طلعت من غرفتها وشعرها مبلول ناظرت بابوها يمر لكنه مركز بجواله : صباح الخير ابوي
ناظر فيها سلمان : صباح النور يازين هالصبح بشوفتك
ابتسمت نجود قربت وحضنها من كتفه ينزلون
اخذ منيف البيضه ناظرهم نازلين : ماشاءلله متاخرين
لفت براسها تناظرهم غزال : زود على ان فيه عزيمه متاخرينن
سلمان ابتعد عن نجود يجلس بمكانه : لاتذكريني وراي مليون شغله
غزال : مو العزيمه منه؟ ليه مايقوم فيها هو وعياله
سلمان : قايم فيها بس مايخالف انا بعد اسوي لي شغله
غزال : اي على كذا لاتصيح تقل مجبور وانت جايبها لنفسك
ناظرو نجود ومنيف ب غزال
ناظر سلمان بنجود : نجود ابوي
رفعت راسها تناظره : سم
سلمان : ابيك تمرين المركز تخلصين لي شغله هناك
نجود : ابشر
سلمان : مجاهد مقدم استقالته وقالي مساعد الغيها واذا رجع نحاول فيه من جديد
سكتت نجود تبعد نظرها عنهم تشغل نفسها بالاكل
سلمان : تروحين نجود ؟
نجود هزت راسها بالايجاب
سلمان : بس توصلين اتصلي علي انا اقولك شتسوين
نجود : تمام ابشر
غزال ناظرت بنجود : ابي السوق ف خوذيني معك تنزليني بطريقك
نجود : ابشري
-
نزلت نجمه تناظر بسلمان الي يناظر بجواله ولا همه لاشغل ولا شي
نجمه : ياحمار وراك قاعد العزيمه الليله ياغبي
سلمان : شدخلني قلت لابوي يعزمني بعد
نجمه : كل ذا كسل!
سلمان : مالي خلق توني جاي من الدوام نفسيتي زفت
نجمه ناظرت انه باقي بدلته : ورا ماتبدل!
سلمان : ماتفهمين اقولك مالي خلق
نجمه : حمدلله والشكر بس لفت تسمع صوت بالمطبخ مشت للمطبخ ناظرت بحنان الي ترتب الكاساتت والاغراض بالسلات
نجمه : اساعدك؟
حنان : اي روحي لغرفتي طلعي احسن جلابيه موجوده
نجمه : تمام
حنان كملت : وجهزي لي اغراض المكياج بشنطه صغيره المهم جهزي كشختي كامله
نجمه : من عيوني ركضت ترقى فوق تجهز اغراض امها
-
نهال : يوهه يعني ماقالو الا الحين
ثامر : امس فكر واليوم نفذ ماعليه تجهزو على المغرب اجي اخذكم بعد ماخلص من الدوام واخلص شغل من ابوي
نهال : تمامم
سكر الجوال ثامر مشى لقسم التدريب وبدا يفهمهم
وقف عماد من بعيد يناظر بثامر يحس انه حقد عليه
-
وقفت اميره بصدمه : امي منجدك راح؟
انهار. : اي والله ولا قال لنا ابد فجاءه كلمني انه مسافر
اميره : طيب بكلمه واساله وين
انهار : بلغيني
اميره : ابشري
سكرت انهار اتصلت اميره على مجاهد لكنه مايرد
ضربت راسها بتذكر : اكيد غير رقمه
اتصلت اميره على امها تاخذ اخر رقم اتصل فيه مجاهد
بعد مده ناظرت برقم باستغراب : كانه بريطانيا؟
اخذت نفس تتصل
رد مجاهد : الو؟
اميره : اهلين بجاري
ضحك مجاهد : كشفتيني
اميره : مجاهد يعني اقلها قولي اجيك اكون معك!
مجاهد : صدقيني اذا بغيتك بتصل عليك واجيك
اميره : الحين تقريباً اسبوع وشوي لك وينك ماجيتني؟
مجاهد : من عطاك رقمي امي صح؟
اميره : مجاهد وربي تقهر تقهر وبعد امي تقول انفصلت من عملك وطلقت اسرع طلاق بالحياه
سكتت مجاهد يسمعها كملت : طيب مو معناته اني سافرت ماتقولي اي حاجه
مجاهد : هذي مواضيع ماينتكلم فيها ف رجاءً غيري الموضوع
أنت تقرأ
" بعض الخسّاير الله يامكبر ارباحها "
Historia Corta"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
