".. مــاذا لـــو عــاد معتــذراً .."

part ..24

".. مــاذا لـــو عــاد معتــذراً .."

Part...24

عند صقر اللي متسمر بمكانه وهو يشوف وهو بس شايف جانب من وجهها بسبب شعرها النازل ع الجنب ويداتها الناعمه اللي ماسكين بفستانها
مسك ع قلبه حسب باله يثبت قلبه بيديه من اللي قاعد يشوفه
قرر يرجع للخلف بدون مايخليها تحس عليه وحين رجع انصدم بأخته اللي جايه تشوف هبه
هنا هبه فزت حين سمعت صوت لمى واحد معاها
لمى : يالمهبول وش اللي جابك هنا
صقر : انتي يالمهبلوله انقلعي موب وقتك الحين خلني اروح لا تسمعنا البنت
لمى : يعني شفتها انقلع انقلع لا تفشلني مع رفيقتي..
وهنا فعلا هبه كانت سامعه كل شيء
وبسرعه رجعت لمكانها تسوي حالها ماسمعت ماعاد تبي تتفشل ولا تفشل رفيقتها
وهنا كانت لمى ماتدري ويش بتسوي دخلت لجنب المغاسل تشوف هبه وهي تحاول ماتبين شيء
لمى : هبوووش ماخلصتي ..؟
هبه بربكه : اي توني مخلصه الحين,  يلا نرجع للصالون..
وفعلا رجعوا للصالون وكملوا جلستهم ويا بعض ..

اما عند صقر اللي من رجع ع غرفة مكتبه وهو ماسك بقلبه وش الحلا ذا كله وش الزين ي رب القلوب ثبت قلبي ..

..
بعدها ع شوي دق ليث ع امه يبيهم يطلعوا له, بس هنا ام مشاري تقول
ام مشاري : اقول دام ولدك ينتظركم برا
اقول انتظري نخلي اخو لمى يروح يسلم عليه ويتعرف عليه ..
لمى هنا ابتلشت لأنها تدري ان اخوها ما يطيقهم ..بس سكتت وراحت تكلم اخوها ..
وصلت دخلت غرفة مكتب اخوها
صقر : وش راحواا.. ؟
لمى : وش بلاك انت اسمعني خالتي تقول لأم هبه ان صقر يروح يسلم ع اخوها ليث ,ادري انك موب طايقهم ومتهاوش معاهم بس تكفى عديها عشاني اليوم لا تفشلني ..
صقر اللي صح متضايق وموب طايق ليث وسعود بس انه بعدما شاف هبه وهو هادي
صقر : موب صقر اللي يفشل اخته وحيدته.. يلا اسبقيني وانا بطلع له ..

هنا ارتاحت لمى ورجعت لخالتها وام ليث والبنات

ليث كان واقف جنب سيارته ويكلم بالجوال ومدي ظهره لباب القصر..

صقر طلع وشافه وقرر يكون هادي اهو واعد اخته ..
صقر : حيا الله ليث ..
ليث لف عليه وعصب حين شافه بس ليث اعقل من سعود بكثير ومتفهم ..
ليث : حيا الله فيك
اقول انا منتظر هلي ي ليت تكلم اهلك يستعجلوهم ..
صقر : ليث ترا اللي صار معانا من قبل اكثر الغلط يرجع لسعود وانا موب غلطان معاه, وما كلمتك الحين ذا الكلام عشان اي شيء,  بس اختي تجيني متوتره وهي تكلمني اطلع لك تخاف نتهاوش من جديد.. وانا كل حياتي عبارة عن اختي وموب ناوي اخسرها بعد امي ..
وما كمل كلامه الا وشاف اهل ليث طلعوا
تراجع ليث للخلف و عطاهم ظهره عشان يطلعوا براحتهم
وفعلا طلعوا لسيارة ليث وليث كان واقف بمكانه يشوف احترام صقر لأهله واتزانه وكلامه ماكان يشبه صقر اللي تهاوشوا معاه ذاك اليوم
رفع صقر راسه ولمح اخته تشوفهم من الدريشه حق غرفتها,  بعدها عشان اخته قاعده تشوفه يبي يطمنها
راح لجنب ليث وسلم عليه, هنا حتى ليث انصدم وبنفس الوقت زاد اعجابه بـ صقر ..
وليث بعد سلم عليه وركب سيارته وطلعوا برا القصر وانتظرهم صقر لين طلعوا وبعدها رجع دخل ع القصر ..

..

في سيارة ليث ..
ليث : اي اقول يمه ويش رأيك بالناس ذو ..؟
ام ليث : والله باين عليهم ناس محترمين ويعرفون بالذوق
وانت ي ولدي شلون شفت ولدهم تقول خالته يطلع يتعرف عليك ..
ليث : والله يمه موب من كلمتين بدرس حال شخص, بس ان الظاهر عليه ولد ناس ..
هنا هبه ماكانت معاهم ابدا كانت بس متفشله من موقفها اللي صار مع صقر مع انها ماشافته بس حين سمعت لمى واخوها عرفت انه شافها..

..

رجعوا القصر وكل واحد راح ع غرفته ..
ليث قرر يروح لغرفة سعود وشاف الغرفه مفتوحه دخل ع طول ..
سعود : ها جيتوا
ليث : ويش شايف بالله ..؟ هههه
اقول اسمع ويش صار اليوم وبدأ ليث يسرد له ويش صار معاه ومع صقر
سعود : بالمختصر ويش تبي تقول ..؟
ليث : اقول خلك عنه , الرجال بنفسه تكلم انه مايبي يكون بينا اي شيء وطبعا كرمة لأخته موب عشانك
عشان كذه وانا اخوك ابعد عنه وخلي كل واحد بحاله ..
هنا حتى سعود اقتنع بكلام ليث وبالاساس هو مايبي شيء يعكر مزاجه وتخطيطه لحياته ..
بعدها كل واحد راح ع غرفته ..

..
بعدما ليث اخذ شور سريع ولبس بيجامته وانسدح ع سريره واخذ اللاب يبي يكلم رشا اللي قلبه منشلع ع شوفتها والكلام معاها
قعد يدق ويدق بس مافي رد هنا زاد ضيقه ومن ضيقه فتح سنابه يشوف لو في رسالة من مجهوله الهويه اللي يهواه
وحين مالقى رساله قرر انه اهو اللي يرسل عليها ..
ليث ( للحين مافي غير الخيال يجري ببالي, لو انه واقع كان يمكن جرى في قلبي ..) وسكر الجوال ونام ..

..

عند ملاك اللي كانت تراجع بدروسها وع شوي فتحت جوالها وشافت رساله من ليث
لأول مره يكون اهو مرسل عليها بالاول
من الفرحه كانت بتطيح من قوة جنونها بفرحتها ورقصتها ع سريرها ..

هنا قررت انها تثقل وترد عليه بكره ..
ونامت وهي حاضنه الجوال من فرحتها ..

..

يتبع ...