~ How to say I love you ~
💜 Unicode 💜
" မ....ကျနော့်ကိုတွေ့ပေးမယ်ဆိုတာ။ဘယ်သူ....။ "
" ဟိုမှာလေ.....မင်းရဲ့အငယ်လေး ......မမှတ်မိတော့ဘူးလား ။ "
" ကျနော့်...အငယ်လေးတဲ့လား။ "
ရာနိုတစ်ယောက် မျက်မှောင်ကြုတ်ပြီး ပေကလပ်ပေကလပ်နဲ့ တစ်ဖက်ကမိန်းကလေးကိုကြည့်လာတယ်။ မိုင်ကတော့ပြုံးစိစိနဲ့ ရာနို့နားကိုကပ်ပြီး ပုခုံးကိုတိုက်ကာပဲ ကျေနပ်ပြုံးကြီးနဲ့ ခပ်တိုးတိုးလေးဆိုတယ်။
" မင်းအငယ့်ကို ကြိုက်နေတာမလား။ အဲ့မှာကြည့် မင်းရဲ့အသေးလေးက ဘယ်လောက်တောင် လှလာလဲဆိုတာ။ "
သူ့စကားမှာဘေးကနေရောင်ကပါ မျက်လုံးအပြူးသားနဲ့ ကြည့်ရပြီ။ ရာနိုကတော့ တွန့်ချိုးသွားတဲ့မျက်ခုံးတန်းတန်းတွေနဲ့ သူ့ကိုမကျေမနပ်ကြည့်နေပြီ။ ဒီဘွားတော် အလိုက်ကမ်းဆိုးမသိတာလား တကယ်ပိန်းသလားတော့ သူနားမလည်တော့ဘူး။ သူ့ခံစားချက်ကိုနားမလည်ပါးမလည်နဲ့ မဆီမဆိုင် ဒီပေါက်စနလေးနဲ့ညိအောင် လာအောင်သွယ်ပေးနေရန်ကော။ အင်း....သူလဲပေါက်စနပဲဆိုပေမယ့်လို့ပေါ့။
" စမိုင်မ....နင်ဘာစကားတွေပြောနေတာလဲ။"
နေရောင်ရဲ့အမေးမှာမိုင်ကသူ့ကိုမျက်စောင်းတစ်ချက်သာထိုး၍ နှာမှုတ်လေသည်။
ဘာပြောရမှာလဲ။ ကြားတဲ့အတိုင်းပဲလေ။ သူတို့ကလေးတွေချင်း စိတ်ဝင်စားနေတာ နင်ကအိုကြီးအိုမနဲ့ ဘာထဖြစ်တာလဲ။ "
ဟက်...ဘာအိုကြီးအိုမလဲ...ငါ့အသက်ကဘယ်လောက်ရှိသေးလို့လဲ။ ဟိုကောင်.....ရာနို.....မင်းပြော...မဟုတ်ဘူးမလား။မင်းအငယ့်ကိုမကြိုက်ဘူးမလား "
နေရောင်က မိုင့်ဘက်ကိုနှာတစ်ချက်မှုတ်ပြီး ရာနို့ကို ပုခုံးတို့ကာမေးလေသည်။ ရာနိုဆိုသည်မှာလဲ သိပ်ကိုအရွဲ့မတိုက်တတ်ရှာတဲ့သူမို့ အခုချိန်မှာ စိတ်ပျက်လက်ပျက်အကြည့်ကြီးနဲ့ သူ့ဘေးကမိုင်နဲ့နေရောင်ကို တစ်လှည့်ဆီကြည့်လိုက်တယ်။ အထူးသဖြင့် ဘေးကသူ့ကိုလိုက်လို့လိုက်နေမှန်းမသိ သူများနဲ့စပ်ပေးနေတဲ့ ဘွားတော်လေးပေါ့။ သူ့အမေးမှာ ရာနိုကမဲ့ပြုံးလေးတစ်ချက်သာပြုံးပြီး သူ့ပုခုံးပေါ်တင်ထားတဲ့ မိုင်နဲ့နေရောင်ရဲ့လက်ကို တွန်းတိုက်ပုတ်ချလိုက်တယ်။
YOU ARE READING
မချိုပေမယ့်...မခါးပါဘူး
Romance𝗪𝗵𝗮𝘁 𝗸𝗶𝗻𝗱 𝗼𝗳 𝘁𝗵𝗶𝗻𝗴 𝗶𝘀 𝗰𝗮𝗹𝗹𝗲𝗱 𝗹𝗼𝘃𝗲? 𝗟𝗼𝘃𝗲 𝗶𝘀 𝘀𝘄𝗲𝗲𝘁𝗲𝗿 𝘁𝗵𝗮𝗻 𝗮 𝗰𝘂𝗽 𝗼𝗳 𝗹𝗮𝘁𝘁𝗲 𝗯𝘂𝘁 𝗯𝗶𝘁𝘁𝗲𝗿 𝘁𝗵𝗮𝗻 𝗮 𝘀𝗶𝗽 𝗼𝗳 𝗮𝗺𝗲𝗿𝗶𝗰𝗮𝗻𝗼｡ အချစ်ဆိုတာ လက်တေးတစ်ခွက်ထက်လဲချိုနိုင်ပြီး အမေရိကာနိုတစ်ငုံ...
