جتني انهار وهي على الباب تعزمني
سلمان : على؟
غزال : ولدها جاي ياخي قايله لك. خلنا ساكنين هناك جاي قدام بيتهم
سلمان: نكون قريبين افضل بعدين مو بس انا حتى صالح هذا هو جنبي
غزال : ماتكلم عن صالح انه جنبنا! اتكلم عن الي قدامنا مساعد !
سلمان : وش قصدك؟ مر سنتين ترا مالهم رجعه ابد
سكتت غزال تبعد عنه كمل سلمان يناظرها: ماصارحتي نجود عن الخطاب الي جاايين لها؟
غزال : ولا يمكن
سلمان : بعقلك انتي ! كم خطاب جونا رديناهم
غزال : باقي البنت تبيه تقولي صارحيها بخطابها
سلمان وقف : ماتفهمين انتي مايصلحون لبعض وبينهم طلاق !
غزال : الا يصلح لا هو ولا هي كانو راضين انت تدخلت وطلقتهم !!
سلمان : انتي وشجاك فجاءه على بنتك تبينها له
غزال : انت الي وشجاك حقدت عليهم ولا تبيهم لبعض
سلمان : دامك تقولين لا هو راضي ولا هي ليه ماوقف بوجهي ! ليه وقع ومشى هذا ان دل يدل على رخامته
غزال ابتسمت تناظره : رخامته؟ لاوالله الا انه رجال جاء سأل بنتك قبل المحكمه وقالت له بتردد لا! ولا كان اخذت نفس تجلس بقهر
سكتت سلمان يناظرها
-
بالحوش
نزلت نجود تناظر الورود والزرع الي بحوشهم
جلست على كرسي اخذت الاوراق وقلم رصاص ترسم
ناظرت فيها غزال من البلكونه ميلت فمها نزلت تحت لها طلعت للحوش
قربت لنجود : نجود
نجود وهي ترسم: عيوني
ابتسمت غزال : ودي انقاشك بموضوع
نجود : الي هو؟
غزال مدت يدها تاخذ الاوراق والقلم منها ونزلتهم بجنب : ابي تركزين معي كملت تناظرها : يامي الدنيا ماتوقف على شخص واحد وانتي حبيبتي ماينقصك شي وتعرفين ياما جوك خطاب وعشانك كنت ارفض بدون اقولك واسكت ابوك بكم كلمه لكن هالمره
نجود : من هم؟
غزال: ولد ابراهيم الي مع ابوك بدوام
نجود هزت راسها : تمام اذا ابوي مرضيه موافقه انا
غزال : مو مهم ابوك المهم انتي
نجود : وانا ماعندي مشكله بالعكس بشوف حياتي ماني موقفتها على شخص
غزال : الله يكتب لك الي فيه خير ويسعدك ربي
نجود : ان شاءلله
-
الصباح
نجمه : يابنت شنسوي ؟
نجود : بنزل امي بالمنتجع وبروح للبيت اصمم مشغوله اليوم
نجمه : وانا مريني بروح معك
نجود : تمام
-
الساعه ١١:٣٠
وقف مجاهد عند البيت يناظره قرب يناظر بالباب مفتوح نصه فتحه يدخل ناظر بالصاله بابوه واخوانه وعيال عمار
ابتسم يناظرهم يركضون له انحنى لمستواهم يحضنهم : ياهلين
باس ماهر وباس سكره
وقف يقرب لابوه :سلام ابوي
مساعد : هلا بولد بريطانيا انحنى مجاهد يبوس راسه ويبوس كفه
ابتعد يقرب لعمااد :ارحب
مجاهد : البقى ابتعد يسلم على عمار حضنه بقوه عمار
ابتسم مجاهد : بتكسرني
عمار : رغم انك هادي الا ان البيت بدونك شين
نطت دانه بدرج تركض بصراخ : مجاههههد
لف مجاهد يبعد عن عمار ويحضنها بقوه : حي الله هالوجه
مجاهد ضحك منها يحضنها
طلعت من المطبخ انهار تمشي لهم حطت يدها على فمها تناظر : يابعد كل هالناس ابتعد مجاهد يقرب يحضن امه ويبوس راسها ويدها ورجلها
انهار ميلت راسها تناظره : اخخ ياوليدي
عمار : كل هالحب لمجاهد حتى من الفرحه سوت عزيمه وهو ماتخرج
ضحك مجاهد : امي تسوي الي ودها خلوها
قربت تجلس وجلس بجنبها مجاهد
دانه : ساكنين قدامنا وبالجنب صالح عمهم
مجاهد باستغرب : ليش؟
دانه : والله لاتسالني ابوي وهم صايرين غريبين بس ساكتين
مجاهد : ابوي اليوم مايكلمني ولا يعني يسبني كعادته استغربت
دانه : صدق غريب صاير عاد امي عزمتهم امس للعزيمه
مجاهد : اي الله يحيهم
دانه : شلون يعني تخطيت؟
مجاهد : تعايشت نجود طول وقتي هناك افكر لو كنا خير لبعض ؟ كان احنا مع بعض الحين لكن الله يوفقها ويوفقني وانسي كل شي جمعني انا وياها او اي موضوع كان يخصنا
دانه ناظرت فيه باستغراب تام
-
بالعزيمه
كانت انهار تتفاخر بولدها وكل حلا او كيكه كانت باسم مجاهد
ناظرت انهار بحنان : وينها بنتك؟
حنان نزلت فنجالها تناظرها : بيت عمها
انهار : غريبه ليش ماجو البنات
حنان : مشغولين عندهم مشاريع
ناظرت انهار بغزال ابتسمت لها غزال
لفت انهار تناظر بدانه
وحده من المعازيم : ماشاءلله ام منيف على البركه الخطبه
عقدت حواجبها غزال تناظرها ابتسمت المره : اقرب لزوجة ابراهيم
هزت راسها غزال : تونا ياعمري
انهار : اي خطبه؟
المره : عمري زوجة ابراهيم يمكن تعرفينه انهار خطب نجود لولده
سكتت انهار تناظرها
ميلت راسها دانه وقفت بسرعه تركض للمطبخ وقفت عنده : خطبه وش! هذولا كيف تخطو بعض !