".. مــاذا لـــو عــاد معتــذراً .."

part ..36

".. مــاذا لـــو عــاد معتــذراً .."

Part ..36

(أنا اللي حفظته في عيوني ثلاث أعوام
ولكنّه عمى عيني وضيعت وجهاته

تركني وأنا تايه مع سكة الأوهام
ولا حس بدمع الجريح وتنهاته .)

...
في نيويورك ..
الجد سجن جاك ورجاله كان يبي بعد يعاقب رشا بس تركها كرمة لـ ليث
ع اساس ليث هو اللي يتصرف معاها ..
بعدها رجع الجد للمشفى وصل شاف ليث وسعود نايمين,  ابتسم ورجع قعد بهدؤ ع الصوفا وماشافهم الا صحوا ..
سعود : جدي انت متى جاي.. ؟
الجد : من شوي ..
ليث : جدي ليه متعب حالك,  كان سعود يحجز لك بفندق ترتاح ..
الجد : والله انا مالي راحه بعيد عنكم ..

الجد كان يبي يفتح موضوع الطلاق بس تراجع مايبي يضيق ع ليث
مع انه كان يبي يخلص كل شيء قبل يرجعوا ع حياتهم الطبيعيه واهلهم ..

الجد : شلونك ي ليث ..؟
ليث : والله اليوم احس اني اريد اطلع اتمشى بحديقة المشفى,  خنقتني الغرفه ذي ..
الجد : اي ولا يهمك الحين نشوف الدكتور ويش يقول وبخلي سعود يطلعك ..

..

اما عند رشا اللي كان توها طالعه من زيارة جاك اللي من كثر ماصار فاهمها كتب لها شيك بمبلغ مغري وطلب منها تروح لليث تخليه يتنازل عشان يطلع من السجن ..

..

في قصر صقر ..
اللي رجع من شغلة تعبان وطلع ع غرفته
و اخذ شور وغير ملابسه وانسدح يبي ينام شوي عشان يرجع يطلع
اول ما انسدح ع السرير طلع الشال اللي مخبيه ورماه ع وجهه يبي ينام ع ريحة شال مهرته ..
ومن التعب ع طول راح في نومه
هنا لمى حست من سمعت غرفة صقر ان صقر راجع بس استغربت ليه ما مر عليها خافت يكون تعبان,  قررت تروح له ع غرفته تشوفه ..
دخلت بعدما دقت الباب ومافي حس
ابتسمت حين شافت صقر نايم عرفت انه تاعب بس استغربت من الشال اللي مغطي وجهه فيه .. قربت بكل هدؤ عليه
وسحبت الشال بقوه من وجهه لين فزعته من نومه
صقر : يمممه ويش اللي صاير اخت الصقر ويش بلاها جنت وانا نايم ..؟
لمى : والله اخت الصقر محتاره بها الشال ..؟ هههه
هنا ركز صقر عليها وع الشال وسحبه من يدها
صقر : اقول انقلعي خليني انام..
لمى : تدري عاد ..؟ هالشال احس اني اعرفه..
صقر : اخت الصقر تنقلع احسن ما ابلشها فيني ..؟
لمى : احل تبي هبه ليه ماتقول بس اموت واعرف كيف وصل لك شالها ..؟ هههههه
وركضت بسرعه تطلع من الغرفه ..
اما صقر اللي ضحك ع حركات اخته وانها فهمت عليه, 
صقر : انا لو اجيب مهرتي كيف بسوي مع مخبولتين هههههه
ورجع اخذ الشال من جديد ونام ..

..

في قصر الجد ..
كان نايف راجع من سفرته عشان مافي احد بالقصر من الرجال عشان كذه ماطول ..
كان قاعد نايف و زوجته يتكلمون مع ليلى وعزيز فيديو ..
وليلى حدها مستانسه من عزيز وكل شوي توصف لأمها وابوها شقد هي مرتاحه وان شغل عزيز تمام ومتوفقين بها الحياة
بعدها سكروا من ليلى
ام ليث : انا اقول لو كان عمي مبلغ هالمهندس انه رافضينه عريس لرهف قبل يسافر,  ما ادري ليه ما بلغه للحين ..
ابو ليث : انا بعد ما ادري ليه ..؟
رهف كانت جايه وسمعتهم ..
رهف : عمي وخالتي ياليت تفهمون ان ذا الموضوع انا اللي يخصني وما اعتقد ان في احد غير جدي له الحق يشاركني بذا القرار ..
ابو ليث : رهف اقول اسمعي حنا عائلة عبدالله ال .....
تدرين اسمنا وين موضوع نقدر نقول بالسماء,  عشان كذه ليه بنأخذ واحد ماهوب معروف ومقطوع من شجره ..
رهف : الحين اذا خذيته بيطيح اسمكم من السماء ..
شوف ي عمي مقامك اكبر من انك تفكر بذي العقليه ..
ام ليث : افااااااا عليك احد يكلم عمه بذي الطريقة.. ؟
رهف : ماغلطت ي خالتي انا اكلمكم بطريقة رهف حفيدة عبدالله ال .....
اللي اسمهم بالسماء ..
وتركتهم وطلعت غرفتها مقهوره منهم ..