".. مــاذا لـــو عــاد معتــذراً .."

part ..39

".. مــاذا لـــو عــاد معتــذراً .."

Part ..39

(حبيبي ما عليك من الزعل هذاك
أنا يوميا أرقب صوتك الشاكي .
ولا تقول الزمن نساني و نساك شدراك ؟
وحبك فالضلوع العوج متراكي .
أحبك قد ما وصف الحزن آذاك
و أحبك لا ضحكت ب ضحكه الباكي .
و أحبك لا نطقت أحبك بإرباك
مع إني عارف إنك قاصد . . إرباكي .
ملكتك لأني أحبك بدون إدراك
و أنا ما أداني أحد يقرب أملاكي .
عسى الله لا يبيح ل مبعد خلاك
لا جئته و أنت من ما فيك متباكي . .)

..

في القصر ..
بعدما ودعوا فواز وطلع من القصر
دخل الجد وابوليث وليث وسعود ع القصر والكل منتظر يبي يعرف اللي صار ..
الجد ناظر في رهف ورهف منزله راسها ..
الجد : رهف ي بنتي, والله اني عشانك وافقت ..
رهف بفرح : شنووووو
ليث وهو مبتسم : جدي وافق ي رهف وان شاء الله الملكة الاسبوع الجاي ..
هنا ملاك فزت : وشوووو والله ابد مايمدينا ..
ليث : اذا العروس يمديها انتي ويش عليك ..؟
رهف : الا عاد يمدينا ويش يصير
سعود : باين يمديك ماقلنا شيء ههههه
رهف ركزت ع حالها وانحرجت ..
هنا ابو ليث تدخل ..
ابو ليث : ان شاء الله بنشوفه رجال عند كلمته او عقبها مابيصير خير ..
سعود : يبه خلاص ..
رهف : ويش تقصد ي عمي ..؟
ابو ليث : اقصد حنا طرحنا عليه شرط وهو يقول انه موافق وان شاء الله يكون عند كلمته ..
رهف : ويش من شرط فهمني ..
ابو ليث : انه مستحيل يفكر حتى يدور ع اهله وحتى لو اهله هم اللي يلقوه ويبوه هو يرفض ..
رهف دمعت عينها : وهو وافق ..
الجد : اي وافق ..
رهف : انتوا من كل عقلكم طلبوا هالشرط ..انتوا ماسويتوا احترام لكبركم ي عائلة عبدالله ال .....
انا ويش اللي اقوله عنكم, ويش اقول غير الله يرحمك يبه, ليتك ماخذنا معك كان احسن ..
ابو ليث : هذا جزاتنا عشان وافقنا ع اللي تبيه ..
رهف : كمل كمل وقول وافقنا عليه تحت وضع الشروط اللي عيب نتكلم فيها ..
الجد : خلاص ي بنتي صار اللي صار ..
رهف : ماقول غير الله لا يحطكم بكذه موقف بالاول والاخير انتوا اهلي ..
ومشت من جنبهم وهي مقهوره من تصرفهم ..
ملاك وهبه طلعوا وراها ..
منيرة : والله رهف بتقلب علينا كلنا ..
سعود : ويش تتوقعون في احد يحط كذه شرط ..
وطلعوا ليث وسعود بعد غرفهم ..

الجد : ام ليث ومنيرة ابي افخم ملكة هذي بنت المرحوم يكفينا الكلام اللي جانا منها, ما ابي ينقص عليها شيء ما ابي تفكر بشيء ويكون موب موجود, وخلوها ع راحتها تعمل اللي تبي تمام ..
..

عند رهف كانت معاها ملاك وهبه ..
ملاك : رهف اتركي كل شيء ع جنب المهم بالاخير اخذتي اللي تبيه ..
رهف : الحين ويش تتوقعون اكيد فواز متضايق مني بعد ..
هبه : مستحيل بعدها شوفي شقد حبه لك وافق ع شرط ما احد يقبل فيه ..
رهف : والله حاسه قلبي موجوع عليه ..
ملاك : خلينا من قلبك, الاسبوع الجاي الملكة والله الوقت مرررره قليل
رهف : ادري بس اهلي ماينوثق فيهم لو بأجل الملكة يمكن يخربوها ..
هبه : اي والله عمي مدري ويش فيه ع فواز ..
رهف : عشان كذه بسوي هالملكة مثل العرس بعلمهم كيف يسووا كذه شروط ..