".. مــاذا لـــو عــاد معتــذراً .."

part ..4

".. مــاذا لـــو عــاد معتــذراً .."

Part 4...

قاطعهم صوت حاد ومرتخي وكل البرود عليه ..
والكل انصدم وتفاجئ لمن شافوه ..
سعود : هذاني ي جدي رجعت بس موب عشان تهديدك ولا بعشان خوف منك
مير انه احترام لك نعم
وبنفس الوقت انتوا كلكم بتحترموا قراري ..
الكل منصدم من قوة سعود بكلامه مع جده ..
الجد : ويش اللي نحنا موب محترمينه علمنا
ويش اللي منقصه عليك
كل اللي بعمرك يتمنوا يكون لهم ساعة فقط من الحياة اللي انت عايشها
سعود : ابتسم بسخريه لا والله موب احد يبي يعيش اللي اعيشه ولا دقيقه ..
نايف : قفل حلقك ويش قاعد تقول يبه تكلم زين مع جدك..
الجد : اقول ي نايف لو انك مربيه من قبل ماكنا وصلنا لحد هنا
بس ابشر علمنا بقرارك مير ندري كيف بنحترمه
سعود : اتمنى الكل يسمعني ومايعارضني ..
قررت بتزوج وبطلع من الحكم تبعكم يعني بفتح لي بيت خاص فيني وبأسس حياتي بدون ما أوجع رأس احد ..

الكل بدأ يطالع في سعود ماتوقعوا ان كل همه الزواج ..

الجد : الزواج مقدور عليه ولو قايل لنا من قبل كان خلينا امك تشوف لك بنت زينه وتناسبنا
ماهي بمشكله
بس انك تطلع برا القصر وبوجودي هذي اللي ماينحكى فيها ي ولد نايف ..
سعود : لا ي جدي انت موب فاهمني زين
ابي اتزوج اي بس بتزوج البنت اللي ابيها
هنا الجد لف ع البنات واشر للبنات يطلعون غرفهم
ولف ع نايف وقال : اسمع ي ولدي علم ابنك ان بنات عمه بالبيت وموب رايح اجيب غريبه وحفيدتي موجوده
قاطعه سعود : ويش تقول ي جدي مستحيل بنات عمي بحسبة ليلى مستحيل ما اقدر ..
الجد : ويش اللي بحسبة ليلى اسمع وافهمني زين انا موب ناوي اطلع حفيداتي بعيد عني ذولا ايتام وماعندهم احد غيرنا واللي يرميهم بوردة برمية بشوكة
ام ليث صح تحب رهف وهبه وماعندها مشكله ابنها يتزوج وحده فيهن بس كمان ماتبي تجبر ولدها ع شيء مايبيه
ام ليث : تكفى ي عمي هذا كمان حفيدك لا تقسي قلبك عليه يمكن يبي بنت محددها قلبه
نايف : يبه انت تدري ان بنات اخوي بحسبة بناتي بس يمكن العيال مايبون بعض يمكن حتى البنات يشوفون سعود بحسبة اخوهن
الجد : خلاص يكفي هذاني قلت اللي عندي وانتوا تدرون فيني ماني بمغير كلامي وماني بمهتم بنقاش احد ..
وضرب ع الارض بعصاه وتركهم كلهم وطلع ع غرفته
هنا ام ليث راحت تحضن ولدها وتهديه والشر كله بعيون سعود
ونايف بعد مقهور ومايدري كيف بيوقف بين ابوه وابنه
تركهم سعود وطلع ع غرفته
وابو ليث وام ليث بعد نقاش طويل ما استفادوا منه شيء طلعوا ع غرفتهم يناموا..

وعند سعود ..
دخل غرفته وصفق الباب بكل قوته وضرب بيده ع الباب وصرخ بعالي صوته وبقهر طالع من قلبه
وفسخ جاكيته ورماه ع الصوفا
واخذ جواله ودق ع رنا " الحب "
رنا : حياتي علامك داق عليا بذا الوقت
سعود : اسف ي روحي بس حدي ضايق وتدرين مافي غير دفا صوتك يريحني ويبرد اللهيب اللي بقلبي
رنا تحاول تسلك وتغير بالموضوع
رنا : حدي نعسانه وما احس حالي بخير ممكن اسكر وبكره تطمني عنك
هنا سعود زاد ضيقه وانقهر من اهمالها اللي صاير بآخر فتره بس من قوة حبه لها حاول يعذرها ويتغاضى ع الموضوع
سعود : اسف ي روحي شكلي صحيتك خلاص ارجعي نامي وارتاحي وانا بخير لا تفكري بشيء يكفيني من ذي الدنيا انك تكوني بخير وماعاد ابي شيء
أحبك ..
سكرت الخط بدون ماترد عليه بس كمان طنش الوضع ومايبي يفكر بشيء يزعجه من ناحيتها
ورجع اخذ بيجامته باللون الرمادي وراح ع الحمام " عزكم الله " اخذ شور وطلع ومن قوة الضيق والقهر وكثر التفكير جافاه النوم ولين الصباح لحتى قدر ينام ..
..
عند ليث بعدما خلص مكالمته مع جده ويحس بحاله ضايق ومايدري ويش لازم يسوي
غير انه هذا جده اللي مايرفض له طلب واهو يدري ويش قد غلاوته عند جده ودام ان جده يبيه يرجع معناته ان الوضع متأزم مع العائلة ولازم يفكر صح عشان يعرف يحل كل اموره وقطع تفكيره دخول زوجته وحبيبته اللبنانية رشا
رشا : حياتو يلا انا صرت جاهزه هلأ فينا نروح
هنا لأول مره ليث بدأ يركز ع طريقة لبسها لأنه بدأ يحسب لحياته صح واهو يدري لو رجع جده وكل اهله اولا مايدرون انه تزوج وثانيا مستحيل يقلبون بهيك بنت
وقف امامها واخذ يبوس كفوف يدها ويقول : ماتشوفين انك بالغتي بلبسك اليوم
رشا : نواي حياتو شو اللي بالغت فيه هيدا متل كل مره
ليث : بس ي حبيبتي تدرين شقفد احبك وتدرين عني اغار عيون الناس تلمحك
رشا : تعلقت بيداتها حولين رقبته وتتمايل براسها
بيبي لا تصير معئد ( معقد)  منه منيحه هيدي الحركات عليك
ولا تعتل هم حبيبتك كل البه لألك