".. مــاذا لـــو عــاد معتــذراً .."

part ..41

".. مــاذا لـــو عــاد معتــذراً .."

Part ..41

(انصدمت بناس واجد في حياتي
كل عام أستقبل جروح جديدة..
وكل ذكرى محزنه من ذكرياتي ..
كنت افرحها واسويها قصيدة..
أخسر غيري لكن ما أخسر ذاتي ..
الخسارة فرصة الربح الوحيدة..
أدري ان الله يبي يجمع شتاتي ..
الله الطف بالعباد في عبيده..
من يبيني مرحبا به لين يأتي ..
ومن يروح أقوله فرصة سعيدة ..
ماخسرت إلا المنافق في حياتي ..
وماكسبت إلا السنافي والوليدة.. )

..
كان سعود هنا مركز ع وليد انه خوي صقر وتارك الموضوع الاساسي ان رنا بعد مشتركه معاه..
وهنا اخذوه الشرطه سحب ع القسم ..
وسعود خلاص بيحس حاله بيجن موب فاهم شيء..
و اول ماوصل ع القسم طلب منهم يسمحوا له يتصل بأحد من اهله ..
وهنا اخذ الجوال واتصل بـ ليث ..
ليث كان توه بيزل من سيارته راجع القصر.. ورن جواله و اول مافتحه جاه الرد..
سعود : ليث ي ليث تعالي الحين ضروري ولا تخبر احد..
ليث : سعود وش فيك خوفتني..
سعود : انا بالقسم * .....* تعالي الحين وبفهمك كل شيء..
وفعلا هنا ليث رجع ركب سيارته وراح ع القسم .. وصل ليث ودخل للمدير,  والمدير علمه بالسالفه
ليث : هههههه حضرت المدير انت تستخف علي ويش اللي قاعد تقوله ..؟
المدير : اول شيء احترم حالك و اعرف انت مع من قاعد تتكلم ..
ثاني شيء هذي سبايب اخوك ويش نسوي ..؟
ليث : طيب اسمحلي اشوفه ..
وهنا ليث راح يشوف سعود ..
ليث : سعود ي اخوك علمني ويش صاير ..؟
سعود : الخوي صقر, كف ابوه ما راح من باله ..
ليث : ويش تقصد ..؟
سعود : الخوي صقر سوى لي فخ ي اخوك..
ليث : سعود لا تجنني ويش من فخ ويش دخل صقر علمني عشان اعرف اساعدك..
وهنا سعود علمه السالفه وعلمه عن وليد وتجاوز موضوع رنا ..
بس ليث هنا ركز ..
ليث : طيب انت قايل حرمتك طلبتك تروح, وانت رحت وحرمتك موب موجوده ..صح
سعود : اي واذا يعني ويش تبي من ذا الكلام ..
ليث : علمني الموضوع كامل .. حرمتك وين كانت ..
سعود : موب بالبيت ..
ليث : ليه رحت وهي موب بالبيت ..
سعود بدون مايركز : اقولك هي اللي طلبتني اروح بعدها انكرت وقالت انها قالت لي انه ماهي بالبيت ..
ليث : هذا اللي ابيه تتكلم عنه ..
سعود : ليه انا ويش قلت ..
ليث : سعود ي اخوك حرمتك لها يد بالموضوع ..
سعود : انا الغلطان اللي طلبت اخوي يوقف معاي, جاي تتكلم وتتهم حرمتي ..وتارك النذل صقر..
ليث :  ماني بتارك صقر بس بعد حرمتك ماني بتاركها..
هنا سعود استسلم للواقع ونزلت دموعه
تكفى ي سعود الا رنا الا رنا اموووت ولا اشوف الوجع يجيني من رنا..
ليث حضن سعود ويحاول يهديه
اما سعود اللي خلاص انهد حيله وانكسر قلبه من حرمته حبيبة قلبه ومن خويه صقر ..
ليث : انا الحين رايح و اوعدك بطلعك ي سعود لا تشيل هم
والله اني بجيبهم كلهم ..
سعود : لا تأذي رنا يمكن رنا ضحيه مثلي ..
ليث : انتبه ع حالك,  راجع لك..
..
وهنا طلع ليث والغضب معمي بصيرته ..
واتجه ع طول ع قصر صقر ..
..
وصل وهو يوقف سيارته بتفحيط سمعه صقر من غرفته
ونزل ليث من السيارة ويصارخ بكل صوته ..
ليث : صقرررررررررررررررررررررر
صقررررررررر يالخوووووي الغدااااار انزل ان كانك رجاااال صقررررررررررررررر
هنا ابو صقر فز هو بالاول وطلع يشوف ويش اللي صاير ..
ابو صقر : ليث ويش صاير ..
ليث : ولدك الغدااااار وينه صقررررررررر
وهنا نزل صقر مفزوع مايدري ويش اللي صاير ونزل و وصل لين قرب ليث وما امداه ينطق الا وجااااه ذاك البوكس ع وجهه
صقر هنا ما قبل يضرب ليث
صقر : ليث استهدي بالله ويش فيك.. ؟
ليث وهو ماسك ياقة صقر : يالنذل يالخسيس اعتبرناك خوينا آمناك ع اهلنا واسرارنا صرت ثالث اثنين اخوه وبالاخير تغدر فينا وتخونا يالذليل ..
