".. مــاذا لـــو عــاد معتــذراً .."

part ..60

".. مــاذا لـــو عــاد معتــذراً .."

Part ..60

(..عسى المطر يهطل على الناس همال
ويسقى مكان العرب في كل ديره

يرزقهم الله شوفة السيل لا سال
والشمس ما تنشاف من زود خيره ..)

في القصر ..

الكل صاروا مجتمعين عقب الغداء
ورهف وهبه بعد ..
ابو ليث اساسا من يوم سامحه ليث وهو يبي بعد يعتذر من بنات اخوه وبالاخص رهف ..
ابو ليث : ابي الكل يسمعني ويش بقول ..؟
وبالاخص بنات اخوي ..
الجد يقول بنفسه : اخيرا ي نايف, صحح اغلاطك وانا وراك ..
ابو ليث : انا هالفترة ذي اللي مرت غلطت واجد وكل اغلاطي مع هلي, بس انا ما ادري ويش اللي صار لي, انا حتى ولدي ماسلم مني ..
هنا ليث ابتسم لأبوه ويمسح ع ظهره
ليث : صغيره يبه ..
ابو ليث : بس انا ربي عاقبني و انوجع قلبي باللي صار لليث, و والله ان ربي يعاقبك بشيء فيك شخصياً اهون ما يعاقبك بأحد من اولادك ..
وانا ي بنات اخوي الفتره اللي فاتت عصبت عليكم و زعلتكم مني وبالاخص انتي ي رهف, وصار نايف دموعه تنزل وهو يتكلم وكل شوي يرفع شاله ويمسح دموعه
هبه : الله يسامحك ي عمي ,بتظل كبيرنا ويش ماصار ..
بس رهف هنا هي اللي انوجعت من عمها بالاكثر, لدرجة حتى مد يده عليها..
ماكان من رهف غير انها ساكته وماتبي تطالع بـ عمها عشان ماتضعف..
ابو ليث : الله يرضى عليك ي بنتي ي هبه ..
ابو ليث : رهف من حقك تزعلين مني وماتطالعين فيني انا اللي سويته بحقك انتي بالذات من بدايتها مع فواز الين اخرها الكف, انا والله ما استاهل حتى تقولين لي كلمة عمي ..

وهنا وقف نايف و هو يروح صوب رهف اللي منزله راسها وماتطالع فيه ..
نايف : شوفي ي بنت من قلبي اقولها,
ورفع يده اللي ضربها فيه ..
نايف : من قلبي اقولها, الله يعل هاليد اللي انمدت عليك ..
هنا رهف ماتحملت و وقفت ع طول وهي تبكي
رهف : بسم الله عليك ي عمي, العله بعدوينك, لا تقول كذه, و راحت تمسح دموع عمها بيدها وباست جبينه
رهف : انا اسفه ي عمي وانا بعد زعلتك ..
وحضنت عمها و راحت هبه بعد تحضنهم ..
وهنا الجد اخيرا ارتااااح وليث وسعود بعد ..

ابوليث : انا اقول اليوم يلزمنا طلعة نغير فيها جونا, الحين بتصل و اطلب منهم يجهزون المزرعه عشاننا جايين ويلا بعد ساعتين نكون جاهزين نطلع ..
ولف ع ليث وسعود, وعلموا صقر
وانا بعلم ابو صقر ويجيب هله ..
وانتي ي ام ليث علمي ليلى وعزيز
وعلمي منيرة وزوجها وقولين لها تعلم ملاك و زوجها
ابي الكل يكون متواجد ..
هنا ليث ماحب فكرة وجود بندر بس ماعطى اهمية و سكت ..

وهالطلعه بتكون كلها علي بمناسبة صلحتي مع بنات اخوي ..

رهف : الله يخليك لنا ي عمي ..
سعود هنا مايدري ليه انبسط من ان اهل صقر بعد جايين معاهم ..

وهنا ام ليث دقت ع منيرة وعلمتها وطلبتها تعلم ملاك بعد ..

وبعدها دقت ع ليلى وعلمتها ..