".. مــاذا لـــو عــاد معتــذراً .."

part ..28

".. مــاذا لـــو عــاد معتــذراً .."

Part ..28

(تباهي وغني واضحكي ولا يهمك شيء
لا مالت ظروفك فيك لك من يعدلها
بتلقين لك في جوف قلبك براد وفي
هنا منزلك والناس تعرف منازلها
ماتقدر تزعلك الليالي وراسي حي
وان تزعلك سود الليالي ...بزعلها.. )

..
قبل ملكة سعود بيوم ..

رنا تبكي وتبغى تجن وتتهاوش مع المصممة
رنا : مافي شيء اسمه بالغلط ويش قاعده تقولين ..
المصممة وبنفس الوقت الخياطة :
والله انا ما اقدر الحين اسوي لك شيء
رنا : بس ملكتي بكره ما اقدر كيف بطلع بين الناس ..
المصممة : انا برجع لك كامل فلوسك وانتي شوفي لك حل غيرنا ..
هنا رنا خلاص حست حالها بتطيح والدمع ما وقف بعيونها وامها تحاول تهدي فيها ..

ومن خلف الستار كان في أحد يشوف وهو مبتسم ومرتاح للشيء اللي قاعد يصير اللي هو بالأساس سببه..

طبعا رنا كانت متفقه مع رهف انها تجي معاها يأخذون فستان الملكة ..
بس رهف تأخرت شوي ..
وع شوي رهف وصلت ..
رهف ركضت اول ماشافت حالة رنا
رهف : خير خير عسى ماشر
رنا : الحقيني ي رهف الناس ذي بتجنني ..
رهف : هدي شوي وعلميني ويش اللي صاير ..؟
ام رنا شرحت لرهف كل اللي صار ..
رهف : وشوووو ع كيفهم يعني
رهف : الان ابي تجيبوا لي صاحب المحل
المصممة : انا صاحبة المحل ..
رهف : الحين بتفهمينا ويش اللي قاعد يصير لين امس وانتي تقولين لرنا فستانها جاهز ويش اللي تغير ..
المصممة : والله انا قلت كلامي والفستان موب جاهز ابدا ومابنقدر نلحق عليه لين بكره عشان كذه خذوا فلوسكم وشوفوا غيرنا ..
رنا : الله لا يوفقك ويش اللي قالبك ويش اللي تغير من امس
ودخلت رنا بنوبة بكاء وضيق لين طاحت دايخه ع الارض ..
ام رنا : بنيتي بنيتي الحقوها
و رهف والكل حاول يصحي فيها بس مافي فايدة

..
سعود اللي ماكان يدري ليش الضيق عليه مع انه بكره خلاص يوم ملكته اليوم اللي ياما انتظره..
قرر يتصل ع رهف يغير جوه يسألها ع رنا .. وع طول جاه صوت رهف المفزوع ..
رهف : سعود الحقنا ي سعود .. رنا طاحت علينا وعلمته بالموضوع ..
وحنا الحين بنوديها المشفى بروح معاهم

سعود هنا كأن احد كب عليه مويه بارده وموب مستوعب اللي صاير

ركض ع طول وركب سيارته و راح ع المشفى اللي كلمته عنها رهف ..

وصل سعود للمشفى وكانت رنا خلاص فاقت وهاديه وساكنه وامها ورهف جنبها

اول ماوصل سعود, دق سعود ع رهف ورهف طلعت له
سعود : طمنيني كيفها رنا ..؟
رهف : تطمن الحين صارت بخير, بس حدها مقهوره وضايقه عشان سالفة الفستان..
سعود : طيب متى بتطلعون من المشفى؟
رهف : الحين طالعين,  اقول انت روح مافي داعي ام رنا تشوفك وبكرة الملكة
سعود : انا طالع, بس ما اوصيك ع رنا واذا صار شيء علميني ..