".. مــاذا لـــو عــاد معتــذراً .."

part ..52

".. مــاذا لـــو عــاد معتــذراً .."

Part ..52

..
(..مَات الزَّمَان بـ غيبتك صَار الزَّمَن عِنْدِي وَهُم
مَا بِهِ سِوَى لَحْظَة أَلَم عيّت تُشَدّ رحالهـا

لَكِن الْأَدْهَى والأَمَـرْ الذِّكْرَيَات الْمُوجِعَة
إلَّا تبي تَقْضِي عليّ فَأَل اللَّهِ وَ لَا فالها..)

..

عند فواز اللي وصلوا ع الديرة واستقبلتهم الشيخة ام مشعل و راحت ركض تشوف فواز وتطمن عليه ..
بس فواز ماعطاها اي اهتمام و دخل ع غرفته بدون كلمه ..
ام مشعل : سلامتك ي ولدي طمني عنك ..؟
فواز : انتوا لوما وجعكم ضميركم, لا عفوا لوما خفتوا ع مشيختكم وخليتوني بحالي ,كان انا بخير ومرتاح وماعلى قلبي شر ..
ام مشعل : لا تقول كذه ي ولدي والله لو علي ماتركتك من يومها بس ما باليد حيلة ..
الشيخ : الحين اذا جاهز تسمعني بعلمك الحقيقه كلها بس ما ابي حركات هالبزران اللي سويتها من قبل ..
فواز : اسمعك قول ..
الشيخ : هاي جدتك ام مشعل, مشعل بيكون ابوك , مشعل ولدي غلط غلطته بشبابه , واعتدى ع البنت المسكينه اللي كانت تساعد جدتك, وانا بعد غلطي محسوب,  ع طول طردت هالمسكينه عشان ما احد يدرى عن اللي سواه ولدي ,كيف وانا الشيخ يطلع هالفصل الناقص من ولد الشيخ, 
لكن جدتك اخذت امك المسكينه واهتمت فيها و زود ذا كله عرفنا بعد كم شهر انها حامل, بذي الساعه انا زاد جنوني, و مشعل درى عنهالسالفه, مشعل بعد ماجاز له الموضوع هو بعد ما يبي ولد حرام ..

فواز دمعت عينه : اي اجل ولد حرام, اغلط وارجع قول ولد حرام ..

هنا الشيخ كمل كلامه : وهنا كان ابوك يبي يقتل امك ويخلص منها العار اللي بيلحقه ويلحق فينا وهو ولد الشيخ,  بذي الساعه لو احد درى من اهل الديره بيطلوا بعد العقاب لولد الشيخ , بس انا اقترحت عليه انه ننتظرها تولد ونأخذ الولد ونطلعها من الديره , وفعلا اول ما ولدت امك قلنا لها انك طلعت وانت ميت وبعدها جدتك اخذتها لناس تعرفهم يهتموا فيها خارج الديره وماندري الحين عنها ..
فواز : اي كمل وبعدها وين وديتوني كمل ..
الشيخ : انا اخذتك بدون حتى ابوك مايدرى وماخليته حتى يعرف مكانك واخذتك لين باب ميتم واتخفيت لين اخذوك وعقبها اخذت كل معلوماتك وبدأت اراقبك واهتم فيك ..
فواز : وليه ولدك مشعل ما وداني هو للميتم ليه خايف يعرفني ويعرف مكاني ..؟
الشيخ : لأن ولدي قاسي وكان يخاف ع نفسه لدرجة ممكن يتهور ويقتلك, ولا ان احد يدرى عنه وهو اللي مسوي حاله الشيخ من بعدي ..لكني الشيء اللي راضي عن نفسي فيه هو اني بعدها ملكت لأبوك وامك و بعدها طلقها عشان لو بالزمان صار شيء امك تكون عفيفه مثل ماهي ..
فواز : لا انت ماتقصر اساسا..
فواز : وينه هالمشعل ابي احبس انفاسه بشوفتي ..
لف ع ام مشعل وشافها تبكي ..
ام مشعل : ولدي من ظلمه وجبروته, كان ماخذ حقوق ناس ومعذب ناس, وبالاخير اجتمعت عليه عصابه وقتلته وكلهم اصحاب حق وحتى مشعل قاتل لهم ثلاث رجال وحرمه ..
فواز : ي زين الزمان لا دار واخذ حق كل مظلوم ..
الشيخ : ربك كريم, وانا ي ولدي ماتركتك بيوم ..
فواز : ويش اللي ماتركتني, انا كبرت نفسي بنفسي وبنيت لي مستقبلي..
الشيخ : اجل قولي من في طالب يجوا يطلبون منه يصير مهندس لأعمال كبيره ومع انه طالب يأخذ مبالغ كبيره منو ذا ..
اقولك ي ولدي اكثر اشغالك كانت من عندي, كنت ابيك تعيش بخير و رزق وترتاح عشان كذه كنت اسهل امورك بكل شيء..
فواز : اجل مشكور ماقصرت تبي ارد لك صدقتك علي ..
الشيخ : تدري اني كل يوم كنت اكلم جدتك عن فخري فيك واقعد اكلمها عن كل شيء تسويه وحتى عندنا كل صورك من صغرك لين ملكتك..
فواز : اجل فيك الخير تدري عني مملك,  وتدري انك اخذتني بيوم عرسي, فكني الله يخليك ابي اروح لحرمتي ..
..