وليث يسدد الضربات ع وجه صقر بعدها انتفض صقر و مسك يدات ليث ورماه بحركه قويه ع الارض ..
وابو صقر يحاول يفك فيهم ..
ولمى لبست عبايتها وطلعت هي وام مشاري ولمى تبكي وتصارخ بأسم صقر ..
صقر : قلت عنك خويي ومارضيت ارجع لك ضرباتك بس انت زودتها عاد ..
صقر صار الدم معبي وجهه
اما ليث ماعليه شر لأن صقر فقط طيحه عشان ينقذ حاله..
ليث : ليه يالخوي الحقير ليه ..ونزلت دموع ليث ..
صقر : ما ادري ويش اللي صاير,  بس بعمره صقر ماطعن بظهر احد,  كيف اذا كان اخويا روحه..
ليث : اجل بتلعبها علينا ..
شوف ماني زايد بكلامي شيء غير اللي بقوله ..
ان سعود اليوم مايبات في بيته والله اني قاتلك انت وخويك وليد والله ..
وتركهم وركب سيارته وطلع ..
..
ركضت لمى للصقر وابوه وام مشاري كل واحد يمسكه من طرف ..
صقر : اتركوني ابي افهم ويش اللي صاير ..
ابو صقر : ي ولدي هالعائلة كلها مجنونه والله, ادري عنهم,  وانا بتحدا احد يلمس منك شعره ..
صقر : يبه انت موب فاهمني ليث وسعود اخويا, انا ماعرفت الخوي الحقيقي الا معاهم ..
لازم اروح اشوف سعود ويش فيه ..
لمى وهي تبكي : صقر ي روح اختك خلنا نشوف جروحك بالاول
صقر : ما ابي اشوف دموع اخت صقر لا تصعبيها علي اكثر ..
و راح لغرفته يأخذ مفتاح سيارته ورجع عشان يطلع شاف ابوه مسكر الباب..و واقف عليه ..
صقر : يبه وخر ع الباب لازم اطلع ..
ابو صقر : في احد يرضى يضيع ولده,  ارجع مافي طلعه..
صقر : يبه تكفى طلبتك توخر,  لازم الحق واعرف ويش صاير ..
وبعد هواش ونقاش صقر اقتنع ابو صقر يسمح لصقر يطلع ..
ركب صقر سيارته واتجه لبيت وليد ..
وصل دق الباب بكل قوته وفتح له وليد..وع طول مسك بياقته ولصقه بالجدار
وليد : خير خير ويش صاير ..؟
صقر : انت اللي بتقولي ويش صاير ..
وليد : صقر فهمني ما ادري عنك ترا حدي مشغول ..
صقر : ويش مسوي مع سعود وليث ..
هنا وليد فلت يدات صقر ونزلهم
وليد : اي قول كذه ..
صقر : ويش تقصد..
وليد : والله خويك ذا سعود طلع قليل شرف وكان بيحاول يعتدي ع المساعده في بيت حرمته..
صقر ع طول مسك برقبة وليد يبي يخنقه ..
صقر : انت تدري عن من تتكلم حشم لسانك قبل اقطعها لك ..
نزل يده وليد ..
وليد : حتى حرمته تركته ههههه..
صقر : لحظه لحظه الحين حتى لو صار كذه انت ويش دخلك بالموضوع ..
وليد : كنت موجود بمكان الحادثه..
صقر : انت ويش موديك بيت حرمة سعود؟
وليد : هي سالفة ماعليك انت منها ..
بس شكل اخوياك تركوك واتهموك بشوفتي صح ..
هنا صقر حس حاله بيجن ومابيقدر يفهم من صقر عدل
عشان كذه قرر يروح لليث ويتحمله ويش مايسوي فيه ..
..
عند ليث اللي بيجن ولا عارف كيف بيطلع اخوه وقتها فهم ان جده لازم يعرف
وقبل يتصل ع جده اتصل عليه صقر ..
ليث : نعم ويش تبي ..
صقر : ليث لين متى بيتم اعتقال سعود علمني ..
ليث : ي ذا المهتم ويش تبي تخلص عليه ..؟
صقر : لا بس قلت اذا سعود مابيطلع اليوم اشوف وين انتظرك تجي تقتل خويك ..
ليث : والله اني قاتلك ومعلمك من هم احفاد عبدالله يالخسيس, عشان كف بتدخل سعود الحبس بقضية شرف
صقر : طيب ياليث انا النذل الغدار الخسيس ممكن بس تعلمني الموضوع كامل وبعدها اقتلني براحتك..
ليث هنا انزعج من اصرار صقر وعلمه بالسالفه كلها ..
صقر : يعني انا موب موجود و لا عندي علم باللي صار واطلع انا المتهم الاساسي ..
طيب ياليث انا قابل وبوعدك انا اللي بطلع براءة سعود ولو ع رقبتي ..
وسكر الجوال وما انتظر رد ليث ..هنا ليث استغرب من كلامه بس ماعطاه اهتمام لأنه مثل سعود واثق انه صقر هو سبب اللي صار..
..
رجع ليث لين سعود وعطاه اكل وكل اللي يحتاجه سعود
سعود : ليث ماتقول رنا تبي تشوفني او تبي تعلمني ويش صار,  انا خايف عليها..
ليث : سعود انت قايل لي من قبل انه من زود خوفك عليها عاطيها رقمي توصلي اذا ماقدرت توصلك .. وللحين مافي منها اي اتصال ي اخوي ..
