".. مــاذا لـــو عــاد معتــذراً .."

part ..20

".. مــاذا لـــو عــاد معتــذراً .."

Part...20

في المستشفى ..
عند ليث اول ما سمع صوت اخوه ع طول فز وغير ملابسه وطلع من المشفى رايح لسعود وفي الطريق رن جواله شاف الاتصال من رشا .. عطاه سايلنت عشان مايسكر الخط عليها وكمان عشان ما احد يشغله عن سعود وكمل يمشي بكل سرعته يبي يشوف سعود وع شوي رجعت رشا تتصل بس بدون رد ..

وصل ليث ع المجمع اللي كلمه سعود بس تفاجئ حين شاف سعود حالته حاله و بالكاد واقف ع رجليه يتكلم مع شباب وناس باين عليهم الخير,  تقدم ليث لجهتهم وكان واحد من الشباب مع كثر الكلام اللي اقتلب هواش مد يده يسحب بتيشرت سعود
وماشاف الشاب نفسه الا وفي يد ماسكه على يده بكل قوتها وعروقها اللي من كثر بروزها بتحسها بتنفجر
رفع راسه الشاب وشاف امامه رجال بكل هيبته وقوته
الشاب : هااااااي وخر يدك احسن ما اكسرها لك
ليث وهو يشد ع اكثر ع يد الشاب
ليث : ماسمعتك ويش تقول ويش بتسوي
سعود هنا مسك بذراع ليث الثانيه
سعود : اقول ( يكلم الشاب ) وين راح صوتك؟ توك قبل شوي حتى ابوك موب قادر يضبطك ..
ابو صقر يكلم ليث : استهدي بالله ي ولدي باين عليك عاقل وراكز وحنا جينا نفك الهواش اللي صار مانبي نزيده ..
ليث : والله ي عم انا من يوم شفتكم قلت باين عليهم وجيه خير بس ولدك وجه مايقول كذه ..وترك يد الشاب ..
الشاب : والله انت واللي تحامي عنه وجيه مالها بالخير ..
ابو صقر سحب ابنه وسكته ..
سعود : ي عم انا من شوي وانا افهمك اللي صار يمكن انا تهورت بردت فعلي بس بعدها اللي صار كله من ولدك والبزران اللي معاه ..
ابو صقر : خلاص ي ولدي ودامكم باين عليكم رجال انت واللي معاك .. ماقلت لنا من هو ذا الرجال ..
ليث : انا سند سعود وضلعه الثابت انا اخوه وحنا عيال نايف بن عبدالله بن تركي ال .....
ابو صقر : ي هلا وي مرحبا يعني انتوا احفاد عبدالله وانا اقول الرجوله وراثه ..
ليث وسعود : تسلم ي عم الله يخليك
كان صقر يشوف لهم والحقد بعيونه
ابو صقر : وانا ابو صقر محمد ال ....
وهذا ولدي صقر
ليث وسعود : ي حيا فيك ي عم ابو صقر واعذرنا ع اللي صار ..
صقر : اي كل واحد يرجع يعتذر لأسياده
هنا سعود كان بيقفز عليه بس مسكه ليث

وماسعموا الا طررررررق كف طاح ع صقر من ابوه ..
ابو صقر : انت ماعاد تستحي تبي تفشلني بين الناس
صقر : تضربني يبه عشان اثنين توك شايفهم الحين
والله والله ان ماخليتكم تندمون ع الكف اللي طاح فيني امامكم ما يكون اسمي صقر ..
وراح وتركهم..
ابو صقر اعتذر منهم واهم كمان وتسامحوا مع بعض وكل واحد راح بطريقه ..

..

عند سعود وليث بالسياره كان ليث يسوق وهو ساكت وهو يبي يأخذ سعود للمشفى يداوي ويضمد جروحه وكل واحد ساكت منتظر الثاني يتكلم ..وصلوا ع المشفى ونزل سعود مع ليث واخذه ليث ع غرفته بعدما داوى جروحه
ليث : اقول الحين لازم تكلمني ويش اللي صار .. انتبه تقولي نفس الكلام اللي قلته لأبو صقر,  اكيد ناقص شيء ماقلته
بسمعك تكلم ..
سعود كان يدري انه بيوصل للمرحله ذي ..
سعود : ما ادري ي ليث اذا بتقدر تفهمني بس خليك معاي بقلبك موب بعقلك ..
ليث يقول بنفسه وانا ويش شاغلني غير قلبي
ليث : بسمعك كمل ..
سعود : اهو كان بيطيح ع البنت اللي ابيها يعني البنت اللي بتصير زوجتي البنت اللي طيحت قلبي وروحي
ويش تبغاني اسوي بذي اللحظه ..؟
ماعاد قدرت اشوف امامي الدم كان يغلي براسي ماكنت بوعيي ي ليث انا بالنسبه لي ذا اكثر موضوع حساس انا حتى رجعت لدراستي وحياتي عشان جدي وعدني بيزوجني البنت ذي ..
ليث : ااااااه ي اخوك ويش اللي اقوله واخوك موب احسن حال منك
بس انت حفيد عبدالله لازم تتمهل وتدري بكل خطوه تسويها
سعود : ادري ي اخوك بس الحين قولي كيف بنبرر وضعي لجدي والاهل
ليث : بنقول صار هواش بسبب موقف سياره وكذه كلام لا تشيل هم اخوك معاك للنهايه
قاموا بعدها وحضنوا بعض وبعدها طلعوا الاثنين وجهتهم القصر ..