~ Spring ~
💜 Unicode 💜
"Lexက ပြင်သစ်ပြန်သွားပြီတဲ့။"
ကော်ဖီဆိုင်ထိုင်နေရင်း ရုတ်တရက်ကြီးစကားစလာတဲ့ရာနိုကြောင့် သူ့ရှေ့က ဗနီလာကိတ်ဆီအာရုံရောက်နေတဲ့မိုင်က ပေါ့ပျက်ပျက်ပဲခေါင်းညှိတ်တယ်။ ရာနိုကတော့သူ့စကားကို ကြားသလိုမကြားသလိုလုပ်နေတဲ့အမတော်ကို မျက်မှောင်ကြုတ်လို့ကြည့်ပြီး မိုင်တစ်ဇွန်းပြီးတစ်ဇွန်းခပ်စားနေတဲ့ ဗနီလာကိတ်ကို အလိုမကျသလို မျက်မှောင်ကြုတ်လို့ပြန်ကြည့်တယ်။
"ဘယ်ဘဝကဗနီလာကိတ်နဲ့လင်မယားတော်ခဲ့တာလဲ ဘွားတော်။ အကြည့်တွေကစူးရှနစ်မျောနေတာပဲ။"
" အစားအသောက်နဲ့သာလင်မယားတော်ရမယ်ဆို ငါတော်တော်လင်များနေမှာပဲ။ "
အရိုင်းဆန်ဆန်သူ့စကားလုံးမှာရာနိုက မျက်လုံးလေးပေကလပ်နဲ့ ပြူးကြည့်တယ်။
" ဘာလို့လဲ "
" ငါမကြိုက်တာမရှိလို့လေ။ "
" ဟက်....ခင်ဗျားတော်တော်အစားသောင်းကျန်းတာပဲ "
" မိန်းကလေးတွေရဲ့ဘဝမှာ အချစ်ဦးက ချောကလက်နဲ့ပီဇာပဲတဲ့ "
သူ့စကားမှာ ရာနိုကဇဝေဇဝါနဲ့ ခဏလောက်စဥ်းစားလိုက်ရတယ်။
" နေပါဦး....မိန်းကလေးတွေရဲ့ပထမဆုံးအချစ်ဦးက အဖေမဟုတ်ဘူးလား။ "
" မဆိုင်ဘူး အဖေကနှလုံးသားထဲမှာ ပီဇာကဗိုက်ထဲမှာလေ တကန့်ဆီပဲ။ "
" ဟ......ကောင်းပြီ ....ဒါဆိုကျနော်မေးမယ် "
" မေး "
" ခင်ဗျားအမနဲ့ ပီဇာဗန်းနဲ့ရေထဲကျသွားရင် ဘယ်သူ့ကိုကယ်မှာလဲ "
" ငယ်သွေးနဲ့ပီဇာလား "
ရာနိုကသူ့လက်ထဲကဖုန်းကို စားပွဲပေါ်ချလို့ စိတ်ဝင်တစားနဲ့ခေါင်းညှိတ်လို့နားထောင်တယ်။
BẠN ĐANG ĐỌC
မချိုပေမယ့်...မခါးပါဘူး
Lãng mạn𝗪𝗵𝗮𝘁 𝗸𝗶𝗻𝗱 𝗼𝗳 𝘁𝗵𝗶𝗻𝗴 𝗶𝘀 𝗰𝗮𝗹𝗹𝗲𝗱 𝗹𝗼𝘃𝗲? 𝗟𝗼𝘃𝗲 𝗶𝘀 𝘀𝘄𝗲𝗲𝘁𝗲𝗿 𝘁𝗵𝗮𝗻 𝗮 𝗰𝘂𝗽 𝗼𝗳 𝗹𝗮𝘁𝘁𝗲 𝗯𝘂𝘁 𝗯𝗶𝘁𝘁𝗲𝗿 𝘁𝗵𝗮𝗻 𝗮 𝘀𝗶𝗽 𝗼𝗳 𝗮𝗺𝗲𝗿𝗶𝗰𝗮𝗻𝗼｡ အချစ်ဆိုတာ လက်တေးတစ်ခွက်ထက်လဲချိုနိုင်ပြီး အမေရိကာနိုတစ်ငုံ...