ليث : شوف ي سعود انا الحين راجع القصر اعلمهم باللي صار ..
سعود : لا تجيب طاري رنا تكفى ..
ليث : طيب, انت الحين انتبه ع حالك تمام..
..
وهنا رجع ليث ع القصر والكل مجتمع
وصل ليث والضيق معتم ع وجهه..
الجد : عسى ماشر,  ويش فيك ي ولدي..
و وينه سعود موب معاك.. ؟
ليث : جدي,  يبه,  يمه اسمعوني زين ..
صارت مشكله بسيطه وهواش اصحاب واخذو سعود ع الحبس ..
ام ليث : ويش تقول ي ويلي عليك يمه ..
ابو ليث : ويش من هواش وليه ماطلعته معاك..
ليث : لازم بعد يقعد هو والشباب عشان مايعيدوها..
الجد : ليث ويش اللي صاير بدون كلام بزران ..
ليث هنا خاف من جده وتكلم وعلمهم بالسالفه كلها,  وهبه هنا انقهرت من صقر ..
ابو ليث : ابو صقر هذا موب تاركنا..
رهف : اجل رنا وينها وليه سعود يروح ورنا موب بالبيت ..
هنا الكل ركز بكلام رهف وهنا ليث ابتلش..
ليث يشتت تفكيرهم : انا قايل لصقر بنهيه هو وخويه اذا ماطلعوا براءة سعود..
وهنا الكل ضاق وبدأ يفكر ورهف تدق ع رنا بس مغلق ..
بعدها الكل راح ع غرفته بس ما احد قادر ينام من الضيق والهم ..
..
اما صقر اللي حتى مارجع للقصر ماغير يتصل يتطمن ع اخته ..
وصقر بعدما سمع السالفه من ليث الحين قاعد تحت بيت وليد يبي يعرف اي شيء.. ممكن يخليه يطلع سعود ..
صار الصبح وصقر بمكانه يراقب بيت وليد و ع شوي جاءت حرمه وانتظرته ونزل لها اعطاها اوراق وصقر يشوف بعدها طلعت هالحرمه ع السيارة وطلعت مع السواق و صقر هنا لحقها لين شافها وصلت ع القسم
نزل وراها بشويش وهنا سمعها تتكلم وعرف انها حرمة سعود ..
وسمحوا لها بالزيارة ..
رنا والدمع بعيونها : سعود ..
سعود : ي عيون سعود لا تعميها وينك عني ..؟
رنا : شلونككك.. ؟
سعود : ابي اكون بخير بشوفتك ..
رنا : انا اعتذر ع اللي صار امس معاك ..
سعود : ي عمري انتي موب ذنبك لا تعتذري انا الغلطان عشان جيت بوقت غلط, انا اللي اعتذر عشان عيشتك امس ذاك الموقف,  سامحيني ي روحي ,  انتي ماتصدقين جيتك الحين عندي تسوى الدنيا كلها والله.. 
رنا مدت بيدها ورقه وقلم ..
سعود : ويش ذا ي روحي ..؟
رنا : ابيك تطلقني ..
سعود والدموع بعيونه : هههههههه هههههههه ههههههههه هههههه ي ربي ههههههههه موب قادر اكثر هههههههههه
ويش تقولين ي عيون سعود تبي تعميها.. ؟
رنا ودموعها بعيونها : ما اقدر اكون مع واحد عنده تهمة شرف ..
سعود : انتي جنيتي ي روحي جنيتي,  حبيبتي انا اعتذر لك عن اللي صار وانتي بنفسك عارفه ان كله فخ ي روحي لا تكوني انتي والزمن علي ..
رنا : ويش اللي بيخليني اعرف انه فخ وانت جاي وانا موب موجوده ..
هنا سعود بدأ يصارخ ..
سعود : والله اني قاتلك ي صقر والله اني قاتلك واخذ الورقه وقطعها
سعود : انقلعي ي رنا دام النفس للحين طيبه معاك انقلعععععي ..
دخلوا الشرطه واخذوه وهنا رنا اخذت نفسها وطلعت وهي تبكي ..
وصقر مراقبها ولحقها وعرف وين بيتها ومشى..
..
وقبل يوصل ليث ع القسم شاف اتصال رد عليه ..
الشرطه : اخوم صار معاه انهيار عصبي والحين تعال للمشفى..
هنا ليث جن جنونه وحول طريقه للمشفى
و وصل و سعود دايخ مع المهدأت وحالته حاله..
بس كان صاحي ..
ليث : سلامة قلبك ي روح و عين اخوك ..
سعود : تدري ويش صار ..؟
رنا تبي تطلق تقول انا واقع بقضية شرف ..
حتى روحي تخلى عني انت متخيل ي ليث ..
تدري اني اعتذرت منها انا مع ان رنا هي اللي جابت كلام كذب علي بس انا اعتذرت منها وصرت الغلطان بس عشان تظل جنبي ..
بس انا ماعاد اشرفها,  ..كان يتكلم وهو دايخ ماغير دموعه تنزل ..
تخيل قلبي اخذت نبضاته تقول تبي تطلق ..ههه
انا ماصدقت من الله صارت حلالي ..
ليث : اهدأ ي اخوك ي جعلني فدا قلبك وروحك اهدأ..
سعود :خويي وحبيبة قلبي طعنوني بظهري ..
بس والله اني قاتل صقر هو سبب كل اللي صار هالخسيس..

