".. مــاذا لـــو عــاد معتــذراً .."
Part ..57
(..وداعـاً ي أجمل أحلامي ..
وداعـاً ي نصف ديني ..
وداعـاً ي اللي كنت أحلم على اسمي يحطونك ..
لـو إن الوقت عادل والحياة بصدق تعطيني ..
مـاكنت أحبك بعمــري وإلى غيري يزفونك ..
ي أنثى من قبل لا أرحل أبي كلمة تقديني ..
سؤالي ماعرفت ألقى جوابه داخل عيونك ..
مـادام إن العمر مرة وأشوفك عمري بعيني ..
دخيلك بس قولي شسوي بعمري من دونك ...!!؟ )
..
في بيت ابو ملاك ..
بندر : عمي انا نفذت اللي تبونه وانتظرت تخلص امتحانات والحين خلاص ابي اصير معرس ماعاد له داعي نأخر اكثر ..
ابو ملاك : ايييه ي ملاك والله موب هاين علي طلعتها من البيت بس ويش نسوي ذا حال كل بنت ..
منيرة : يعني ما بننتظر ولد اخوي يصحى ..؟
بندر : ي خالتي ولد اخوك ماندري عنه متى بيصحى الحين مروا شهرين وشوي وماصحى..
منيرة : اي والله ادري, اجل الله يقدم لكم اللي فيه الخير ..
بندر : اجل تقدرين من اليوم تاخذين ملاك تتسوق اللي تبي عشاني ابي اخذها لي حلالي و زوجتي الخميس الجاي ..
منيرة : بها السرعه ..؟
بندر : خالتي انا عشانك وعشان ولد اخوك, قررت انا وملاك انه مانبي عرس, يكفي ملاك تلبس لي الابيض وما ابي شيء..
ابو ملاك : اجل بنسوي عزيمة عشاء للأهل نفرح وحيدتنا شوي ..
منيرة : خير ان شاء الله ..
..
وطلع بندر راح دق ع غرفة ملاك ..
ملاك : انا نايمه ..
بندر : احب النايم الصاحي, افتحي ابي اكلمك بموضوع ..
ملاك : بكره تكلمني الحين نايمه ..
بندر : ملاك لا تعصبيني اقول افتحي ..
هنا ملاك عصبت منه بس ما اهتمت له وما وافقت تفتح الباب..
وهنا بندر تفشل ومشى ..
منيرة : ها ولدي علمتها ..؟
بندر : لا اصلا دقيت وهي ما ردت قلت يمكن تكون نايمه وما احب ازعجها..
ابو ليث : اي كفو ولد اخوي انا واثق فيك بتهتم ببنتي ..
..
في ديرة الشيخ فارع ..
دخل الشيخ ع غرفة فواز ..
الشيخ : ولدي ابي اعلمك بموضوع ..
فواز : قول ويش عندك ..؟
الشيخ : انا ي ولدي كل اللي لسويه ابي اغير وضعك ..
فواز : اقول انا الحين بالسجن الانفرادي, معقوله في سجن انفرادي اكثر ما ادري عنه ..؟!
الشيخ : فواز اسمعني وخلي عنك الهبال ..
انا طول هالشهرين اللي مروا وانا قاعد اهتم بهويتك, وما ابي احد ينقص من حقك او يغلط عليك ..
فواز : العفو منك ي شيخ محد منقص حقي وغلط علي غيركم, فقط حبيت اصحح لك هالمعلومه ..
الشيخ : مابلومك بأي شيء بتقوله ومعك حق ..
بس مثل ماقلت لك من قبل لو اني خليتك معانا او حتى قريب مننا كان ابوك ذابحك ..
فواز : اول شيء طال عمرك يالشيخ قول مشعل ولا تقول لي ابوك, انا ماعندي اب ..
وثاني شيء ويش تبي الحين قول اللي عندك ..
الشيخ : ابي اعترف فيك بين الخلايق ..
فواز : لاااااا ذا شيء كبير انت ماتقدر عليه, كذه بتطيح مشيختك انتبه عاد ..
الشيخ : وبكره بعلن لكل هالديره انك حفيدي ..
فواز وعينه تدمع : وبتقدر تقول هذا حفيدي ولد حرام ..
الشيخ : وتحسبني بخلي احد ينطق عليك كذه كلام ..
انا ي ولدي عشانك قبل 25 سنه رحت لناس اعرفهم ولهم كلمتهم بين العربان وعلمتهم ان لي حفيدي ضايع وفقدنا اثره وفي من يقول انه شافوه غرق وهو صغير بعمر السنتين ..
وبذاك الوقت نشرت الكلام ذا بدون ابوك يعرف, ودورنا عليك وهم مستحيل يلقوك اساسا بس حطيت هالفكره بدماغهم عشان حين ارجعك ما احد بنطق عليك حرف ..
فواز يصفق : انت اخوالك ممثلين ..؟
الشيخ : ويش تقصد ..؟
فواز : لا بس ماشاء الله تفاجأت بخططك , وتمثيلك عليهم ..
طيب وبعدها بيسألوك عن ام هالرجال ويش بتقول ..؟
الشيخ : مثل ماقلت لهم من قبل, امه تطلقت وما قدرت تعيش مع ولدي بسبب اطباعه الموب زينه ..
فواز : الحين علمني ويش تبي مني بالضبط ..؟
الشيخ : قلت لك ابي اطلعك معاي واعترف فيك قدام كل الناس ..
فواز : ومن قالك اني موافق ع هالشيء.. ؟
الشيخ : وليه ماتوافق ..؟
فواز : بغض النظر عن كل اللي سويتوه معاي, انا موب مستعد اخسر زوجتي ..
انا عطيتهم وعدي اني ما اعترف فيكم وانا بكون وافي فيه ..
الشيخ : يعني كله عشان اهل زوجتك ما بتقبل فينا ..
فواز : نعم زوجتي هي كل هلي وناسي وهي الاهم بحياتي ..
أنت تقرأ
".. مــاذا لـــو عــاد معتــذراً .."
Mystery / Thriller".. مــاذا لـــو عــاد معتــذراً .." أول رواية لي .. للكاتبة : غيوم .. في من يقول .. نخطي ويخطى علينا والخطأ حاصل وإن ما عذرنا بعضنا ما تصافينا دام الخطأ ياصل أكيد العذر ياصل وش عذرنا عند ربي لو تجافينا إن مافصلنا الجفا عن حده الفاصل والله ليضحك بنا...
