".. مــاذا لـــو عــاد معتــذراً .."

part ..29

".. مــاذا لـــو عــاد معتــذراً .."

Part ..29

(طيفك يحاصرني مع كل اتجاه
يا أجمل مواضيع القصيد ولبها
شفت لا قالوا تحب الحياة
اتخيلك واقول اي والله أحبها ..)

..

بعدما خلصت رنا كل تجهيزاتها هنا رهف طلبت من المصوره عشان تجي تأخذ لها صور قبل تطلع للمعازيم ..
بعدها جاءت امها وطلبتها تنزل ..
كانت رنا تحفة من الجمال والرقي
كانت بفستانها البنفسجي الغامق اللي زاد من حلاها اللي كان بتصميم راقي وكيوت
كان فستانها ماسك ع جسمها ومظهر مفاتنها بطريقة عذبه ..
كانت تنزل ع الدرج وكلها ورد
لأن سعود يقول ( الورد مايطلع من الورد) 
كان كل شيء خيال ومبالغ فيه
والفنانه جاب لها الفنانه اللي تحبها (......) ما استخسر عليها بشيء
كان كل من شافها يقول ي حظها بسعود ..
..
عند الرجال الضيافه اللي ما وقفت
هنا وصل المملك مع انه ماتأخر بس بالنسبه لسعود تأخر عليه ..
وهنا سعود قرب يده من يد عمه ابو صالح ويد المملك ..
كان المملك يلقن ابو صالح بتفاصيل الملكه وهو يقول وراه بعدها يلقن سعود اللي كان يرد وراه نعم بس كان رد قلبه اقوى بكثيييير
نعم قبلت بها ولن اقبل بغيرها
نعم قبلت بها زوجة ابديه
نعم قبلت بها لأربع مرات فهي شرع الله لي الاربع
نعم قبلت بها حباً وعشقاً وغراماً
نعم قبلت بها بكل عيوبها قبل مزاياها
نعم قبلت بها شريكتاً لي ولقلبي ولعمري المتبقي
نعم قبلت بها لتكمل ديني ودنياي
نعم قبلت بها نبضاً لقلبي ونوراً لعيناي ..

وهنا خلصوا التمليك واخذ سعود القلم بلهفه يبي يوقع وفعلا وقع والكل صار يبارك له والابتسامه مافارقته ابد..
واخذ صالح الكتاب و وداه لأخته عشان توقع
واخيرا هنا نقدر نقول

رنـــــا حـــــرم سعــــــود ..

ورهف والبنات قاموا يرقصون وكل وحده طالعه احلا من الثانيه
و رنا هنا بتتجهز تروح ع الغرفه اللي مجهزها سعود عشان بيشوفها فيه ..

..
عند الرجال كان ابو صقر وصقر و ابو حمدان وحمدان وابو عزيز وسالم من الحضور طبعا
كان واقف ليث وسعود جنب بعض
والجد قريب منهم
راح ابو صقر يسلم ع سعود وجنبه ليث
ابو صقر : مبروك ي سعود والله يجعل افراحكم عامره ..
ورجع مد يده يسلم ع ليث وكل ذا تحت انظار الجد ..
ابو صقر : ويش ياليث موب المفروض انت الكبير كان جدك يزوجك بالاول ..
ليث : ومن قالك ي عمي ابو صقر ان الزواج لازم يكون بترتيب العمر
ابو صقر : يمكن انتوا ماتحسبوه بالعمر غير انه يمكن تحسبوه ترتيب مقامات ..
ليث : ويش تقصد بكلامك ويش فيه مقامي ..
هنا ضرب الجد بعصاه وتقدم لهم وسلم ع ابو صقر ..
الجد : ويش عندك ي ابو صقر ليه ماتجي تجلس معانا
ابو صقر : ماغير حبيت اسلم ع سعود وليث ..
وهنا جاء صقر سلم عليهم
صقر : ليث والله انت بعد عريس اليوم لو تطلع تسوي لك لفة بها المدينه بتطيح قلوب الملايين
ليث هنا ضحك وهو فعلا يطيح القلب بحلاه
ابو صقر : اي ماشاء الله ليث وسعود بعد
اللي يشوف قامتكم يعرف انكم اخوان
بس ملامحكم بعيده عن بعض
الجد : اقول ي ابو صقر ويش تبي ..؟
كان ليث وسعود وحتى صقر مايفهمون ويش الكلام ذا ..
ابو صقر رفع يده : سلامتك
واخذ صقر وطلعوا ..