وع شوي وصل الجد ومعاه الاذن بتسريح سعود ومحاكمته طليق ..

الجد وابو ليث كانوا يتحمدوا بالسلامة لسعود ..
مرت ساعتين وقدروا يطلعوا سعود من المشفى
وللحين ماوصلوا لحل وصقر مختفي
ومر اسبوع وسعود منهد حيله وحابس نفسه بغرفته ويفكر بس وين بيلقي صقر ويقتله وليث داير بها السالفه يدور حل قبل موعد المحكمه اللي بيكون بعد ساعة ..
وطول هالاسبوع رنا ماتواصلت مع سعود الا ترسله انها ماتبي تظل معاه وتبي تتطلق ..
..
الحين صار وقت المحكمه..

سعود ابوه والجد وليث والمحامي متواجدين
ومحامي الطرف الثاني بعد موجود
وللحين سعود بينحكم عليه دام مافي اي دليل معاه بالعكس كمان رنا جاءت للمحكمه وشهدت ضده ..
رنا : سيدي القاضي انا كلمته انه مافي احد بالبيت المفروض مايجي .. بس هو استغل عدم وجودي وجاء عشان مساعدتي وهذي ثاني مره ..ربي ستر انه لحقناها ..
سعود ماقدر يتحمل ..
سعود : رنا ي عمى عيون سعود,  ي قاتلة نبضات قلب سعود,  انتي طااااالق, طااالق ,طاااالق ..
رنا هنا نزلت دمعتها وسكتت
هنا القاضي قرر ينطق بالحكم حين شاف اللي صار ..
القاضي : حكمة المحكمة بحسب القانون رقم * .....* في المادة * .....* بعقوبة المتهم سعود

دخل بكل قوته ع المحكمه وفتح الباب
سيدي القاضي وقف طلبتك توقف عندي دليل براءة سعود ..

..

يتبع ..