".. مــاذا لـــو عــاد معتــذراً .."

part ..46

".. مــاذا لـــو عــاد معتــذراً .."

Part ..46

..

(ياصاحبي لو الامور بيدينا
ماكان سقنا شيء ماهو بينساق

يومً لنا وايام تاتي علينا
وايام لاوالله نوقف على ساق)
..

الجد : اجل وانا بعد اطلب يد بنتك ي ابو صقر لحفيدي ومسك بيد حفيده سعود وقدمه ..
ليث وسعود المصدومين من حركة جدهم حتى ابو ليث اللي بغى ينجن ..
ولا صقر اللي بها اللحظه تمنى يروح يجن ع راس هالجد
صقر يدري عن حياة سعود وتو سعود طالعة من علاقة كان فيها العاشق
هو مايبي اخته تتعذب مع واحد مايبيها
و يدري بنفسه ان سعود بعد مايبي ..

صقر : الا اخت صقر لا تدخلونها بذي المواضيع رجيتك ي عمي ..
الجد : شفتوا اجل حنا نقبل ليه انتوا ماتقبلون ..؟
ابو صقر هنا فهم مقصد الجد وانه يبي يخرب هالزواج قدام هالناس ويكون سببه ابو صقر ..
سعود وليث ركزوا وفهموا ان جدهم سويها عن قصد عشان يرفضون ..
سعود : لي الشرف اني اخذ اخت الصقر, اذا صقر وابوه وصاحبة الشأن موافقين ..

هنا الجد كان يتمنى لو يقدر الحين يعطي كف لسعود ...
ليث اللي ابتسم لسعود وردوا ابتسموا لصقر ..
صقر قرب لسعود ..
صقر : سعود انت مثل اخوي ما ارضى عليك تتزوج بذي الطريقه ولا ارضى احد يأذي اخت صقر وانت تدري عني الكون بكفة واخت صقر بكفه ..
سعود : اوعدك اخت صقر بتكون بعيوني دام بنت عمي بعيونك ..
ابتسم صقر لسعود : الله لا يحرمني مخوتكم..
صقر راح لأبوه وكلمه انه يوافق بس لازم رأي البنت..
ابو صقر يطالع الجد بإنتصار : اجل حنا موافقين بس لازم نشوف رأي بنتنا ..

هنا الجد اللي حس بالغيظ والقهر فعلا..

صقر : ي عمي احب اقدم هالهديه المتواضعه لحفيدتك نقدر نقول خطيبتي ..
صقر تكلم كذه عن قصد وهو يدري الهديه مافيها اي تواضع بالعكس فيها كل التباهي والتفاخر ..

وبعدها قاموا الناس وطلعوا وهم يباركون لصقر ..
بعدها الكل راح ..
والجد قاعد بمحله يبغى ينجن..
الجد : سعوووووود
سعود : سم ي جدي ..
الجد : تبي تذبحني انت جنيت انت يعني ..
سعود : خير ويش اللي سويته ..؟
الجد : ليه بينت لهم انك موافق ع بنتهم ليه ..
سعود : ي جدي اعتقد انت اللي خطبتها لي حتى بدون علمي ..
وبعدها شفت الفكره جازت لي , البنت اخت صقر, ومايكفي تأذت بسببي..
هنا ضاق الجد وطلع من عندهم ..
سعود : يبه انت بعد مابتبارك لي ..
ابو ليث : مالقيت الا بنت ابو صقر ..
سعود : انتوا اللي لقيتوها لي موب انا ولا كانت ع بالي ..
وطلع ابوه بعد ومابقى غير ليث وسعود ..
ليث : اااااه ي اخوي ويش سويت بس ..
سعود : انت قولي لو كنت محلي ماكنت بتسوي مثلي ..
ليث : ادري ومافي غير ذا الحل, بس اخاف انك تظلم البنت معاك..
تدري اني للحين موب ناوي اخطب ملاك مع اني واثق من حبها لي وانها بتنتظر اشاره مني بس , لأني ما احس حالي قادر ع الحياة للحين اللي مرني موب قليل..
وانت جرحك للحين ما داويته انتبه ع البنت لا تظلمها ..
سعود : يمكن تكون لي دواء, انا مستحيل اظلمها, انت تدري عندنا اخت, لا وبعد عندنا ثلاث, يعني ربك موجود ..