".. مــاذا لـــو عــاد معتــذراً .."

part ..56

".. مــاذا لـــو عــاد معتــذراً .."

Part ..56

(..وجه الحزن ماهو بيحتاج تعديل ..
الظاهر ان الحزن هذا مطول ..
ي صاحبي و َالله م عاد بي حيل من همي اللي في الحنايا تجول ..
أنا السنة هذي تغيرت بالحيل
حتى الربع لاجيتهم م طول .. )
..

في المشفى ..
ملاك : سعود ممكن ماتدخل بحياتنا, هذا زوجي وانا ابيه, انت ولد خالي ع عيني وراسي بس هذا زوجي اعتقد ما احد له كلمه علي غيره ..

هنا سعود انصدم من ردها بها الطريقة,  و وصلوا البنات ع الاصوات اللي سمعوها..
سعود : شوفي ي بنت عمتي انتي تدرين انك بحسبة اختي, واللي ما ارضاه ع اختي ما ارضاه عليك,  مافي داعي تكابري ع شيء ماتبيه ..
هبه : ملاك تكفين لا تسوي شيء ترجعي تندمي عليه,
هنا صقر فز قلبه اول ما سمع صوتها ..
بندر : انا اقول من قاعد يحش براس زوجتي اتاري بنت خالها الحيه..
هنا صقر كان ماسك سعود عشان مايقفز ع بندر,  بس بعد كلامه ذا صقر اللي قفز ع بندر وما رحمه ابد حتى سعود ماقدر يفكه لين وصل الجد ..
الجد : صقر, سعود .......
صقر وسعود غمضوا عيونهم, ماكانوا يبون الجد يدري بها السالفه ..
وتركوا بندر و وقفوا ..
الجد : ويش اللي صاير تبون تفضحونا بالمشافي وما احترمتوا حتى المريض ..
سعود : جدي حنا ...
الجد : اسكت ما ابي اسمع كلمة منكم ..
الجد : بندر ي ولدي نعتذر منك بس قولنا ويش اللي صاير ..
صقر : اشدعوه تعتذر ي جدي هو قاعد يغلط ع حريمنا ..
الجد : مانيب شايف حريمك وينهم ..؟
هنا صقر انقهر من حركة الجد وتركهم وطلع ..
بندر : والله ي عمي حفيدك و خويه قاعدين يتدخلون بشغلات مالهم فيها ..
الجد لف لملاك : ويش فيك ي بنتي, احد مزعلك ..؟
ملاك : لا ي جدي سوء تفاهم والحين حنا طالعين بستأذنكم ..
وطلعت وبندر لحقها و اسرع بخطواته الين مسك يدها ودخلها ع السيارة ..
وهي ساكته ولا نطقت بحرف ..
وبندر هو الثاني ساكت ومشوا طريقهم الين بيتهم ..
..

الجد : ويش عندكم يالبنات ..؟
رهف : والله حنا قلنا نشوف ليث ..
بس انت ي جدي غلطت مع خوي سعود صقر ..
الجد : ويش اللي غلطت معاه..
سعود : جدي هذا بندر يقول ع هبه حيه وانها اللي مخربه بـ ملاك,  بس انت ماقصرت ي جدي وعرفت كيف تتشكر صقر ..
وتركهم سعود وطلع يدور ع صقر ..
الجد طالع بـ هبه وشافها شوي وتبكي ..
الجد : انا ويش عرفني باللي صار, ماغير شفت سعود وصقر بيقتلوا هالرجال ..
اجل الحين انتوا مع من جيتوا.. ؟
ليلى : مع عزيز ..
الجد : اجل دقي عليه ياخذكم ..
ليلى دقت ع عزيز وطلبهم ينزلون عشان هو منتظرهم ..
..
وسعود طلع من المشفى يدور صقر
الين شافه قاعد بعيد عن المشفى ع كرسي,  هنا سعود ركض وراح لـ صقر ..
سعود : سعود وينك ي رجال ..؟
صقر : حسيت حالي مكتوم قلت اطلع اتنفس..
هنا سعود جلس جنب صقر وحط يده ع كتف صقر ..
سعود : انا اعتذر لك يالخوي ع اللي صار, ترا جدي موب قاصد غير انه .....
قاطعه صقر ..
صقر : انسى ماعليه, هو ماقال شيء غلط, انا بأي صفه اقول حريمنا..؟
سعود : والله انت غير انك خويي انت صهري, قبلوا او ماقبلوا انت صهري,  انت النسب اللي تتمناه كل عائله ..
صقر ابتسم : الله يعلي شانك ي سعود فوق ماهو عالي ..
وحضنوا بعضهم ..
وراحوا يرجعون ع المشفى, وفجأه التقوا بالبنات طالعين ..
ليلى كلمت سعود
وهنا هبه استغلت الوضع ان سعود موب مركز عليها ..
هبه وهي قريبه من صقر ..
هبه : والله انك السند اللي الله لا يحرمني منه ..
ومشت بسرعه قبل سعود يركز ..
اما صقر لعبت هالكلمتين بقلبه لعب, حتى انه نسي الجد ويش قاله ونسى كل شيء وماغير يتذكر كلام هبه وصوتها ..
صقر بصوت هادي وعينه عليها : ولا يحرمني ربي منك ي مهرتي ..
سعود يطالع بصقر ويضحك ..
سعود يأشر لصقر و صقر موب مركز معاه..
سعود : ههههه اقول صقر ترا راحت من شوي ههههه ويش اللي للحين تطالع فيه ..؟
هنا صقر حقيقةً حس بالفشلة ..
صقر بتلعثم : اسف والله ما اقصد, ما ادري ويش صار لي ..
سعود : اقول امشي امشي هههه..
مشى صقر وهو متفشل, وبنفس الوقت حابب علاقته بسعود وليث اللي ابدا ماشكوا فيه او فكروا فيه غلط من ناحية الاهل ..
..
وصلوا ع غرفة ليث وشافوا الجد ..
الجد : تعال ي ولدي ي صقر والله اني مادريت انا ويش اللي قلته ....
قاطعه صقر,  وراح يبوس يده ..
صقر : ماعليك ي جدي كلامك ع عيني وراسي والله ..