هنا ليث حس حاله تضايق بس طنش الموضوع
وسعود تجهز خلاص اخيرا بيروح يشوف حبيبته اخيرا صارت حلاله ويش السعادة ويش الفرحة اللي طالما قعد يحلم بيها

وصل للغرفة اللي كانت مجهزه بديكور ملكي والورود بكل مكان فيها
وقعد ينتظر حياة روحه دفى قلبه
                      رنا

ع شوي و سعود واقف رفع راسه ع دخلت الاميرة الفاتنة لقلب سعود ودخل معاها صالح
صالح : الحين عادي اجلس ..؟ههههه
سعود : اقلب وجهك موب فاضي لك هههه
وهنا طلع صالح وسكر معاها الباب
وسعود اللي منذهل ومفتون باللي امامه ورنا منزله راسها من الخجل ,وكل الفرح محتويها ..
سعود قرب منها ورفع راسها وباس جبينها , سعود :
يا مساء هالليل يا عطر ودخون
يا غرام الحب يا احلى العمر
يا عبير الورد يا غيم ومزون
يااصدق ابيات القوافي والشعر

سعود : تذكرين انا ويش قلت لك حين كفيتي وقطعتي تواصليني
قلت لك ماغير منك الوصل ومني الوفاء..
وأنا اليوم بكل فخر أعلن وفاي لحبي .. والله اني أحبك ..
هنا رنا جمعت كل شجاعتها ..
رنا : والله اني امووووت فيكككك,  ونزلت راسها بخجل
هنا سعود ذاب فيها اكثر وبكلامها وبصوتها وحركاتها
سعود : الفاتنة اللي على الدنيا مشت
كن ما به مثلها احدن مشى
الكلام العذب لا منها حكت
من حلاته فز قلبي وانتشى
سعود : ويش عاد بتسوي بمملوحك يالفاتنة ..؟
وماخلص كلامه الا وصالح فات عليهم
سعود : ي بزر انت ليه داخل علينا ويش تبي فينا ..؟
صالح : انت من صدقك اقول اطلع اطلع ابوي والرجال وجدك يقولون وينك ..؟ههههه
سعود : الله ي سعود اللي الكل اليوم بيصير يحتريك

سعود : بستأذنك بطلع ي روح سعود ..
ورنا ساكته ماقدرت عاد تنطق ..

وهنا فعلا طلع سعود وهو يتمنى يتوطى ببطن صالح اللي قطع عليه لحظته ..

وطلع للرجال وهنا الكل بدأ يرجع ع بيته
..

في القصر ..
الجد كان حده ضايق عشان كذه طلع ع غرفته ماقعد مع البقية

والكل من التعب راح ع غرفته يرتاح وينام

اما سعود تعتبر اول ليلة بينام فيها بكل هالراحه والسعادة ومايبي يدق ولا يرسل ع رنا مايبها تسهر فوق تعبها اليوم
وهو بعد تاعب بالحيل ..
..
والبنات بعد راحوا ناموا ع طول ..

..

اما عند ملاك اللي كانت بعد منسدحه بسريرها وتتذكر ليث اللي صورته مافارقتها وتتذكره حين كلمها وقلبها يرفرف من الحب بعدها قررت ترسل عليه ..
ملاك ( طيفك يحاصرني مع كل اتجاه
يا أجمل مواضيع القصيد ولبها
شفت لا قالوا تحب الحياة
اتخيلك واقول اي والله أحبها .. )
وابتسمت وحضنت جوالها ع صورته ونامت ..

..

عند ليث اللي كان منسدح يفكر بفرحة سعود ويرجع يفكر بوضعه مع رشا ع شوي وصلته رساله وابتسم ..
ملاك ( طيفك يحاصرني مع كل اتجاه
يا أجمل مواضيع القصيد ولبها
شفت لا قالوا تحب الحياة
اتخيلك واقول اي والله أحبها .. )
هنا ليث قعد يبتسم ويعيد ويقرأ بهالرساله وعاجبه الوضع
وبعد تفكير قرر يرد عليها ..
وارسل لها .. بعدها قفل ونام ..

..

يتبع ...