မချိုပေမယ့်...မခါးပါဘူး

Gossip about "Them"

MBTI Personality Detail

ဒီနေ့မှာတော့ Iris ရဲ့ Main Character တွေနဲ့ သူတို့ရဲ့ Peesonality အကြောင်း တစေ့တစောင်း တို့တွေ အတင်းပြောကြမှာဖြစ်ပါတယ်ရှင့်။ အတင်းပြောကြမှာဖြစ်လို့ Iris ရေးတဲ့ထဲမှာ ထပ်ဖြည့်ချင်တာလေးများရှိရင် အတင်းလာပြောကြပါဦးရှင်။ တစ်ခါမှတော့မလုပ်ဘူးပေမယ့် အားလုံးဝင်ပါပြီးဝိုင်းပြောကြမယ်ဆို ပျော်ဖို့ကောင်းမယ်ထင်တယ်။ စိတ်လှုပ်ရှားနေပြီ။

နန်းမေသွေးငယ် (INFJ)
Generous Healer
Love Language - Art of Service

မေ့ကိုတော့ INFJ လို့မလွဲမသွေကောက်ချက်ချသင့်တယ်ထင်တယ်။ INFဆိုတဲ့ ရှေ့သုံးလုံးပါရင်ကိုက နူးညံ့သိမ်မွေ့တဲ့သဘောတရားရှိတာ မလွဲမသွေပဲ။  INFP တွေလိုပေါ့။ INFJ နဲ့ INFP (Jနဲ့P) ရဲ့ကွာခြားချက်ကဘာလည်းဆိုရင် Jက Plan သမား Pက လက်တန်းသမား။ Jဆီမှာက Plan Aကနေ Zထိတောင်ရှိချင်ရှိနိုင်တယ်။ Planကိုသေချာကြိုတင်ဆွဲထားတယ်။ ခရီးသွားတော့မယ်ဆို ဘာယူသွားမယ်၊ ဘယ်သွားမယ်၊ဘယ်နှရက်နေပြီး ဘယ်ရက်မှာပြန်လာမယ်ဆိုတဲ့ အတိအကျသတ်မှတ်ချက်အစီအစဥ်က Jသမားတွေမှာရှိတယ်။ P သမားကတော့ အခြေအနေပေါ်မူတည်ပြီး မီးစင်ကြည့်ကတယ်။ Pတွေက တကယ်လည်း လက်တန်းဖြေရှင်းနိုင်တယ်။ Jက ပညာရှိဆိုရင် Pက ဉာဏ်ကြီးရှင်ပဲ။ အဲ့လိုကွာပါတယ်။ F(Feeling) ဆိုတဲ့စာလုံးပါတာကြောင့် ကိုယ်တိုင်လည်း ခံစားလွယ်သလို သူများခံစားချက်ကိုလည်း အရမ်းနားလည်တယ်။ ကိုယ်ချင်းစာတရားအရမ်းကြီးမားတယ်။ သူတစ်ပါးကိုသနားကျင်နာတတ်တယ်။ သူတို့မကြုံဖူးတဲ့ ဒုက္ခတွေကိုတောင်မှ ကိုယ်ချင်းစာပေးနိုင်တဲ့ သူမျိုးတွေပါ။ နာကျင်ခံစားနေရတဲ့လူတွေက သူ့ဆီရောက်ရင် Healing လုပ်ခံလိုက်ရသလိုပဲ။ သူတို့အားပေးစကား၊ အပြုအမူနဲ့တင် ယူပစ်သလိုပျောက်။ တခါတလေကျရင်သူတို့ကသူတစ်ပါးကို နားလည်လွန်းလို့ကို တိုင်ပတ်နေကြတာ။ အရမ်းsmart ဖြစ်ပြီး တော်လွန်းတယ်လို့ပြောရမလားပဲ။ တစ်ဖက်လူရဲ့အရိပ်အကဲကြည့်ပြီး ဘာတွေခံစားနေရတယ်ဆိုတာ ချက်ချင်းသိကြတယ်။ သူစိမ်းတွေနဲ့ဆို အနေအေးတယ်။ သည်းခံပါရမီလည်းအရမ်းကောင်းတယ်။ ဖောက်ပြန်ခံရရင်တောင် တစ်ဖက်ကဖောက်ပြန်တဲ့သူရဲ့ခံစားချက်ကို နားလည်လို့ပြန်သနားမယ့်လူဟာ INFJပါ။ အဲဒါပေမယ့်လည်း သူတို့ Patience limit ကိုတော့ သွားမစမ်းလေနဲ့။ စိတ်ဘယ်လောက်ရှည်လဲဆိုပြီး သွားဆန့်ထုတ်မကြည့်မိစေနဲ့။ ခန္ဓီပါရမီကကြီးသလောက် မိုင်ကုန်သွားပြီဆိုရင်လည်း အေး...နင်ပြေးတော့ပဲ။ လူကောင်းတွေဆိုးရင် လူဆိုးတွေထက်ကိုပိုဆိုးတယ်။ နင့်အသက်ကိုဖက်နဲ့ထုပ်ထားတော့ပဲ။ ဒီနေရာတင် အခင်းဖြစ်သွားမှာ လက်နက်တောင်မလိုဘူး။ သည်းမခံနိုင်ရင် လည်ပင်းချည်းညစ်သတ်တာ ဒေါ်နန်းမေကဥပမာစံပြ။ ခွန်ဇေနဲ့နှင်းရည်ရွယ်ကတော့ ပွဲဦးထွက်သရုပ်ပြတွေပေါ့။ သူ့လောက်သဘောကောင်းပြီး စိတ်ရှည်သည်းခံတဲ့လူကို လည်ပင်းထညှစ်အောင်လုပ်နိုင်တဲ့ နှင်းရည်ရွယ်ကိုလည်း တကယ်ချီးကျူးပါတယ်။ INFJက အရှားပါးဆုံး Personality  တွေထဲကတစ်ခုဆိုလည်းမမှားပါဘူး။ ကမ္ဘာ့လူဦးရေထဲက 2%ပဲရှိပါသေးတယ်။ အပြင်ပန်းအသွင်အပြင်အရ အနေအေးတယ် တည်ငြိမ်တယ်။ ဘာပြဿနာလာလာ အပြုံးနဲ့ပဲဖြေရှင်းတယ်။ Positive သမားတွေပါ။ စာဖတ်တဲ့သူတွေတောင် အားမရလောက်အောင်ထိ သည်းခံနိုင်ရတဲ့အကြောင်းအရင်းကို ဒီလောက်ဆိုသဘောပေါက်လောက်ပြီထင်ပါတယ်။