".. مــاذا لـــو عــاد معتــذراً .."

part ..25

".. مــاذا لـــو عــاد معتــذراً .."

Part...25

في صباح يوم جديد مع أبطالنا في الويكند واليوم الكل بيجتمع بالقصر ..

..
في بيت ملاك ..
كانت ملاك تجهز نفسها عشان بيروحون اليوم هي وامها قصر جدها وفكرت بما انها رح تشوف اليوم ليث قررت انها تبدأ تعلمه عن هويتها عشان تبي تعرف كيف بيكون حين يشوف لعيونها تبي تشوفه اذا يحس بالشيء اللي تحسه تجاهه
اخذت جوالها ودخلت ع سناب وقررت تكتب ( هويتي ماهي بغريبه عليك انت بس لو تبي كان بتعرفني من عيوني دامني وانا اللي تعلقت فيك من نظره عابره من عيونك.. ) وارسلتها
وبعدها طلعت لأمها وهي مستعده وجاهزه تبي تروح تشوف ليث اللي مشتااااقه لشوفته بالحييييل ..
..

بالقصر الكل جاهز ومنتظر بس منيره وبنتها يوصلون عشان بيقضون الويكند بالشاليه ..
وهنا وصلت منيره وملاك وبدؤا يركبون السيارات وكالعادة ابو ملاك ماقدر يجي بسبب اشغاله ..
كانوا البنات يحبون سيارة سعود يروحون فيها
عشان كذه ابو ليث اخذ ابوه وقررت رهف تروح معاهم تبي جو هادئ تفكر فيه ..
وبسيارة سعود
طلع سعود وليت امام وبالخلف منيره وملاك وهبه
ماحبون يزيدون بالسيارات الثنتين ذول يكفون ..
بسيارة سعود ماكان احد منشغل بأحد الا ملاك اللي منشغله بـ ليث وفرحانه بالحيل عشان هي معاه بنفس السيارة ..

وع شوي كان سعود يقلب بجوال يبي اغنيه تونسه
وليث كان مشغول بجواله وكان منصدم وهو يقرأ الرساله اللي بالسناب
( هويتي ماهي بغريبه عليك انت بس لو تبي كان بتعرفني من عيوني دامني وانا اللي تعلقت فيك من نظره عابره من عيونك.. )
هنا ليث فكر ع طول بـ وحده من الثلاث
رهف,  هبه,  ملاك
بس رهف وهبه طول الوقت ويانا ومافي اي شي يثبت
وفجأه اعاد تفكيره لقبل فتره وتذكر حين شاف ملاك وبعد اهي الوحيده اللي واصل اذا اجتمعوا وشاف لها مثلها مثل هبه ورهف كانت تنزل عيونها بخجل ماكان يفهمه
قرر يرفع عيونه للمريا وع طول طاحت عيونه بعيونها اللي قاعده تشوف له وتتأمل كل حركاته بعدها ارتبكت ونزلت راسها وقعدت تفتح بشنطتها وتلف يمين ويسار ماتدري ويش تسوي
وهنا ليث تأكد انه البنت ذي هي ملاك ..
ارسل عليها ( عند الملاك الزين يعجز الرد.. بس اللي اقدر اقوله لك ي مرحبا بك  ..)
وارسل الرساله وهو منتظر يشوف كيف بتستقبل رده وفعلا شافها فزت ولمعت عيونها وهو بس كان يناظرها من المرايا ومايدروا ع شوي الا وملاك تكح
هنا ليث ابتسم وعرف انها انصدمت بمعرفته لها وبجوابه..
ليث : ويش بلاك يالملاك هدي وابتسم ع جنب..
منيره : بسم الله عليك يمه ويش بيك.. ؟
هبه : تبغين مويه تبغين شيء ..؟
وليث قاعد يطالعها من المرايا وهي رفعت راسها وشافته يشوفها
سعود : انتوا كلكم ويش بلاكم خربتوا جوي وانا منسجم..
منيرة : الله يهداك ي سعود وحيدي مدري ويش صار لها وانت حسك بها الانسجام
ليث : مافيها الا العافية, غير سعود حب يضحك شوي ..هههه وليث عيونه مانزلت من المرايا..
ملاك : انا بخير خلاص مافيني شيء..
سعود : والحمدلله وصلنا قبل يصير في مصاب ثاني هههههه
منيره ضربته ع راسه : انت ماتعقل هههههه
..
وفعلا الكل وصل ونزلوا الحريم والبنات وليث وسعود نزلوا الاغراض
وبدؤا يجهزون عشان الغداء والبنات طاير عقلهم ماعاد يبون يتغدون يبون يكونوا ع البحر بس كالعادة ممنوع عليهم البحر لين الغروب اقل شيء
بعدما خلصوا الغداء وتقهووا وحلوا كمان هنا سعود حب يفتح موضوعه
طبعا الكل موجود ماعدا البنات اللي مشغولين برحلتهم مايبون يضيعون لحظه
سعود : بما ان كل كباري متواحدين هنا ابي اتكلم معاكم ..
ابو ليث : قول يبه ويش اللي تبيه.. ؟
سعود : جدي الوحيد اللي عنده معلومه عن الموضوع اللي ابيه
ام ليث : دام وجدك عنده الموضوع معناة الامور زينه ..
والجد كان ساكت ويطالعهم فقط
سعود : والله انا قررت اتزوج
منيرة : ي ذي الساعة المباركة, من بكره انا وامك بنشوف لك عروس تليق بسعود حفيد عبدالله
سعود : لا لا تكفون العروس جاهزه بعد ..
ليث : مافي داعي تسوون شيء غير انكم تتممون الامور
ويش تقول ي جدي ..؟
الجد : سعود يدري ان انا معطيه كلمة بذا الموضوع و اول مانرجع بنفرح قلبك ي وليدي..
هنا سعود طار من الفرح وقام يبوس راس جده ويديه والكل يسلم عليه ويبارك..
الجد : وانت ي ليث ويش وضعك, اخوك اللي اصغر منك بيتزوج وحتى اختك متزوجه بعد,  وانت ماتبي نشوف لك بنت حلال تسعد قلبك..
هنا ليث ابتلش من جد
ليث : ي جدي انت تدري ماني من اللي يبي يجيب له وحده تضيق عليه وناسته
انا احب اكون فري ..
ام ليث : ويش ذا الكلام يمه ويش تضيق عليك,  لو العالم بيمشوا بكلامك كان ماتزوج احد ..
ليث : الله يهداكم ليه قلبتوا الموضوع علي خلونا بمعرسنا
يلا انا وسعود بنستأذنكم طالعين نغير جو ع البحر ..
واخذ سعود وطلعوا يبي يقفل هالموضوع ..
الكل هنا ضحكوا ع ليث ..

