".. مــاذا لـــو عــاد معتــذراً .."

part ..45

".. مــاذا لـــو عــاد معتــذراً .."

Part ..45

(تبي الصراحه ي روحي ؟
ي روحي زانت اوضاعي .. ياللي لوحدك ارتاح و ودي به ..صار بحياتي وجودك أكبر أطماعي ..ي نبض قلبي وي أغلى مطالبيه ..)

بعد مرور اسبوع و الاحداث راكده ماغير لمى طلعت من المشفى وصارت بخير ..
و بندر يحاول يلفت انتباه ملاك له عشان هو يبيها ومقصده ذي المره ما يرجع ع اهله الا وملاك معه ..
وسعود اللي بدأ يتقبل الوضع وبدأ يرجع ع دوامه بالجامعه عشان ينسي اللي صار معاه ..
وليث اللي صح يبي ملاك بس للحين ماقد علمها بالضبط ماغير الاغاني والتلميحات .. عشان ليث للآن يحس انه يبي فتره يرتاح بعدها يفكر بموضوع الزواج مايبي يعيد نفس الغلطه من جديد ..
اما صقر اللي يحس انه خلاص دامه شاف نفسه واقع بحب هبه معناته لازم يخطبها وتصير حلاله ..
ام مشاري متغيره حيل وتهتم بـ لمى وصقر, عكس اول بكثيير ..
فواز بعد يبي يتزوج خلاص هو كان منتظر عشان إجازة نصف السنة في الجامعة بس كلما له الحب يكبر بقلبه وموب قادر يتحمل اكثر يكون بعيد عن رهف ..
و رهف اللي فواز لو يقولها اركان الاسلام سته بتقوله السادس حبك ..من كثر حبها و وثوقها بـ فواز ..
..

