".. مــاذا لـــو عــاد معتــذراً .."

part ..30

".. مــاذا لـــو عــاد معتــذراً .."

Part ..30

اعتذرلك والخطـا ماهـو خطـاك../
الخطـا حبيت في ذمـه وضميـر ../
//
اي هديتك ثـوب ماهو بمستـواك ../
كان فيه الطول..وانت اللي قصير ...

..

في القصر ..

الكل رجع رايح ع دوامه وشغلة وحتى سعود راح ع جامعته ..

الجد : نايف الحقني ع غرفة مكتبي..
نايف : تم يبه ..

راح ابو ليث ورا الجد ودخل معاه ع غرفته وجلسوا مقابيل بعض ..

ابو ليث : خير يبه, من امس وانت مكدر خاطرك..
الجد : اي انا اللي اجمع ورا خرابيطك
وانت موب داري بهالدنيا ..
ابو ليث : يبه ويش اللي صاير ..؟
الجد : ليث وسعود مسوين صداقه ويا صقر ولد ابو صقر ..
ابو ليث : اي ويش اللي بيها ..؟
الجد : نايف انهبلت انت ماتدري ويش معناه ان ابو صقر يصير قريب مننا ومن احفادي ..؟
هنا ابو ليث رجعت فيه الذاكره ومسك بيده ع راسه
ابو ليث : هذا اللي ماحسبنا حسابه..
الجد : انت موب حاسب حساب شيء لأنك تدري ان ابوك وراك ..
اقول خليك منتبه ع العيال لأن ابو صقر قاعد يحوم حولهم ..

وبعدها ابو ليث طلع وراح ع شركته والجد قعد ع مكتبه والافكار كلها براسه ..
..

في جامعة رهف ..

كانت رهف مع رفيقاتها يراجعون بالتصاميم اللي مجهزينها وع شوي دخل الدكتور فواز .. وفز قلب رهف حين شافته وابتسمت وفواز اساسا اول مادخل ماغير يناظر في عيون اللي ترد الروح , وقعد يشرح في محاضرته ويسرق نظرات من اللي خطفت قلبه
وبعد المحاضرة طلعت رهف ورفيقاتها
بعدها ماغير حست باللي يفز قلبها بصوته
د/فواز : انسه رهف ممكن شوي ..؟
رهف : الحين بجيك دكتور..

راحت لمكتبه وهو قاعد منتظرها ودخلت
رهف : طلبتني ي كتور..
د/فواز : طلبت قلبك تقدري ماترديني ..؟
رهف هنا الخجل محتويها وموب قادره ترفع راسها
وهي اللي تبي تقول : قلبي لك بدون مطلبك ..
د/فواز : ماينحني راسك لا بخجل ولا بغيره وانتي اللي ماخذه قلبه فواز..

رهف هنا ماعرفت كيف تغير السالفه
رهف : تقدر تجينا وتشرفنا وتتعرف ع اهلي بأي وقت ..
فواز هنا حب يوترها اكثر
د/فواز : اهااا ذا الموضوع انتي من علمتك بموضوعي قعدنا شهر الين الحين ..
والحين ما ادري معاي اليوم سفرة ضروريه واحتمال بغيب شهر وعقبها بجيك واتعرف ع اهلك..
كان فواز يتكلم وهو يناظر في عيونها شلون تتغير وتنخبص, هو يدري انه زاد من توترها بس هي بعد عذبت قلبه شهر وهو منتظر هالحظه ..
اما رهف تمنت تنشق الارض وتبلعها
او انقطعت لسانها ومانطقت وشوي تبغى تبكي من الفشله
رهف هنا اخذت كتبها و طلعت بدون ماتنطق حتى ..
اما فواز ابتسم ع خجلها و زعل شوي انه حطها بهيك موقف
بس فواز يموت ولا يزعلها بس حب يشوف منها اي ردة فعل بس طلعت بدون كلمة..