~ Breaking the Limit ~
💜 Unicode 💜
နေရောင့်ကို သူဂျာမနီသွားမယ့်အကြောင်းဘယ်လိုပြောရမှန်းမသိတဲ့အငယ်က အခန်းထဲဟိုလျှောက်သည်လျှောက်နဲ့ ခုထိကို မနက်စာမစားရသေးပေ။ ဘေးကလူးဝစ်ဆိုသည်မှာလဲ သူ့မမလေးယောက်ယက်ခပ်နေတာကို ထိုင်ကြည့်နေရတဲ့သူမို့ မှုန်ကုတ်ကုတ်နဲ့ အဆင်ပြေဟန်မပေါ်။
"မမလေး....ထိုင်ရင်လဲထိုင်နေပါတော့လား။"
" မရဘူး။ မထိုင်နိုင်ဘူး။ လူးဝစ် "
" ဗျာ "
" အငယ့်လူကြီးကိုဘယ်လိုပြောရမလဲ။ "
" ဒီတိုင်းပဲ မနေ့ညကလိုပြောလိုက်ပေါ့။ ဆရာ့ကိုတောင် ပြောလိုက်တာလွယ်လွယ်လေးပဲမလား။ သူ့ခမျာသနားပါတယ် တစ်ညလုံးငိုနေမှာ။ "
" Emmကပြောရလွယ်ပေမယ့် လူကြီးကခက်တယ်။ သူစိတ်ဆိုးမှာ။ "
" ဆိုးပါစေပေါ့။ မမလေးကသွားချင်တာကိုး။ "
" လူးဝစ်ကပါ အငယ့်ကိုစိတ်ဆိုးနေတာလား။ "
" မဟုတ်ပါဘူး။ "
" အ့ဆိုဘာလို့မျက်နှာကြီးကို အဲ့လိုပုတ်ထားတာလဲ။ အကြံလေးဘာလေးပေးလေ။ "
" ကျနော်တောင်ဘာလုပ်ရမှန်းမသိတာကို။ "
" အိတ်ပြင်ပြီးပြီလား မနက်ဖြန်သွားရမှာနော်။ "
" ပြင်ပြီးပြီ။ "
" okay ရပြီ။ မစဥ်းစားပေးလဲနေတော့။ "
သူတို့နှစ်ယောက်သားတစ်ယောက်တစ်ထောင့်ဆီ ကပ်ပြီး အကြံထုတ်နေတုန်း အပြင်ကတံခါးဖွင့်သံနဲ့အတူ Emmက တံခါးဝမှာ လာချောင်းလေသည်။
" Emm "
" မနက်စာစားမယ် "
တစ်ခွန်းသာပြောပြီး Emmကပြန်ထွက်သွားတော့ အငယ်ကလူးဝစ်ကိုလှည့်ကြည့်လိုက်တယ်။ လူးဝစ်ကတော့ သက်ပြင်းသာချပြီးခေါင်းခါပြသည်ပေါ့။ သူတို့နှစ်ယောက်သားထမင်းစားခန်းဆီရောက်တော့ Emmက စားပွဲပေါ်မှာထိုင်နှင့်နေပြီ။ အငယ်က Emmမျကိနှာကိုလှည့်ကြည့်လှည့်ကြည့်နဲ့ Emmရှေ့ကခုံမှာဝင်ထိုင်လိုက်လေသည်။ သို့ပေမယ် Emm က သူ့ပန်းကန်ကိုမလာပြီး အငယ့်နားမှာလာထိုင်လေသည်။ ပြီးတော့ ပေါင်မုန့်ဘေးသားတွေဖယ်ပြီး ကျန်တဲ့ပေါင်မုန့်ဖြူဖြူလေးတွေ အငယ့်ပန်းကန်ထဲထည့်ပေးတယ်။ ပြီးတော့ ကြက်ဥကြော်တွေ အသားပြားတွေပါ တစ်ခုစီလိုက်ထည့်ပေးနေလေရဲ့။
YOU ARE READING
မချိုပေမယ့်...မခါးပါဘူး
Romance𝗪𝗵𝗮𝘁 𝗸𝗶𝗻𝗱 𝗼𝗳 𝘁𝗵𝗶𝗻𝗴 𝗶𝘀 𝗰𝗮𝗹𝗹𝗲𝗱 𝗹𝗼𝘃𝗲? 𝗟𝗼𝘃𝗲 𝗶𝘀 𝘀𝘄𝗲𝗲𝘁𝗲𝗿 𝘁𝗵𝗮𝗻 𝗮 𝗰𝘂𝗽 𝗼𝗳 𝗹𝗮𝘁𝘁𝗲 𝗯𝘂𝘁 𝗯𝗶𝘁𝘁𝗲𝗿 𝘁𝗵𝗮𝗻 𝗮 𝘀𝗶𝗽 𝗼𝗳 𝗮𝗺𝗲𝗿𝗶𝗰𝗮𝗻𝗼｡ အချစ်ဆိုတာ လက်တေးတစ်ခွက်ထက်လဲချိုနိုင်ပြီး အမေရိကာနိုတစ်ငုံ...
