".. مــاذا لـــو عــاد معتــذراً .."

part ..14

".. مــاذا لـــو عــاد معتــذراً .."

Part ...14

في بيت ابو ملاك ..

ابو ملاك : اليوم عمي عبدالله متصل علي يقول اليوم بيجون اهل عزيز اللي طالبين ليلى
ويبينا نكون موجودين وانا عشانك ي منيره وعشان عمي اجلت اجتماع اليوم وقلت بكون معاكم اليوم ..
منيره : الله يخليك لي ي عزوتي وسندي انت
ملاك : احم احم تراني موجوده ما احد منكم بيقول اي شيء عشاني
ابو ملاك : انا اللي بقول ليش كم عندي ملاك ..؟
حين ارجع من شغلي اشوفكم جاهزين ..
ام ملاك وملاك : تم ..
رجعت ملاك جلست وتتذكر انها احسن شيء سويته انها تراجعت عن فكرة إنها ترسل ع ليث
لأنها ماتبي تشوفه بعدها ع طول
بس الفكرة ما راحت من بالها بس أجلتها ..

..

عند حسين اللي كان مع عزيز يسولفون ويضحكون في بيت عزيز عشان حسين بيروح معاهم وعزيز الدنيا موب سايعته من الفرح وسالم يطقطق عليهم شوي
وقاعدين ويا بعض يختارون لبسهم مع انه مابيشوف العروس فقط بيتم طلب رسمي ويتفقون ع كل شيء وع الملكة والعرس ..

..

بالقصر عند البنات اللي هم كمان مايدرن كيف بيلبسون مع انه فقط بتجي امه واخته بس فرحانيين لليلى ويبون يتعرفون ع اهلهم الجدد
ورهف كانت تشوف فرحة ليلى وحست ان الفرحه ذي حلوه كيف لو كانت مع الشخص اللي تبيه..

..

عند سعود اللي خلص حس ان الحياة رجعت له من جديد
جده ومتصالح معاه حتى انه قرر يكمل يدرس ذي السنة بأنتظام
والاهم حبيبته بتصير له وجده اللي بيخطبها له من هنا رجعت لنا حياة سعود الفرفوش اللي الكل يحب يجلس معاه..

..

وعند ليث اللي مقضيها بالمستشفى واذا فضي شوي يروح ع اللاب يشوف زوجته او يتصل عليها اللي بالحيل يحس حاله مشتاااق لها ..

..

وعند نهى اللي خلاص تبلدت مشاعرها وهي بالاكثر قاعده جنب امها اللي تشوفها تخطب للشخص اللي تحبه وتتمنى اهي تكون محل البنت اللي بتنخطب له ..

..

اما فواز اللي صح خايف من رد رهف له بس خايف اكثر من انها لو تعرف انه يتيم وماعنده احد وهي اللي اهي بنت عالم وناس معروفين ولهم اسمهم ..

..

في القصر ..
الكل مجتمعين والكل مجهز حاله ع اكمل وجه يناسب مناسبة اليوم يعني موب مبالغه في التجهيز ..
وع شوي سمعوا دق جرس القصر وعرفوا انهم وصلوا ..
ليث وسعود رحبوا بالرجال واخذوهم ع مجلس الرجال ..
وام ليث ومنيره يرحبون بـ ام عزيز وبنتها ويدخلوهم ع مجلسهم الخاص فيه
وريحة البخور والقهوه معبة القصر
ليث وسعود قاموا بالواجب من الضيافه ..
ودار حوار بسيط حوار تعارف بينهم في المجلس بعدها ..
ابو عزيز : والله ي ابو تركي وابو ليث جيناكم ونطلب القرب منكم ومن نال قربكم نال الفخر والشرف والنسب وانا جاي واني ابي بنتكم ليلى لولدي عزيز ع سنة الله ورسوله ..
الجد : عزك الله ورفع مقامك وطيب لسانك فوق طيبه
نايف : حنا لنا الشرف بناس اجاويد مثلكم ..
الجد : والموضوع دامه صاير عندنا من قبل نقدر بس نتمم ونقول الله يقدم اللي فيه الخير ومبروك ي ولدي عزيز ..
وقدم الجد يده وعزيز ع طول راح يبوسها ويسلم عليه والكل صاروا يتبادلوا السلام والتباريك ..