".. مــاذا لـــو عــاد معتــذراً .."
Part ..53
(..وداعتك انا اعتذر بس تعال,
انت موب غلطان, انا الاسف
وإذا مو صوتك شيقضي الليل
وحشه واتلفت شلون الخايف ..)
...
في المشفى ..
الجد طلب من الموجودين كل واحد يرجع ع بيته وياخذ هله ..
بس سعود و صقر ماقبلوا واتفقوا انهم اللي بيقعدوا بالمشفى لين يصحى ليث ..
هنا ملاك اتفقت مع رهف وهبه انهم يغطوا عليها الين تحاول تشوف ليث قبل تمشي..
وفعلا رهف وهبه علموا عمتهم منيرة ان ملاك بياخذوها معاهم اليوم ..
وهنا منيرة وابو ملاك وبندر مشوا ع بيتهم, مع ان بندر ماحب هالوضع بس قرر يسكت ومايتكلم ..
وابو ليث وام ليث سبقوا ع السيارة ومنتظرين رهف وهبه وملاك..
وابو صقر اخذ حرمته وبنته وطلعوا هم بعد ..
هنا هبه و رهف راحوا لجدهم يقنعوا فيه انه يرجع معاهم ويرجع بكره ..
وملاك استغلت عدم وجود احد وانشغالهم, وراحت وقفت ع العنايه تشوف ليث
هنا كان منظر ملاك يقطع القلب ودموعها تنزل وشهقاتها, رفعت يدها ع باب الغرفه الزجاجي وكأنها تتحسس ليث وتطالع فيه والاجهزه عليه وعيونه مسكره ..
ملاك : لييييه ي ليث لييييه قوم انت بس قوم وعاقبني باللي تبي , بس لا تخليني اشوفك بهالمنظر تكفى ..
وماخلصت كلامها لأنها سمعت الصوت اللي ناداها..
سعود : ملااااك.. ويش عندك.. ؟
هنا ملاك كانت تمسح دموعها وارتبكت وماعاد تدري ويش تقول ..
بس سعود كان فاهم عليها, وقرب لصوبها شوي..
سعود : ليث قوي وبيتجاوز هالمحنه وبيكون بخير تطمني ..
ملاك : ممكن اطلب منك طلب ..
سعود : امري ي بنت عمتي ..
ملاك : تسلم, بس ابي منك تدخلني بكره الصباح عند ليث يعني تحط اسمي من المقربين اللي يقدروا يشوفونه تكفى, بدون مااحد يعرف تكفى ..
ابتسم سعود : تم ولا يهمك, يلا الحين روحي عشان جدي مايقول شيء..
وفعلا راحت ملاك
وهنا سعود تضايق اكثر لأنه سمع كلامها..
سعود يقول بنفسه : اذا كذه خايفه ع ليث وتحبيه اجل ليه خليتيه ااااه بس ..
و ع شوي رجع صقر ومعاه القهوه عشان يقعدون ثنيناتهم ينتظرون ليث يصحى ..
..
في ديرة الشيخ فارع ..
فواز يفكر كيف بيقنع جده يرجع له جواله اقل شيء, هو لازم يطمن رهف, لازم هو بعد يطمن ع رهف ,اساسا كل همه بهالحياة رهف ..
و ع شوي دخلت ام مشعل ومعاها الفطور ..
ام مشعل : قوم يمه افطر وريح ع حالك شوي ..
فواز : انتي تحبيني ..؟
ام مشعل : من هي اللي ماتحب حفيدها والله ان عيوني فدا عيونك ي فواز..
فواز : اجل ساعديني ابي اطلع منها الديره, ابي اروح لحرمتي تكفين..
ام مشعل : اااااه ي ولدي انت تحسبها بذي السهوله ..
فواز : ليه ويش الصعب فيها ..
ام مشعل : شوف ي ولدي جدك مستحيل يسمح لك تطلع منها الديره قبل يسوي اللي يبيه ..
فواز : ماخصني باللي يبيه, انا ابي اروح لحرمتي تكفون افهموني ..
ام مشعل : بقولك اللي يبيه جدك, جدك يبي يخلص منها الهم اللي عايش فيه, ويبي يعترف فيك, استانس ي ولدي ..
هنا فواز قام وقف وكان يصفق ويضحك بطريقه هستيريه
فواز : اجل بالله عيدي ويش قلتي, يبي يعترف فيني, ويرجع يضحك لين نزلت دموعه ..
فواز : طيب اسألوني اذا انا اصلا ابي اعترف فيكم من الاساس ..
ام مشعل : ويش تقول ي ولدي ماينفع هالكلام..
فواز : الا ينفع ونص وانا ما ابيكم بحياتي ابد , واذا عندكم شوية ضمير اتركوني بحالي ارجع لحرمتي ..
هنا الشيخ كان سامع كل الحوار اللي صار وهنا دخل الشيخ عليهم ..
الشيخ : اجل ماتبينا تقول ..؟
فواز : ابد والله اني ما ابيكم وبالنسبه لي مستحيل اتخلى عن زوجتي عشان تعترفوا فيني ..
الشيخ : ومن طلب منك تتخلى اصلا ..؟
فواز : انا الشخص الوحيد اللي قبل فيني بكل عيوبي هي حرمتي .. اما اهلها طالبين مني اتخلى عنكم عشان اتزوج بنتهم..
هنا الجد زاد غيضه وغضبه ..
وزاد تصميمه ع القرار اللي اتخذه ..
واخذ الشيخ زوجته وطلعوا من الغرفه وتركوا فواز بضيقه وعناه وحده ..
..
أنت تقرأ
".. مــاذا لـــو عــاد معتــذراً .."
Mistério / Suspense".. مــاذا لـــو عــاد معتــذراً .." أول رواية لي .. للكاتبة : غيوم .. في من يقول .. نخطي ويخطى علينا والخطأ حاصل وإن ما عذرنا بعضنا ما تصافينا دام الخطأ ياصل أكيد العذر ياصل وش عذرنا عند ربي لو تجافينا إن مافصلنا الجفا عن حده الفاصل والله ليضحك بنا...
