".. مــاذا لـــو عــاد معتــذراً .."

part.. 3

".. مــاذا لـــو عــاد معتــذراً .."

Part 3...

في الويكند في بيت الجد تحديداً..
بعدما خلصوا يفطروا والكل ساكت بدون اي كلام خوفاً ان الجد يفتح موضوع سعود
بس الجد قرر يسكت ومايتكلم لين يشوف ابنه وزوجته ويش بيسووا
والقرار اللي بباله قاعد يكبر ويثبت ..

شوي وسانيتا تفتح الباب ..
سانيتا : هذي ماما منيرة يجي ..
منيرة : وين الكل داخل
سانيتا : اي ماما بابا الكل في داخل
انتي ادخل انا اجيب اغراض
منيرة : اي تمام يلا تعالي ملاك
دخلت منيرة وملاك وراحت تسلم ع ابوها واخوها وزوجته والبنات
وكمان ملاك راحت تسلم ع جدها وتتميلح لجدها
ملاك : انت ي جدي ماتقول حلاوى العائلة وينها وتمثل زعل وتمد بوزها
الجد : ههههه والله هذي الحلاوى الان صارت عندي

الكل ضحك.. ملاك حبوبه وتحب العائله وتحب بيت جدها
رجعت ملاك سلمت ع خالها و زوجة خالها وراحت ركض للبنات
ملاك: ها ما اشتقتوا لي
البنات بصوت واحد : لاااااا هههههههه وكملوها ضحك وكلام
واخذوا حالهم وطلعوا جناحهم
ومابقي غير الجد ونايف وزوجته ومنيرة..
منيرة : علامك يبه فيك شيء
ام ليث : بسم الله ع عمي ويش بيه مافيه غير السلامة
منيرة : لا والله وكاد انه في شيء ولفت ع نايف شافته منزل رأسه وهنا حست ونقول عرفت إنها السالفة أكيد تخص سعود
الجد : خلي كل شيء بوقته زين ي بنيتي خلي الوضع راكد لين نشوف وين بيوصل هالرجال وزوجته مع ابنهم
هنا منيرة ماحبت تعبث بالموضوع اكثر وحاولت تغير الموضوع
وتقول : والله ابو ملاك كان وده يجي ويسلم عليك يبه بس اشغاله كثير
الجد : ماعليه ي بنتي الله يكون في عونه ..

..
عند البنات اجتمعوا بغرفة رهف ومقضينها سوالف وضحك لين وصلوا بالاخير لموضوع سعود وعرفت ملاك السالفة منهم
وكل البنات زعلانيين ع حالة سعود
..

في بيت ابو حمدان ..
بعدما خلصوا عشاء نهى وحمدان كالعادة هواش وضحك وابو حمدان وام حمدان سهرانيين ع اصواتهم وهبالهم بعدها الكل توجه لغرفته للنوم ..
عند نهى اللي كانت تطقطق بجوالها وفكرت تدخل ع سناب حسين تتصفح وتشوف صوره وكل شوي تشوف صورة لحسين وتبتسم بكل حب بعدها ركزت انه موجود ع السناب فقررت ترسل عليه ..
نهى : سلام
وسكرت الجوال بدون ماتزيد عليها اي كلمة فكرت انها تنتظر رده بالاول ..
بعدها انسدحت ع السرير ونامت ..
..

عند حسين بعدما راجع المخططات اللي معاه وتواصل مع عزيز يتفق معاه ع بقية المشروع اللي يشتغلوا عليه
رجع اخذ جواله ويطقطق فيه ويرد ع رسائل السناب
وفجأه وصلته رسالة محتواها ..سلام..
قعد يناظر بصفحة المرسل والباين عليها انها صفحة سناب بنت
قرر انه مايرد لين المرسل يرسل من جديد
بعدها رجع يشيك من جديد ع مخططه وينام بعدها..

..
عند عزيز اللي كان توه يخلص مكالمته مع حسين
وع صوت امه تجيب تطل عليه وتشوف ابنها قبل تنام
ام عزيز : يمه اشوفك متعب حالك بالحيل هاليومين
عزيز : اي والله يمه بس ويش نسوي المشروع ذا مهم ولازم ننجح فيه انا وحسين
ام عزيز : ادري يمه بس ابيك تنتبه ع حالك وتخف ع نفسك شوي
قام عزيز وجلس جنب امه وباس ع راسها
عزيز : انتي يمه بس كوني بخير انتي وابوي واخواني والباقي مسهول عليه
ام عزيز : حضنت عزيز وتدعي له ربي يوفقك ويسهلك وطلعت من غرفته ورجعت تطل ع ندى وسالم وشافتهم نايمين رجعت راحت ع غرفتها وانسدحت جنب ابو عزيز وناموا ..
وعند عزيز بعدما اخذ شور ولبس بيجامته وجهز حاله عشان ينام فجأه تذكر الشخص اللي راسمه
ورجع اخذ جواله ويحاول يبحث عن الشخص ذا
بس مالقى شيء بعدها استسلم ونام
..