".. مــاذا لـــو عــاد معتــذراً .."

part ..16

".. مــاذا لـــو عــاد معتــذراً .."

Part ...16

في القصر..
اخر الليل الكل صار تاعب بعد يوم الملكة الكل صار بغرفته ومنسدح ع سريره واللي صار نايم واللي لسا يطقطق بجواله ..
..

عند سعود اللي اتصل ع رنا وذي المره ردت عليه ..
رنا : هلا سعود
سعود : ي هلا وغلا بنبضات قلبي , شخبارك بالله ماوحشتك ما اشتقتي ..؟
رنا : أشتقت لك مووووت والله بس قلت انت اكيد موب فاضي عشان اليوم ملكة أختك
المهم وقضوها سوالف حوالي ساعة ونص وبعدها نام سعود والجوال بيده من قوة تعبه اليوم ..

..

وعند ليث اللي اول ما انسدح ع السرير جاه اتصال رشا
ليث : ي لبييييييييه اللي تتصل وتطمن ع زوجهاااا ..
رشا : هلأ شفت انو انا اللي بشتاق لك اكتر وانت اليوم ولا شايل همي ..
ليث : ي حبيبتي ي روحي تدرين اليوم ملكة أختي وكنا وايد مشغولين وموب قادر حتى اطالع في نفسي
رشا : طيب بيبي معزور بس هلأ بدك تكلمني عن حق ايمتى رح تجيني والله روحي بتطق من القعده هون وانت هونيك
ليث : ي عمري ي جعلني فدا روحك انتي بس لو تقبلين تجي وتعيشي معاي ويش اللي بيصير غير انه بنرتاح وحنا ويا بعض ..
وهنا رشا غيرت الموضوع لأنها ماتحب ذا الموضوع وقعدوا يسولفون شوي بعدها سكروا عشان هو بينام وهي بتطلع من البيت ..

..

وعند ليلى قعدت تتذكر عزيز وتحمد ربها انه وفقها معاه ومررره مبسوطه ومستانسه ..

..

اما ملاك اللي الموقف موب قادر يطلع من بالها حتى انها ماعاد ردت عليه بالسناب من قوة الاحراج اللي صار معاها ..

..

ويوم جديد ع ابطالنا عند عزيز اللي كان يشيك ع اعماله وفز يرقص ويغني بكل صوته ي ام عزيز ي ابو عزيز ابنكم اخيراً جاءته الفرصه اللي يحلم بيها
ام عزيز : بسم الله عليك يمه ويش فيك
عزيز : يمه خلاص تحقق حلمي
ابو عزيز : اقول فهمنا شوي شوي ويش صار ..
عزيز : اما موب قايل لكم انه من قبل 6 اشهر وانا وحسين مقدمين ع عمل في إنجلترا ..
سالم : اي يعني ويش صار
ندى : لا تقول انقبلتوا ....
عزيز : اي ي روح اخوكي انقبلنا انا وحسين بعد
وطالبينا بعد اسبوعين نكون عندهم عشان مايفوتنا العمل
ابو عزيز : الف الف مبرووك ي ولدي والله انت وحسين تستاهلون كل خير
والكل صار يبارك
وفجأه سالم : اقول يالخبل وعرسك ويش بتسوي فيه
هنا عزيز ضرب ع راسه
عزيز : موب عرسي بس الا وعرس حسين ويش بنسوي بهالاسبوعين ..
لحظه لحظه لازم اشوف حسين واتفاهم معاه..
وفعلا دق ع حسين وبشره وقرروا يلتقون عشان يشوفون ويش بيسوون ..

..

عند ليث مداوم بالمستشفى وجاه اتصال من عزيز ..
ليث : اقول ويش عندك تونا امس شايفينك وماقد اشتقنا والله هههه
عزيز : ومن قال انه انا مشتاق لك ي اخ زوجتي
ليث : اقول لا تقعد تغثني كل شوي بكلمة زوجتي ..
عزيز : ليه كذب تراها زوجتي وبيدك انت وسعود جبتوها لي ههههه
ليث : اقول اسكت واقطع ويش عندك هههه
عزيز : والله ي ليث ابيك بموضوع متى اقدر اشوفك ..
ليث : خير ويش عندك تراني باقي لين ساعه بعدها اطلع وادق عليك واشوف
عزيز : خلاص تم اشوفك بعد ساعه معناته
وسكروا من بعض وليث حاطط بعقله ان عزيز اكيد يبي يتواصل مع ليلى..