عند صقر اللي راح لغرفة لمى يتطمن عليها ..
صقر يدق الغرفه ..
لمى : حيا الله بالغالي..
صقر : حيا قلبك,  كيفها اليوم اخت صقر ..؟
لمى : اللي عندها اخو مثلك ليه ماتتعافى وتصير بخير ..
صقر : ي فديت قلب اخت صقر ..
وبعدها هنا صقر ما دري كيف بيفتح الموضوع كان مرتبك ..
لمى : اخت صقر شايفة ان عقل اخوها ملخبط وانه لسانه تبي تقول حكي بس موب عارفه كيف ..
صقر : اي والله انك اخت صقر اللي تفهم ..اجل بدش بالموضوع ع طول ..
بصراحه ابي اتزوج ..
لمى : والله اني كاشفتك وادري ان كلامك حول ذا الموضوع ..
اجل ذا احلا خبر سمعته بذي الفتره ..
صقر : اي ياقلب اخوك بس ابيك تساعدني بشغلة..
لمى : هبه .....!!!
صقر : اي مهرتي ( قالها بدون مايركز)  بس ابيك تساعديني بها الموضوع قدام ابوي ..
لمى : اجل مهرتك !  وتضحك ههههه
صقر : ي اخت صقر ما ادري كيف طلعت مني, خلصينا بلا تعليقك ..
ابيك قدام ابوي تقولي نخطب لك رفيقتي لأن ابوي بيقول اختك تشوف لك البنت اللي تناسبك..
لمى : تم وتم وتم, اساسا وين بتلاقي احلا من مهرتك ههههه
صقر : ي اخت صقر انتي ههههه
اجل يلا نزلنا لابوي وخالتي
واخذ يمسك بيد اخته يساعدها عشان اثار الطعنه اللي صارت..
..
كان ابو صقر قاعد يتقهوى مع ام مشاري ..
ام مشاري : الحين زانت الجلسة تعالوا قعدوا ..
صقر ولمى ابتسموا لها ..
وقعدوا جنبهم وام مشاري راحت وجابت لهم قهوه بعد ..
صقر : يبه ابي اكلمك بموضوع..
ابو صقر : قول ي ولدي ويش عندك.. ؟
صقر : والله اقول يبه انا مخلص دراسه والحمدلله اشتغل وشغلي تمام والخير واجد مابقى لي الا سنة الحياة ..
ابي اتزوج ..
ام مشاري تزغرد : ي هذي الساعة المباركة ي صقر ..
ابو صقر : اي والله هذا الكلام اللي ابي اسمعه منك, ابي اشوف وليدي عريس واشوف اولاده ما احد يدري ويش يصير بهالحياة ..
صقر : اي يبه الله يخليك لنا ..
ابو صقر : اجل اخت صقر وام مشاري من بكره يشوفوا لك بنت الحلال اللي تناسبك ..
لمى : والله يبه انا في بنت بعقلي واشوف انه مافي غيرها بتناسب قلب اخوي وتناسبنا ..
ابو صقر : الله الله ومنو ذي البنت ..؟
لمى : رفيقتي هبه حفيدة عبدالله ال ....
ابو صقر : مالقيتي الا هالبنت ..؟
ام مشاري : انا بعد كنت بقول هالبنت والله انا حبيتها ..
لمى : ليه يبه ويش فيها, وغير كذه ناس معروفين ولهم اسمهم..
ابو صقر : لا, شوفوا غيرها ..
صقر عصب : ممكن اعرف ليه يبه ..
ابو صقر : انا قلت لا وبس, ماخلصوا البنات ..
صقر : اجل يبه ابيك تعرف انا ابيها هالبنت شخصياً, وخليك عارف ولدك يحبها ومابيأخذ الا ذي البنت ..
ابو صقر : وشووو لا ي ولدي عشان ابوك لا, وش من حب وش من خرابيط ..
لا ي ولدي ذي البنت بالذات ماتنفع معاك يبه..
صقر : يبه ليه ليه لا تجنني ويش فيهم وانت تعرفني مخاوي ولاد عمها واخت صقر رفيقتها يعني ليه ابي افهم ..؟
ابو صقر : انت تدري ماعندي اغلا منك انت واختك ..
بس ذي الشغله لا , لا ي ولدي ..
هنا صقر راح جلس جنب ابوه ع رجليه وابوه كان واقف ..
صقر : يبه رجيتك والله اني احبها وما ابي غيرها, لا تعذب قلب ولدك يبه ..
ابو صقر يرفع ابنه من الارض ويطالع فيه
ابو صقر : لا تدوس ع قلب ابوك ي ولدي ..
وترك صقر والبقيه ومشى ..
ام مشاري : لا تزعل قلبك ي ولدي, الا مايرضى, انت تدري ابو شقد يحبكم انت واختك ..
وتركتهم ومشيت ..
لمى : بروح اشوف ابوي احاول افهم منه ..
صقر طالعها وهو مقهور وساعدها تطلع وراح غرفته ..
ولمى راحت ع غرفة مكتب ابوها ..
وقت الباب ودخلت ..
لمى : يبه ممكن اتكلم معاك.. ؟
ابو صقر : تعالي ي بنيتي ..
لمى : يبه لأول مره اشوف صقر يطلب شيء لنفسه, لأول مره صقر طلب مني اساعده عشان شيء لقلبه, طول عمره عايش عشاني, بس هالمره اهو تمنى شيء, ليه بنحرمه من الشيء اللي يبيه ويسعد قلبه, انت تدري يبه ماعمره طلب اي شيء له, بس هالمره جاني وطلبني اكلمك انه يبي هبه, معناته قلبه يحبها ويبيها معناته يبه مابنقدر نرفض الشيء اللي تمناه, وانا الحين بطلبك يبه توافق ع هالموضوع صقر قلبه مايتحمل يبه ..
ابو صقر : وانتي ي بنتي مفكره اني راضي بهالقرار وانا اللي ادري عن الحب
والله اني قلت له لا وقلبي متقطع عليه تحسبين هالشيء هين علي اني اشوف ولدي مدمر من الحب ..
بس انتوا مابتفهموني الحين ابدا ..