~Adolescent Mind~
💜 Unicode 💜
မနက်စောစောစီးစီး မျက်နှာပေါ်က ဝင်လေထွက်လေကြောင့် နေရောင်တစ်ယောက်စိတ်အနှောင့်အယှက်ကြီးစွာပဲနိုးလာလေသည်။ အနှောင့်ကလေးကတော့တခြားသူမဟုတ် မနေ့ညကစောင်ခြုံပေးတာကို သူ့လက်အတင်းဆွဲထားခဲ့တဲ့အသေးလေးသာ။ နေရောင့်ခမျာ ညကြီးမင်းကြီးခေါင်းအုံးလဲမရှိစောင်လဲမရှိနဲ့ ကြမ်းပြင်ပေါ်အိပ်ဖို့ကြံကာမှ ထိုကလေးကိုစောင်ခြုံပေးမိတာ ငါးပါးမှောက်ရတဲ့အဖြစ်။
လက်ကိုအတင်းဆွဲထားတာမို့ ပြန်ယူလို့လဲမရ နိုးသွားမှာလဲကြောက်နဲ့ နေရောင်တစ်ယောက် သူ့ဘေးမှာတင် ထိုင်ရက်ကြီးအိပ်လိုက်ရလေသည်။ သို့ပေမယ့် ဘယ်ချိန်မှာဘယ်လို ခေါင်းအုံးပေါ်ရောက်သွားတယ်မသိ သူ့ရှေ့ကကလေးမက သူ့ရင်ဘတ်ထဲရောက်လို့ သူ့ကိုသမင်လည်ပြန်လှည့်ကြည့်နေလေရဲ့။ လည်ပင်းကအရစ်ကလေးက ဝဝကစ်ကစ်မျက်နှာလေးကြောင့် ဖောင်းအစ်နေတာကိုက်ချင်စရာ။ သူ့ကိုမျက်တောင်မခတ်တမ်းမော့ကြည့်နေတာမို့ မနေနိုင်တဲ့လူကြီးကပဲ စကားစရတော့မည်။
“ ဘာကြည့်နေတာလဲ ကလေးမ ”
“ ဟို...လူကြီးက...ဘာလို့ဒီမှာ....အိပ်နေတာလဲ ”
သူ့အမေးမှာနေရောင်က တစ်ချက်တော့ငြိမ်ချက်သားကောင်းသွားရပြီ။ လက်ကိုဆွဲထားတယ်လို့ပြောဖို့ရာ သူ့ရှေ့ကကလေးကိုသေချာကြည့်လိုက်မိသည်။ နွေဦးငယ်ဆိုတာအရှက်အကြောက်ကြီးပြီး အင်မတန်ချေတဲ့ကလေးမ။ ဒါကိုသူ့လက်ဆွဲထားတဲ့အကြောင်းသာပြောပြလိုက်ရင် နဂိုမှ မနေ့ကလာကြိုတာနောက်ကျလို့ စကားမပြောတဲ့ကလေးက ဒီအကြောင်းသာသိရင် သူ့ကို နောက်နှစ်ထိတောင်စကားပြန်ပြောပါ့မလားမသေချာ။
“ ချမ်းလို့...... ”
“ ဟမ် ”
“ မနေ့ညက အေးတယ်လေ..အဲ့တာကြောင့် ”
“ အော်....”
သူ့စကားမှာထိုကလေးက ခေါင်းတညှိတ်ညှိတ်လုပ်လာတော့ နေရောင်ကသက်ပြင်းချတယ်။
“ ဒါနဲ့ ”
“ ဟင်.....”
“ လက်ကလွှတ်ဦးမှာလား ”
YOU ARE READING
မချိုပေမယ့်...မခါးပါဘူး
Romance𝗪𝗵𝗮𝘁 𝗸𝗶𝗻𝗱 𝗼𝗳 𝘁𝗵𝗶𝗻𝗴 𝗶𝘀 𝗰𝗮𝗹𝗹𝗲𝗱 𝗹𝗼𝘃𝗲? 𝗟𝗼𝘃𝗲 𝗶𝘀 𝘀𝘄𝗲𝗲𝘁𝗲𝗿 𝘁𝗵𝗮𝗻 𝗮 𝗰𝘂𝗽 𝗼𝗳 𝗹𝗮𝘁𝘁𝗲 𝗯𝘂𝘁 𝗯𝗶𝘁𝘁𝗲𝗿 𝘁𝗵𝗮𝗻 𝗮 𝘀𝗶𝗽 𝗼𝗳 𝗮𝗺𝗲𝗿𝗶𝗰𝗮𝗻𝗼｡ အချစ်ဆိုတာ လက်တေးတစ်ခွက်ထက်လဲချိုနိုင်ပြီး အမေရိကာနိုတစ်ငုံ...
