".. مــاذا لـــو عــاد معتــذراً .."

part ..50

".. مــاذا لـــو عــاد معتــذراً .."

Part ..50

(..فاقدٍ لي قلبِ سمحْ وَ وجهِ نيّر
‏ما كتبْ ربيّ لِقاه ولا وداعه ..
‏ضاعِ منيّ ضيّعة العُمر القصيّر
‏ولا غبنّي فـ الحياه إلا ضياعه ..
‏"الجفا عقب الوصل ملعون خيّر
‏والمحبه ذل مافيها شجاعه"!..)

..

في ديرة الشيخ فارع ..
الشيخ فارع : وخر عني انا جدك ..
فواز : هههههههه ههههههه تستهبل معاي انت ..
ومع الضحك من فواز قدروا رجال الشيخ يبعدوه عن الشيخ ..
فواز : وخروا عني ..
الشيخ : هذا ماينفع معه نجيه باللين ..
اربطوه ماله داعي يأكل ..
وفعلا ربطوه من جديد ع السرير ..
فواز : تكفى يالشايب انت ويش سويت لك, لا تستهبل معاي, تراني وحيد من اول يوم فتحت عيوني ع هالدنيا
عندي اهل وناس وحياة وكل ذا مع زوجتي تكفى اتركني اروح لها, والله هي الحين تحاتيني وخايفه علي ..
الشيخ امر رجاله يطلعون وقعد معاه وحدهم ..
الشيخ : شوف ي ولدي انا بعد موب مولع فيك, بس انا مستحيل اسمح لأحد يدوس لي ع طرف ..
فواز : ويش ندوس لك ع طرف انا والله اول يوم اشوفك, انا انسان مثقف وحضاري مالي شغل معاكم ابد..
الشيخ : اجل استقبل الحقيقه ..
انا مع الاسف انت حفيدي يعني انا جدك ..
هنا فواز بدأ يحس ان كلامه حقيقه..
بس مايبي يصدق ..
فواز : انا ماعندي اهل ولا ابي يكون عندي غير زوجتي ..
الشيخ : انت من صدقك ماتتمنى تعرف اهلك ولا تبيهم ..؟
فواز : اي ما ابي اعرفهم .. دام تخلوا عني ليه ابيهم, اللي مايبانا مانباه حتى لو كانوا اهلنا ..
الشيخ : تدري ..انت لوما رحت وملكت ع هالبنت ماكان فكرت اخذك, تدري ليه؟
لأني ما مهتم لك اساسا
بس اهل زوجتك قاعدين ينبشوا ورا ماضيك يبون يعرفون انت ولد منو ..
والاغلب بدؤا يلاقون مفاتيح توصلهم للحقيقه .. واذا وصلوا لها معناته بيحاولوا يشوهون سمعة الشيخ فارع ..
فواز : هههههه الحين انت مقتنع بالكلام اللي تقوله لي او بس تمزح معاي..
الشيخ : والله اني تمنيت اكثر من مره اضمك لي, بس عقبها المشيخه كلها بتروح وبيصير اسمي ع كل لسان بهالديره..
فواز : تكفى يالشيخ اللي كل همه مشيخته, تكفى اتركني اروح لزوجتي ..
الشيخ : تدري كنت اتوقع اذا بقولك انا جدك بتستانس وتطلب تشوف بقية اهلك امك وابوك وجدتك, بس طلع العكس انت ماتبي اهلك اساسا ..
فواز : اللي تركوني ع باب ميتم وانا لسه مولود ويش تتوقعون مني ..
رجيتك يالشيخ تكفى ابي اروح لزوجتي والله قلبي موجوع ع فراقهااا..
اخاف دموعها يكونوا نزلوا ع عيونها اخاف دمعها يبلل خدها
اخاف قلبها ينوجع من الشهقات
اخاف تنكسر ثقتها فيني وبهالعالم
اخاف احد يذلها باللي تحدت اهلها عشانه
اخاف تغمض عيونها بحرقه لا ذكروا اسمي
اخاف تفكر اني خذلتها وانا اللي اخذل نفسي ولا خذلتها ..
الشيخ : اكيد اذا تحبك الحين بتستانس انك لقيت هلك..
فواز : انت مفكرني صدقتك ..
الشيخ : انا الحين طالع اشوف اخبار الديره وانت اقعد فكر باللي قلت لك عليه وصدق بنفسك..
..