".. مــاذا لـــو عــاد معتــذراً .."
Part 2...
طلعت هبه ورا جدها بشويش ومتلعثمه ماتدري ويش تقول عشان تغير مود جدها بس قررت انها تسكت أحسن ماتزيد تخربها
الجد : هبه تعالي ي بنيتي ويش فيك قاعده عند الباب الهواش اللي يصير بالبيت انتي واختك مالكم شغل فيه
هبه : ادري ي جدي بس مابيك تزعل من سعود تراه والله يعزك ويغليك
هنا الجد نظر لـ هبه نظره مافهمتها ابداً
بس حست انها غلطت بالكلام او يمكن ماكان لازم تدافع عن سعود قدام جدها
نزلت عيونها وصارت تفرك يداتها
هنا الجد لاحظ عليها وحب يغير الموضوع وقال
الجد : اقول ي بنيتي افتحي لي هالاب ودقي لي ع ولد عمك ليث
ما احد يسليني غيره
اي صدق اللي قال ما اغلا من الولد إلا ولد الولد
هنا فزت هبه ع طول وراحت تفتح لجدها اللاب ودقت اتصال فيديو لـ ليث
تن تن تن وهنا ع انتظارهم جاهم الصوت الرجولي الحاد والثابت مع الصوره اللي تشرح القلب وترد الروح للجد
وخرت هبه عن اللاب وطلعت من الغرفه وتركت جدها مع الحفيد المحبوب
ليث : اقول ويش بلاها يومي مضوي بذي الطريقة مادريت إن جدي بيكلمني اليوم
الجد : ي عسى ايامك كلها مضويه ي عساك انت ضي لعيوني ي ليث
ليث : ي عسانا فداك ي جدي الله يخليك لنا
الجد : علمني عنك شخبارك شعلومك ويش اللي مسويه ومتى ناوي تحن ع جدك وابوك وامك وترجع ع ارضك وبلدك
ليث : والله ي جدي العلوم زينه وكل شيء ماشي معاي تمام وحفيدك دكتور تفتخر فيه
بس ي جدي انت تدري عني مرتاح بذي البلاد وحياتي ماشيه فيها تمام يعني حتى لو جيت بتكون زيارة قصيرة وراجع
الجد : شوف ي وليدي انا من زمان ساكت وراضي باللي تريده وانت تدري اني ما ارد لك طلب
بس لهنا يكفي انت لازم ترجع وانت تدري انا قادر اوظفك بأكبر مستشفى هنا
هنا ليث ماعاد عرف ويش يقول
جده عاطيه كل رفاهيات الحياة ومخليه ع مواله يمشي بس كمان ليث ما يقدر يترك المكان اللي تعود عليه واللي انأخذ قلبه فيه ..
ليث : جدي اعذرني بس ينادوني يبوني في حالة طارئة
الجد : معذور معذور بس لنا كلام
يلا الله معك
ليث : الله معك
هنا ليث حب يسكر من جده عن قصد لأنه مايدري كيف يقنع جده او كيف لازم يتصرف ..
..
عند سعود اللي كان يمشي بسيارته ومايدري وجهته وين غير انه يريد يفتك من هواش جده ومن المشاكل اللي صايرة معاه
هنا ابتسم ع الخفيف وهو يتذكر نصفه الثاني ع طول دق عليها يدري مافي غيرها بتريح ع قلبه وبتنسيه ضيقه وتعبه وظل ينتظرها ترد بس بدون جدوى
سكر الجوال وهو يحط لها عذر انها يمكن لسا ماصحت
هنا شغل الـ MB3 تبع سيارته وحطها ع اغنيته لـ راشد الماجد اللي يحس انها تعبر عن حاله وانفتحت ع المقطع اللي يقول :
الشقا آه يا قلب الشقا
يا ما دوّر ما لقى الأحباب
ما لقى غير نارٍ تحرقه
نار غربه و نارٍ حزن غياب
لي متى يا قلب خايف
ترتجف خلف الشفايف
ما كفاك تعيش ساكت
بين هالجدران
هنا ظل يمشي لين صار خارج المدينه اللي اهو فيها وسكر جواله ع الاخير يبي يرتاح وينسي همومه لكن طبعا سوا قبلها رساله لـ امه عشان يطمنها عليه بعدها قفل جواله ..
ونزل ع اقرب فندق ودخل ع غرفته ورمى جواله واغراضه ورمى بحاله ع السرير و راح في نومه ..
أنت تقرأ
".. مــاذا لـــو عــاد معتــذراً .."
Mystery / Thriller".. مــاذا لـــو عــاد معتــذراً .." أول رواية لي .. للكاتبة : غيوم .. في من يقول .. نخطي ويخطى علينا والخطأ حاصل وإن ما عذرنا بعضنا ما تصافينا دام الخطأ ياصل أكيد العذر ياصل وش عذرنا عند ربي لو تجافينا إن مافصلنا الجفا عن حده الفاصل والله ليضحك بنا...
