မချိုပေမယ့်...မခါးပါဘူး

Chapter 53

~ Birthday ~
💜 Unicode 💜

*Song Recommendation*

ဤယနေ့သည် အငယ်လေးရဲ့မွေးနေ့လေးဖြစ်ပါသည်။ သို့ပေမယ့် မနက်အစောကြီးကတည်းက နိုးနေတဲ့သူကတော့ အငယ်လေးမဟုတ် Emeras သာ။ မနေ့ညကတည်းက တံဆိပ်ခေါင်းထုထားတဲ့ စာချုပ်ကိုကိုင်ပြီး သူ့မှာစဥ်းစားစရာများနေလို့ အိပ်မပျော်ခဲ့တာလို့ပြောရင် ပိုမှန်လိမ့်မပေါ့။ သို့ပေမယ့်ဒီမနက်မှာတော့ မအိပ်ထားတဲ့သူတစ်ယောက်နဲ့ပင်မတူ Emeras တစ်ယောက် လှုပ်ရှားတက်ကြွနေသည်။

မနက်အစောကြီး ပရိတ်သတ်တွေပို့လာပေးတဲ့ အငယ်လေးအတွက် ပါဆယ်တွေ လက်ဆောင်တွေ ကိတ်တွေ သူကိုယ်တိုင်ကိုယ်ကျ ပြုံးဖြီးဖြီးနဲ့ လက်ခံယူပြီး အငယ်လေးနိုးရင်စားဖို့ မနက်စာ သူကြိုက်သည့်ထမင်းပေါင်းကို ဘယ်သူတွေရောက်လာနိုင်မှန်းမသိနိုင်တာမို့ ပိုပိုလျှံလျှံချက်ထားမိသည်။ ပေါင်မုန့်မီးကင် ကြက်ဥလိပ် မှာထားတဲ့ Bakery မုန့်အချိုအမျိုးမျိုးနဲ့ ကော်ဖီတွေလည်းကိုယ်တိုင် ပြင်ဆင်နေမိသည်။

မနက် ၉နာရီထိုးမှာ လှေကားရင်းကပြေးဆင်းလာသံလေးကြားတော့ Emeras မီးဖိုခန်းကနေ ထွက်ကြည့်မိသည်။ လက်ဖောင်းဂါဝန်အတို အဝါနုရောင်လေးနဲ့ ဆံပင်အပေါ်တစ်ဆင့်စီးနှောင်ပြီး နောက်ဖဲကြိုးလေးချီနေတဲ့အငယ်လေးက သူ့ကိုတော့မတွေ့သေး။

Happy Birthday သမီးငယ်။ "

အသံကြားလို့ ဖဲကြိုးချီနေရင်းကလှည့်ကြည့်မိတော့ ထမင်းစားခန်းအဝမှာ ခါးလေးထောက်ပြီးရပ်နေတဲ့ သူ့အကိုသာ။ အရပ်ကလန်ကလားနဲ့ ဒီနေ့မှ အေပရွန်အရောင်နုနုလေးကိုလည်းဝတ်လို့ ခန့်ခန့်ကြီးရပ်ကြည့်နေလေရဲ့။

Emm.....ဘယ်တုန်းကနိုးနေတာလဲ"

အငယ်လေးက ဖဲကြိုးတောင်ပြီးအောင်မချည်ပဲ သူ့အကိုဆီပြေးလာပြီးလာဖက်တော့ Emeras က ပြေးလာတဲ့ကလေးငယ်ကို ဆွေ့ခနဲကောက်ချီမြှောက်ထားလေ၏။

အဲ့....Emm...ချချ...အောက်ပြန်ချ...ရှက်စရာကြီး...ကလေးလည်းမဟုတ်တော့ဘဲနဲ့"