".. مــاذا لـــو عــاد معتــذراً .."

part ..34

".. مــاذا لـــو عــاد معتــذراً .."

Part ..34

( ماكنت متوقع يجي منك خذلان ..
كيف تغدر فيها وتقطع وترها ..
في ذمتي ماينكسر قلب الإنسان ..
إلا على حاجة عظيمة خسرها ..
بكرة تفقدني و تملاك الأحزان ..
وتظفك هموم السنين وكدرها ..)

..

قبل يوم من سفر ليث ..

الجد قاعد بغرفته بعدما كلمة ليث انه خلاص حجز وبيسافر ..
طبعا الجد كان يدري بكل اخبار وتحركات ليث طول ماهوب بنيويورك وكان هو اللي يعتبر حامي لليث ومسهل امور حياته وشغلة بس كل ذا بدون علم ليث ..
وطبعا الجد يدري عن زواج ليث بـ رشا
بس من حبه لـ ليث ماكلمه و كان منتظر للحين ان ليث يجي ويكلمه
وطبعا حين سافر ليث ورجع كان ليث مسويها مفاجأة وحتى ماكلم احد من الاهل عن جيته
ومع ذلك الجد سوا حاله تفاجأ وهو اللي كل حركه يسويها ليث يدري عنه وكل ذا حب في ليث حفيده..

وحين ليث رجع لأهله,  الجد من معرفته بحب ليث لـ رشا,  كان بعد منتبه ع رشا وكل ذا خوفاً ان رشا يصيبها شيء ويتأذى قلب ليث..

وبعدها صار توصل اخبار للجد عن رشا
وانها تطلع مع شباب
هنا الجد فكر انه يمكن عشان شغلها ..
بس حين كثر الكلام فكر يختبرها وكل ذا طبعا بدون علم ليث ..
الجد طلب من واحد من رجاله يروح لها ويعرف ويش اللي تبيه كل يوم مع شاب
وطبعا كان الرجال ذا اسمر كمان ماكان تعمد من الجد وانما صدفه, اساسا الجد مايدري عن موضوع رشا مع الاسمراني ليث..
وطبعا راح الشاب الاسمر وتعرف ع رشا وعرض عليها مبلغ وحياة رفاهيه وانه يتزوجها بعد ..
بس الصدمه كانت بـ رد رشا وطبعا كان ذا الاسمر فاتح جواله للجد عشان يسمع ..
وقبل تنطق رشا ..
الجد يقول بنفسه : إلا ليث لا احد يوجع قلبه ..وهو خايف من رد رشا
رشا : هلأ اي بنت بتحلم بالشغلات اللي حكيتن بس في شغلة انا مابعرف ليش ماعم تجيني الا هيي..
الشاب الاسمر : ويش هي ..؟
رشا : ما اريد رجال اسمر, يكفيني اللي متزوجته وصح انا بحبه بس لو كان اشقر وعيونه زرق كان بيكون متل الحلم ..
الشاب : يعني لو انا اشقر كان بتوافقي ..؟
رشا : هلأ انت مالك نصيب فيني دامك اسمر,  هلأ بدي امشي ..

هنا مسك الجد ع قلبه وضاق من اللي سمعه,  معقوله البنت اللي يهواها ليث ومتزوجها طلعت وحده خاينه والافضع من ذا علتها فيه انه اسمر
الجد : والله انك ماتسوين شعره وحده بشعر ليث,  بس والله لخلي ليث يعرفك ع حقيقتك..

طبعا الجد كان يبي يكلم ليث, بس الجد فكر لو يكلم ليث, هنا ليث مابيصدق من عماه بحبه لـ رشا وممكن بيكلم رشا وكذه رشا بتأخذ احتياطه وتتم تلعب ع ليث ..

عشان كذه قرر الجد انه يخلي ليث يشوف بنفسه ويقنع بنفسه ان رشا فقط كانت تبي فلوسه مو قلبه ..

( طبعا رشا بنت صح دكتوره مثل ليث بس طبعا ما اشتغلت الا بمساعدة ليث و ما بدأت تعيش حياة حلوة الا من تعرفت ع ليث اللي عاطيها كل شيء موب منقص عليها شيء يعني رشا انجذبت لـ ليث بسبب فلوسه اما رشا اللي تتمناه وتبيه هو الاشقر مو الاسمراني ..)