".. مــاذا لـــو عــاد معتــذراً .."

part ..22

".. مــاذا لـــو عــاد معتــذراً .."

Part ...22

صقر ماكان شايف منو ذا اللي اقتحم سيارته , ونزل من سيارته يبي يشوف ويش صار,  انصدم حين شاف سعود ماسك بـ رفيقة أخته هبه ..
صقر : اقول وخر عن البنت ويش شغلك معاها , وين ما اروح اشوفك مقابيلي عشان بنت ..
هنا هبه ابدا مافهمت ويش يقصد بس فهمت ان يمكن سعود راعي بنات..
سعود : قفل حلقك والزم حدك وتراني موب فاضي لك اليوم ابدا
وسحب هبه ويجرها بيدها ويش عندك تركبين مع الاشكال ذي
هبه : وخر عني عورتني ..
صقر هنا استفزته حركة سعود لهبه..
مع ان اخته مكلمته انه ولد عمها بس صقر ماحب طريقة سعود بتعامله مع هبه..
صقر : اقول البنت مالها ذنب غير انها رفيقة اختي وحبت اختي توصلها دامك تأخرت عليها
ويمكن غلطنا عشان قلنا نسوي خير مع اشكال ماتعرف الخير ..
هنا سعود كان بيقفز عليه بس هبه مسكت بيده
هبه : تكفى ي سعود يكفي اللي صار اليوم ويكفيني الفشله اللي صارت لي قدام رفيقاتي
وتركت يده و وركضت ع السيارة..
هنا حس سعود انه المفروض كان يهدي شوي ومايدري ويش بيسوي مع هبه
ولا يدري ليه كل شوي قاعد يطلع بخلقته هالصقر..
اتعوذ من الشيطان وركب السيارة وحركها ومشي ..

اما صقر زاد جنونه وضيقه من اللي سواه سعود ليه يتعامل مع البنت بذي الطريقه

رجع صقر للسياره وشاف اخته تبكي من الخوف..
صقر : ليه تبكين والله ان ماكنتي بجنبي كان ماخليته يروح الا محمل ..
لمى : اخوي انت تدري مالي غيرك وانت توك واعدني اليوم انك ماعاد بتتهاوش مع احد,  ويش بيصير علي لو يصير لك شيء ..
صقر : ماتخافين وانا اخوك, بس ياليت حين نوصل حاولي تطمني ع رفيقتك ويش سوا لها المجنون ذا ..
لمى : انت تعرفه ..؟
ليكون هو نفسه اللي تهاوشت معه اليوم
ع حسب مافهمت من كلامكم..
صقر شغل السياره ومشى وحاول مايرد ع اخته ..
لمى : يعني اهو نفسه اللي متهاوش معاه اليوم ومزعل ابوي بسببه صح
صقر : شوفي ي روح اخوك رفيقتك مالها دخل بس ولد عمها انا اللي بربيه واخليه يرجع لحجمه الطبيعي
ما ادري عشان اهو حفيد عبدالله ال ....
معناته نافش ريشه ..
لمى : انت تدري انا معك بكل شيء تسويه بس انتبه ع حالك ولا تمشي بالغلط ..
صقر : تقولين خالتنا الكريمه ويش مجهزه لنا عشاء
لمى : من صدقك انت ههههه قول ويش مجهزه لنا من هواش واكاذيب لأبوي
صقر : والله انا جوعان وانتي اكيد مثلي
خلني امر ع المطعم ونأخذ لنا عشاء ونريح ع حالنا بعد هاليوم ..

..

عند سعود وهبه بالسيارة ..
سعود : انا اسف ماقصدت أذيتك باللي سويته و لا قصدت افشلك اصلا مابيخلق ربي اللي بيفشل حفيدة عبدالله بس انا عفاريت راسي اتحركوا حين شفتك طلعي معاه بالسيارة..
و ماكمل كلامه الا وقاطعته هبه ..
هبه : ويش تقول طالع معاه ي ولد عمي ي صاين شرفي وكرامتي انا موب طالعه معاه انا كنت مع اخته حنا موب لوحدنا
اعرف كلامك زين انت ويش قاعد تقول ؟
وبعدها دام والغيرة تقتلك وماتبي احد من هلك يروح مع غريب .. قول وينك عن موعدك ماتجي وتأخذني وما ترد ع جوالك بعد ..؟
سعود هنا حس انه كلما حاول يعتذر قعد يغلط اكثر ..
سعود : حقك علي ي بنت عمي وانا اعتذر من جديد وياليت الموضوع ذا مايوصل لجدي.. ؟
هبه هنا ماعاد ردت عليه وهي قالبه وجهها ع الدريشه وضايق حالها من اللي صار ..
وع شوي وصلوا القصر وكل واحد راح ع غرفته وارتاح سعود حين ماشاف احد في الصالون
طلع بسرعه ع غرفته والضيق محتويه ..
وع شوي قرر يروح لـ ليث ..