အခန်း ၃၂: အတ္တကြီးသောအမျိုးသမီးတစ်ဦး!
မကြာမီ_
လျှပ်စစ်ဆိုင်ကယ်လေးမှာ ချင်းလင်စံအိမ်အပေါက်ဝရောက်လာ၏။
''ဒါဖုဟိုင်စံအိမ်မဟုတ်ဘူးလား? ဘာလို့နာမည်ပြောင်းသွားတာလဲ?'' ချင်ရန်က ပဟေဠိဖြစ်နေသည်။ အရင်ကသူ ဒီနေရာကို ချင်လင်နှင့်ရောက်ခဲ့ဖူး၏။ ထိုအချိန်တုန်းက သူတို့နှစ်ယောက်မှာ ဘွဲ့မရသေး။ နွေရာသီအားလပ်ရက်တွင် အလည်ထွက်ခဲ့ကြခြင်းဖြစ်၏။
ချင်လင်၏လျှပ်စစ်ဆိုင်ကယ် ခန်းမရှေ့တွင်ရပ်လိုက်လျှင် သားသားနားနားဝတ်ဆင်ထားသော ကောင်းယောင်ယောင်က ရှေ့ထွက်လာပြီး_ ''သူဌေး!''
''လင်ဇီ... ဒီမိန်းကလေးမဆိုးဘူး... နေပါဦး သူဌေး?'' ချင်ရန်က သူ့အကျင့်အတိုင်း မိန်းမလှလေးအပေါ်အာရုံရောက်နေစဉ် ရုတ်တရက်တုံ့ပြန်လိုက်သည်_ ''လင်ဇီ... မင်းကဒီစံအိမ်ရဲ့သူဌေးလား? ဒါကြောင့် ချင်လင်စံအိမ်လို့ခေါ်တာကိုး''
''တရန် သွားစို့... ဗီဒီယိုရိုက်ဖို့နေရာကြည့်ရအောင်... ဒီမိန်းကလေးက ကောင်းယောင်ယောင်တဲ့... ဒီနေ့သူက သရုပ်ဆောင်လုပ်လိမ့်မယ်'' ချင်လင်က ချင်ရန်ကိုခေါ်ပြီး သုံးပွင့်ဆိုင်ဇီးပန်းပင်လယ်ဆီ သွားလိုက်သည်။
''သေစမ်း!'' ချင်ရန်က သူ့ရှေ့ရှိသုံးပွင့်ဆိုင်ဇီးပန်းပင်လယ်ကိုတွေ့လျှင် အံ့အားသင့်သွားသည်_ ''လင်ဇီ... ဒါမင်းလုပ်ထားတာလား?''
''ဟုတ်တယ်! ငါလည်းပြီးတာ မကြာသေးဘူး'' ချင်လင်က ခေါင်းညိမ့်လိုက်၏။
''လင်ဇီ... မင်းကအံ့သြဖို့ကောင်းလိုက်တာ!'' ချင်ရန်က တန်းချီးကျူးလိုက်သည်။
သူက သူ့ညီအစ်ကိုရဲ့မိသားစုအခြေအနေကို ကောင်းကောင်းသိပြီးသား။ ရုတ်တရက်ဒါကို လုပ်ချလိုက်တော့ သူဘယ်လောက်အံ့သြသွားတယ်ဆိုတာ သိသိသာသာပင်။
ဒီပန်းပင်လယ်က ဘယ်လောက်ကုန်ကျမလဲ?
သို့သော်လည်း သူထပ်မမေးတော့။ သူထပ်ပြီးစပ်စုနေလျှင် တစ်မျိုးတစ်ဖုံဖြစ်သွားလိမ့်မည်။ ဘာပဲဖြစ်ဖြစ် လူတိုင်းက ကံအားလျော်စွာဖြစ်တတ်တာပဲ။ သူ့ညီအစ်ကိုက ထီပေါက်တာလား ဒါမှမဟုတ် ရင်းနှီးမြှုပ်နှံသူရှိတာလားမသိ။
YOU ARE READING
ငါကဂိမ္းထဲကိုဝင္ႏိုင္တယ္ -ICETG's (ငါကဂိမ်းထဲကိုဝင်နိုင်တယ် -ICETG's)
Fantasiငါ့ကဂိမ်းထဲဝင်နိုင်တယ် ဘာသာပြန် - Shwe Yun Ow - Ask The Heart Forever ချင်လင်သည် 'စိုက်ပျိုးမွေးမြူရေးခြံဇာတ်လမ်း'အမည်ရသော ခေတ်ဟောင်းဂိမ်းတစ်ခုကိုကစားနေစဉ် ဓာတ်လိုက်ခဲ့သည်။ ထို့နောက် သူ့တွင် ဂိမ်းအတွင်းသို့ဝင်ရောက်နိုင်စွမ်းရှိကြောင်း ရုတ်တရက်သိလိုက...
