".. مــاذا لـــو عــاد معتــذراً .."

part ..33

".. مــاذا لـــو عــاد معتــذراً .."

Part ..33

( على ذاك الطريق اللي يسمونه غرام أحباب ..
وطت رجلي على دربه ولا أدري وش نوى فيني ..
تبعته لآخر دروبه الين ان القمر قد غاب ..
تعب قلبي ولا تعبت مسافات توديني ..
وصدفتك معجبه فيني وياليت الغرام اعجاب ..
وتراك انتِ الهنوف اللي هقيتك تستحقيني ..
عطيتك عشق من قلبي وسلمت لغلاك رقاب ..
وغيرك يحترق قلبه ولا يقدر يحاكيني ..)

..
عند ليث اللي شاف شاشة جواله ضوت فجأه شافها رسالة من رقم غريب..
بس بسرعه التف وعرف انه رقم ملاك
وملاك ماكنت تناظر فيه ابدا..
ملاك ( تبي الصراحة عاد ..تدري ويش العيب ..؟
اني اندفعت وجيت للحب كلي ..
أنا لو اني أعلم السر والغيب
ماكان حبيتك ولا صرت خلي ..
سلم على قلبك وسلم على الطيب ..
درب التغلي ينتهي بالتخلي ..*
اللي ابي اقوله بطلت تكون مهم عندي اقعد براحتك.. ) ..
قرأ الرسالة ومايدري ويش اللي حسه و ويش الشعور اللي جاه بس بس سكر جواله واخذ نفس والتف يسمع لجده ..

الجد : انتم تدرون ان رهف جاها خاطب وحنا للحين ماردينا خبر للرجال ..
نايف : اقول يبه ان شاء الله تكون فكرت زين بها الموضوع وانت تدري اسمك بالسماء وتدري من اللي يناسبه ومن لا ..
رهف : ويش قصدك عمي ..؟
نايف : ي عمي انا ابي مصلحتك ..؟
رهف : ويش اللي يضر مصلحتي انه يتيم.. ؟
الجد ضرب بعصاه : خلاص ولا كلمة
اقعدي ي بنتي وانا تدرين اني كنت موافق وماكان عندي مشكله بموضوع يتمه..
رهف : كنت ..
ليث : ويش اللي صاير ي جدي ..؟
الجد : هذا الزواج مابيتم وانا موب موافق وانتهى ..
رهف هنا نزلت دموعها ومسكت قلبها
سعود ركز عليها,  وهو بعد قد مر بموقفها
سعود : جدي ليه ويش يضرنا اذا يتيم
دام رهف راضيه خلاص تأخذه ..
ليث وهو يشوف دموع رهف : جدي الله يخليك انت عاقل وحكيم وذي المواضيع ماتهمك..
الجد : انت وياه ويش دخلكم حفيدتي وشورها من شوري انا وانتهى ..
ليث وسعود : وحنا اخوانها ي جدي ولا نسيت انك كذه مربينا ..
ليث : وانا اللي ما ارضاه ع ليلى بعد ما ارضاه ع رهف ولا هبه
بس ذا كمان موقفي لو كان الموقف مع ليلى ..
رهف : جدي انا موافقه ومابغير رأيي..
الجد : رهف بنتي افهميني ويش اللي تبين فيه,  بكره بيجيك اللي احسن منه, انتي حفيدة عبدالله..
ملاك هنا تدخلت ..
ملاك : ويش يعني ي جدي احفاد عبدالله اصطفاهم ربي عن باقي الخلق ..؟
منيرة : اسكتي,  وضربتها ع الخفيف بكتفها ..
بس هنا ليث فهم مقصدها ..
ليث : جدي واذا حفيدتك ويش يعني, الرجال سمعتة زينه وشغال وع قد حاله وماشاء الله عليه ..
كان الجد يحاول مايبي يقول السبب الحقيقي ورا رفضه لفواز ..
ام ليث : اي الحمدلله جاءت من جدكم,  والله كنتم تبون تفضحونا بين الناس..

هنا رهف جنت من كلامها
رهف : عمتي ويش تقولين نفضحك ليه وانا بقولها ماني اخذه الا فواز ..
واخذت حالها وطلعت غرفتها ولحقوها البنات
اما ليث وسعود اللي حاسين فيها انقهروا ع وضعها..
والجد مقهور اكثر لأنه حفيدته امانة ولده موب قادر ينفذ لها اللي تبيه ..