မချိုပေမယ့်...မခါးပါဘူး

Chapter 49

~ The Shocking News ~
💜 Unicode 💜

အ....အငယ်!"

ဟင်...."

မိုင်ကအငယ်လေးကိုအလန့်တကြားကြည့်ရင်း ဖုန်းကိုယူကာသေချာပြန်ကြည့်လေသည်။ ပြီးတော့ Nadia ကိုမော့ကြည့်တော့ Nadia ကလည်း သူ့နည်းတူအထိတ်တလန့်နဲ့ ခေါင်းညှိတ်လေသည်။

မမိုင်ဘာဖြစ်လို့လဲ။"

ဟို.....အငယ်....."

အငယ်!"

အထိတ်တလန့်နဲ့မိုင်က အငယ်လေးကိုပြောဖို့ကြံနေတုန်းမှာပဲ အနောက်ကအော်ခေါ်လိုက်တဲ့ ကုဋေရဲ့အသံကြောင့် နှစ်ယောက်သားသူ့ဆီလှည့်ကြည့်မိကြလေသည်။

Veronica...Ms. Zon Lamai..... Nadia သုံးယောက်စလုံး .....ကျုပ်နဲ့ခဏလိုက်ခဲ့ပါ"

အငယ်လေးကဘာမှမသိသေးပေမယ့် Nadiaနဲ့မိုင်က မျက်နှာပျက်ယွင်းစွာပဲ တစ်ယောက်မျက်နှာတစ်ယောက်ကြည့်ကြတယ်။ နေရောင်နဲ့ Gunကတော့ တခြားအဖွဲ့သားတွေနည်းတူ ဘာဖြစ်မှန်းမသိသေးတဲ့သူတွေမို့ ကုဋေနဲ့အငယ်လေးတို့ဘက်ကို ကြောင်အမ်းအမ်းကြည့်နေကြလေသည်။ ဒီအချိန်မှာ အတွေ့အကြုံရင့်နေတဲ့ ဒါရိုက်တာကြီးကတော့ ဖုန်းကိုကမန်းကနန်းဖွင့်ပြီး Twitter ပေါ်ကသတင်းတွေ ကြည့်မိတော့ ချက်ချင်းမျက်နှာပျက်ကာ ငုတ်တုတ်ထိုင်ချလိုက်လေသည််။

အခန်းထဲလိုက်ဝင်သွားတဲ့ သုံးယောက်မှာတော့ အကြောင်းအရင်း မသိသေးတဲ့အငယ်လေးနဲ့ သိပြီးသားနှစ်ယောက်ကိုကြည့်ပြီး ကုဋေကနားထင်ကြောတွေဖိနှိပ်နေတယ်။ ပြီးတော့ သူကြည့်လက်စ လက်ပ်တော့ကိုအငယ်တို့ဘက်ကိုလှည့်ပေးတယ်။ သတင်းကတော့အကြီးစားပါပဲ။ အငယ်လေးရဲ့ပုံလှလှလေးနဲ့ လွန်ခဲ့တဲ့နှစ်နှစ်ကျော်သုံးနှစ်လောက်က နေရောင်လေဆိပ်မှာ ရုပ်ပျက်ဆင်းပျက်ငိုနေတဲ့ပုံရိပ်တွေနဲ့ အငယ်လေးရဲ့ နောက်ထပ်ခပ်ငယ်ငယ်ဝဝတုတ်တုတ်ရုပ်ဆိုးဆိုး ပုံလေးတစ်ပုံသာ။

ခေါင်းစီးကတော့အတော်လေးဖတ်ရခက်စွာပင်။ " ရုပ်ဆိုးအကျည်းတန်တဲ့ အဲ့ဒီမိန်းကလေးက ခွဲစိတ်ပြုပြင်ပြီး သူရက်ရက်စက်စက်ထားခဲ့တဲ့ Mark ဆီ အရှက်မရှိပြန်လာခဲ့တာလား Landon မိသားစုကရော သူတို့ကြားမှာဘယ်လိုပတ်သက်နေတာလဲ၊ Veronica က Landon မိသားစုဝင်ရောဟုတ်ရဲ့လား" ဆိုတဲ့ Landon ဘက်ကအတည်မပြုရသေးတဲ့အချက်အရ အငယ်က Landon မမလေးဟုတ်ရဲ့လားဆိုတဲ့အကြောင်း Mark နဲ့က Ex ဖြစ်နေခဲ့တာလားဆိုတဲ့ ထင်မြင်ချက်တွေနဲ့ တမင်တကာကြီးကို အငယ်လေးကိုဖိနှိပ်ထားတဲ့အရေးအသားတွေသာ။