".. مــاذا لـــو عــاد معتــذراً .."

part ..11

".. مــاذا لـــو عــاد معتــذراً .."

Part ...11

في القصر ..
رجع سعود ع القصر ودخل فيه بدون حتى ما يسلم مع ان الكل مجتمعين وهو بالاساس من قوة الضيق اللي فيه ما شافهم وطلع بسرعة ع غرفته
الجد : ويش بلاه ابنك ي ام ليث قلنا الولد ذا بيتعدل صاير رجال ومايدري انه يسلم دامه دخل ع البيت
ام ليث : لا ي عمي ويش ذا الكلام بس يمكن مالاحظ وجودنا
الجد : وليه مايلاحظ ويش اللي يشغل باله ..
ابو ليث : انا بشوفه يبه لا تهتم له ولا تضايق حالك ..
البنات دائماً كانوا يحضرون بالجمعات اللي يتهاوشون فيها ع سعود فـ قرروا ينسحبوا بهدؤ..
اما ليث ماكان متواجد بالقصر كان مشغول بموضوع شغله مايبي يضيع وقت مع ان توه واصل من يومين ..

..
طلع ابو ليث ع غرفة سعود ودق الباب لين جاه قوت سعود المكسور
سعود : ممكن اقعد وحدي خلوني ارتاح
ابو ليث : هذا انا ابوك ي ولدي ابي اتكلم معك شوي ..
سعود : تفضل يبه ..
ودخل ابو ليث وسكر وراه الغرفه وسعود اعتدل بجلسته وجلس ابوه بجنبه ..
ابو ليث : ويش فيك يبه طمني عنك ويش بلاك والله اشوفك متكدر وقلبك ضايق
سعود هنا ابتسم بسخريه
سعود : من جد يبه شايفني ضايق
عاد الان بس شفتني دام تأخرت للحين لحتى شفت ولدك ضايق اقول ماعاد في داعي تهتم لي
ابو ليث : ويش ذا الكلام ي ولدي انت تدري اني واقف معك وبصفك رغم جدك ..
بس ي ولدي انت تدري كمان انك غلطان بأشياء كثير
سعود : اي اي سعود الفاشل سعود الغلطان سعود هذا منو اساساً
الله يخليك يبه قفل ع الموضوع ماعاد ابي اتكلم بشيء يكفي تخلوني بحالي ..
هنا ابو ليث انقهر ع حالة ابنه بس ويش يسوي
طلع من الغرفه ونزله لعند ابوه ..
الجد : اي ويش بلاه ولدك.. ؟
ابو ليث : ماعليه شيء غير انه مصدع وماركز ع وجودنا
هنا الجد سكت ماحب يزيد بالكلام لأنه يدري ان نايف يغطي ع ولده سعود ..
..

اما عند ملاك فكانت خلاص ماتقوم من على سنابها تقعد ساعات تشوف بسناب ليث وتشوف صورة وعن حب ملاك لليث نقدر نآمن بالحب من أول نظره ..

..

وبعد يومين والأحداث راكده مع أبطالنا ..
..

عند عزيز بعدما استلم الرسم من ليلى عن طريق ليث قعد يشوف اتقان الرسم وهو مستمتع وسلمه مع المشروع كامل
والكل انبهر من التصميم وقرروا يبوا يوسعوا شغلهم مع الرسام ذا وعزيز جازت له الفكره واساسا هو حابب يقعد يشتغل معاها هو يحس حاله متعلق فيها وبالذات انه يدري انها مهتمه له من قبل يعرفها ..
هنا قرر يرجع للبيت ويكلم اهله انه خلاص يتزوج ..

..

عند رهف اللي كانت تشيك ع اخر تصميم جهزته تبي تسلمه بكره للدكتور فواز وصارت تهتم اكثر عشان ماغيرها يلتفت له الدكتور صارت تحس انها تبي تداوم حتى بيوم الاجازه المهم تشوف الدكتور فواز ..

..

عند ليث بعد ماخلص سهر مع اهله طلع ع غرفته واخذ اللاب تبعه وقعد يشوف اشغاله وتذكر انه مسوي كاميرا ببيته في نيويورك كان مسويها لأنه من حبه في رشا كان بعض احيان يتأخر عليها فكان ينتبه عليها من الكاميرا ويطمن قلبه
وابتسم لمن تذكر الكاميرا ع طول فتح يشوفها بدون ماتنتبه يشوفها ع طبيعتها وشافها منسدحه ع الصوفا وجهاز التحكم بيدها وقاعده تقلب بها القنوات وتشوف الـ تي في .. وكانت لابسه بيجامه اورنج تبرز بياضها كانت قصيره لين فوق الركبه والصدر مفتوح
وليث قاعد يتأملها بكل حب وهو يشوفها طفشانه من القنوات ذي وفجأه دق الباب و رشا راحت تفتح الباب وكان صاحب الطلبيه جاب لها بيتزاء
والشاب انذهل من الحلا اللي امامه وقعد يناظر فيها من تحت لين فوق وهنا ليث جن جنونه كيف تفتح له واهي بذا الشكل كيف
وشافها ما اهتمت واخذت الطلبيه وسكرت البيت وقعدت تأكل
ليث ماتحمل اتصل عليها فيديو
رشا : اهليييين بيبي هلأ لتزكرتني
ليث : انتي ع وطول بالبال ماتغيبين عشان اتذكرك
هنا رشا ابتسمت لكلامه وصارت تكلمه وتأكل بيتزاء
ليث : صحة و عافية حبيبتي اشوفك مسويه طلبيه مرتاحه يعني
رشا : اي بيبي هلأ قبل شوي جاتني البيتزاء وتزكرت لمن كنت انا وانتا نظل نأكل البيتزاء ونشوف لنا شي فيلم
ليث : وحبيبة ليث استقبلت الطلب بذي البيجامة
هنا رشا عرفت لوين بيوصل بكلامه
رشا : ليث(س) ع طول انتا تغيرت علي اكيد انتا بتعرف انو انا هيك حياتي واكيد بستقبل اي احد هيك شو بيفرق يعني ..؟
ليث هنا كاتم غضبه وصابر ويحاول مايعصب
ليث : حبيبتي انا بعيد عنك وتدرين اني اغار عليك اكثر حين ما اكون بقربك كل شيء ما اميزه واحسه غلط..
رشا طبعا ماكانت تدري عن الكاميرا في البيت
رشا : اوك حياتو خلاص لا تعتل هم بحبك أنا
ليث : أموووت فيكك ي حياتي انا يلا فمان الله ..
وسكر الجوال وحده متضايق من تصرفاتها الغير مباليه رجع يكمل شغله ..