منيرة : تعرفونها ذي البنت اللي يبيها سعود ..؟
ام ليث : انا ما ادري عنها غير مادام وعمي يدري عنها معناه مالنا شغل ابد..
منيرة : الله يتمم ع خير ..

..

عند البنات كانوا يتصلون ع ليلى ويسولفون معاها وضحك واكل وكلام
..

عند سعود وليث
سعود : والله للحين موب مصدق ابي اتصل عليها وابشرها..
ليث : الله يتمم فرحتك ع خير, يلا بنتظرك هنا وانت روح دق عليها وبشرها..

واخذ ليث جواله يطقطق فيه ..

سعود اخذ جواله وراح قريب البحر ويدق ع رنا ..
رنا : حي الله اللي يرد الروح وإن غاب لو كنت متهني أسكت وراع الهوى مفضوح لابد مايحن ويغني ..
سعود : على الرجاء والعتب والنوح أعز نفسي ولكني أكافح الخافق المجروح أمحبة ألة ياعنك أني..
يالبيييييه قلبككك يالبييييه صوتكككك يالبيه حتى حروف أسمك
رنا : أموت في صوته المبحوح لا قال لبيه يقتلني .. وضحكت
سعود : انا محياك ودنياك .. اقول ابي ابشرك ي زينة المملوح ..
رنا : الله يبشرك بالخير ي مملوحي ..
سعود : اليوم علمت كل اهلي عن موضوعي معاك و ع اول الاسبوع ان شاء الله بتصيرين لي وبكون بوسط بيتك اطلبك من ابوك لي حلالي ودنيتي المتبقية..
رنا والفرح باين ع صوتها: انت من صدقك خلاص حلمنا بيصير واقع اخيرا ي سعود اخيرا ..
سعود : اي اخيرا ي حياة سعود ..
والله ما ودي اسكر بس ليث يأشر لي يبيني متواصلين ي روحي..

وسكر الجوال و فرح الدنيا محتويه ورجع لليث اللي كان يأشر له يخلص بسرعه
ليث : كل ذا تبشرها, اجل بس تخطبها ماعاد نشوفك.. ههههه
سعود : والله ي ليث انت مامتخيل شقد فرحتي, وعقبال ما افرح فيك مع الحب السري اللي ماندري عنه ..هههههه
بعدها كملوا سوالف وقرروا يدخلوا البحر يتسبحون ويطيرون حرارة الشمس ..

..
طلعوا من البحر واخذوا ملابسهم راجعين للشاليه القريب من البحر وشعرهم المبلول وهنا ام ليث ومنيرة كانوا يبون سعود وهنا راح سعود لهم..
بس ليث قرر يدخل من الباب اللي بالوراء عشان مايلقي احد من البنات ويبي يغير ملابسه ..

وبنفس اللحظه ملاك قررت تطلع من الباب الخلفي للشاليه عشان بتخرج ع طول ع حديقة صغيره فيها مرجيحه و ورود

..
اخذت ملاك جلالها وغطت نفسها وطلعت وانصدمت باللي شافته امامهااا..

..

يتبع ...