မချိုပေမယ့်...မခါးပါဘူး

Chapter 28

~ Best Mistake ~

💜 Unicode 💜

စပ်ဖြင်းဖြင်းဒဏ်ရာတစ်ချက်က ပါးစောင်တစ်ဖက်ဆီရောက်သွားတော့ နေရောင်ကားဘေးကတစ်နေရာဆီပုံရက်သားလဲကျသွားတယ်။ မြန်လွန်းတဲ့အရှိန်မှာ အကုန်လုံးအလန့်တကြားကြည့်နေကြပေမယ့် စောနကသူ့လက်ထဲက ရုန်းနေတဲ့အငယ်လေးကတော့ သူ့လူကြီးနှုတ်ခမ်းထောင့်က သွေးစတွေကိုမြင်ပြီး ကတုန်ကယင်နဲ့အနားကိုပြေးလာကာ ဒဏ်ရာကိုစိုးရိမ်တကြီးလာကြည့်လေတယ်။

Mark!.... Markအဆင်ပြေရဲ့လား......သွေး !....သွေးတွေ....."

သူ့အရှိန်နဲ့သူတစ်ချက်တော့ပူထူသွားပေမယ့် သူ့ဆီစိုးရိမ်တကြီးနဲ့ပြေးလာတဲ့ ကလေးမကြောင့် နေရောင်တစ်ချက်ထဲ ငြိမ်ကျသွားပါသည်။ အငယ်ကကတုန်ကယင် လက်သွယ်သွယ်ကလေးနှစ်ဖက်နဲ့ သူ့မျက်နှာကိုခပ်ဖွဖွကိုင်ပြီး အပူတပြင်းမေးနေရှာတယ်။ မေးနေရင်းကမှ သူ့ကိုငြိမ်ငြိမ်ကြီးကြည့်ပြီး ဘာတစ်ခွန်းမှဟမလာတဲ့ လူကြီးကြောင့် နွေဦးငယ်ရဲ့စိတ်မရှည်မှုက ငယ်ထိပ်ကိုတက်ဆောင့်နေပြီ။ သို့ပေမယ့် ဒီဒေါသကနေရောင့်ဆီ ရောက်ရမယ့်အစား စောနကနေရောင့်ကို ထိုးလိုက်တဲ့သူဆီကိုသာ ထိပ်တိုက်ပြုံပြီး ရောက်ချသွားပါလေတော့သည်။

လူးဝစ်!...ဒါဘာလုပ်လိုက်တာလဲ "

အငယ့်ရဲ့အမေးမှာ လူးဝစ်ဖြေစရာစကားပျောက်ရှနေပါသည်။ သူကိုယ်တိုင်က အငယ့်ခရီးစဉ်အကြောင်းကြားလို့ လိုက်ပို့ပေးဖို့လမ်းတစ်ဝက်ကနေ ပြန်လှည့်လာခဲ့ပေမယ့် ကားပေါ်ကဆင်းဆင်းချင်းမှာတင် အငယ့်လက်ကိုအတင်းဆွဲပြီးခေါ်နေတဲ့ နေရောင့်ကိုမြင်တော့ ဘာမှတောင်မတွေးနိုင်ပဲ ချက်ချင်း ပြေးဝင်လာမိတာမဟုတ်ပါလား။ အခုမှာတော့ သူ့သခင်ရဲ့အော်သံမှာ လူးဝစ်တစ်ယောက် ကြက်သေသေနေခဲ့ပါပြီ။ သူ့ဆီကအဖြေပြန်မလာတဲ့ လူးဝစ်ရဲ့တိတ်ဆိတ်မှုမှာ အငယ်ကအလိုမကျစွာ မျက်မှောင်ကြုတ်တယ်။

Louis ! "

ဟုတ်...ဟုတ်ကဲ့မမလေး"

ငါမေးနေတယ်လေ Markကို ဘာလို့ထိုးလိုက်တာလဲလို့"

မမလေး.....အဆင်မပြေဘူးထင်လို့ပါ။"

လူးဝစ်ရဲ့အဖြေမှာ အငယ်သက်ပြင်းချရင်း ခေါင်းငုံ့လိုက်တယ်။ သူ့ကိုစိတ်ပူပြီးကာကွယ်နေတဲ့ကိုယ်ရံတော်က တကယ်ဆိုMarkကို ထိုးလိုက်တာမမှားဘူးဆိုတာ သူသိနေတာကိုး။ လူးဝစ်ဆိုတာ သူ့သခင်ကိုထိခိုက်လာရင် အမ်းမရက်စ်ကိုတောင် သတ်နိုင်တဲ့သူမျိုးပဲလေ။