".. مــاذا لـــو عــاد معتــذراً .."
Part ..48
(ولا شكرا .. ولا عفوا جزيلا ..
ترا عادي لها عدة معاني ..
ي كم غالي نسى الانسان هذا ..
تبي نحسب ي كم غالي ثواني ..
لحالي جيت للحزن اتبسم ..
ولا خلاني الحزن ونساني ..
ي حزني كان لي قلب .. وسامح ..
كثر الأخطاء يدمعها عشاني ..
ي حزني وانت تعرفهم وانا عرف من اللي راح وليوم يعاني ..
يجون بدمع لشتاقوا لدمعي ..
كأن الدمع جرعة من أماني ..
نسوني في سعادتهم كأني ..
نسيت انساهم بنص الاغاني ..
يبوني لا بكيت اقول اسف ..
انا اسف ولكن من بكانــي ..)
في القصر ..
الكل رجع ع القصر والعرس ماتم وفواز للحين ما احد يعرف عنه شيء, و ليث قرر ان الجد يقعد ينام اليوم بالمشفى عشان يبعد عن الضغوطات واللي قاعد يصير بالقصر ..
وقعد ليث معاه والبقية كل واحد رجع بيته ..
رهف اللي حابسة نفسها بغرفتها وقاعدها بفستانها تبكي وتحط الاعذار لـ فواز وان فواز مستحيل يتركها كذه فجأة, اكيد صاير معه شيء وبيجيها اذا موب اليوم, بكره مستحيل بيطول اكثر ..
..
ابو ليث من وصلته وصوته معبي القصر و ام ليث بعد تكلمه عن فشلتها قدام المعازيم وكل واحد يجيب الكلام اللي براسه وما احد احترم رهف اللي تعتبر هي اكثر شخص انكسر بها الموقف ..
..
سعود تواصل مع صقر و طلعوا يدوروا ع فواز اذا صار معه حادث , بالمستشفيات وبـ اقسام الشرطه ..
سعود وصقر الين الصباح ولا رجعوا ولا حتى وصلوا لـ شيء ..
..
بالصباح الجد صحى وليث جنبه صاحي اساسا ما نام ..
الجد : ليه ي ولدي متعب حالك ع هالكرسي وشكل عيونك تقول انك مانمت بعد ..
ليث : طمني عنك ي جدي ان شاء الله صرت بخير ..؟
الجد : خذني لبنت عمك اشوفها واطمن عليها عقبها بصير بخير ..
وهنا ليث سوي كل إجراءات الخروج وطلع جده ..
..
ورجعوا ع القصر و سعود وصقر بعد كل واحد رجع ع قصر بخيبة امل ع وجيههم
..
وصل الجد والكل قام يتطمن عليه ..
ومن وصل مايبي الا رهف يشوفها ...
ابو ليث : حفيدتك يبه ماشفناها من امس ..
الجد : اجل لو اخليهم عندك امانه هذا هو اهتمامك وصونك لبنت اخوك.. ؟
ابو ليث : انتبه يبه, لا ترد الموضوع علي, خلها تتحمل نتيجة غلطها ..
ليث كان يمسك ع راسه ويروح ويجي وهو فعلا خلاص انزعج من عقلية ابوه ..
الجد : محد عليه كلمة ع رهف وانا حي, واذا غطلت عندها جدها يصحح غلطها ويوقف معاها ..
الجد : ليث ساعدني اطلع اشوف حفيدتي ..
طلع الجد و وصل شاف هبه جالسه ع باب غرفة رهف ..
هبه : جدي جيت الحمدلله ع سلامتك..
الجد : الله يسلمك ي بنتي تعالي,
وحضنها : لا تحاتي كل شيء بيكون تمام ..
وليث ابتسم لها وهز براسه ..
هبه : من امس وانا احاول مع رهف ولا كانت تفتح..
الجد دق الباب بعصاه : أميرة جدها بتفتح الباب تشوف جدها ويشوفها ..
وفعلا انفتح الباب وليث ونزل ..
وراحت رهف ركض ع حضن جدها ..
الجد حضنها ودخل معاها ع غرفتها ودخلت هبه بعد..
وللحين رهف بفستانها تبكي و وجهها صار الوان من الدموع ع المكياج ..
..
جلس جدها ع الصوفا وجلست رهف ع الارض وحاطه راسها ع رجلين جدها ويد يدها ع راسها وهبه جنبها تمسح ع ظهرها..
الجد : والله ي بنتي ما ادري ويش بقول لك , تواصلتي معاه امس ..؟
رهف هزت براسها وهي تبكي ..
الجد : ماكنتي ملاحظه عليه اي تغير ..
رهف بصوتها الباكي : لا ي جدي بالعكس هو مكلمني وهو حتى كان لابس جاهز بيجي ..
الجد : اجل السالفة فيها شيء ..
رهف : يعني ي جدي انت معاي انت موب مفكر مثلهم, راح وخلاني برضاه ..
الجد : ي بنتي مهما كنت رافض بس فواز للأمانه ماهوب من ذا النوع اللي ممكن يوصل لهالنقطه ويتركك..
الجد : الحين اسمعيني زين ..
ابي منك تقومي تغيري وترتاحي وتاكلي وتنامي الشكل يقول مانمتي من امس..
بعدها تنزلين حد جدك وانا وراك بكل شيء..
رهف وقفت وحضنت جدها : الله لا يحرمنا منك ..
بعدها الجد طلع من غرفة رهف ..
وهبه قعدت تساعد رهف عشان تغير وتأخذ دوش وراحت تجيب لها فطور تأكل ..
..
ليث وسعود بعد كل واحد راح ع غرفته ومن تعب ناموا ع طول ..
..
وعند صقر هو بعد وصل كلم ابوه باللي صار وانهم مالقوا عن فواز شيء وبعدها اهو بعد راح غرفته ونام ..
..
ابو صقر : ما ادري الوكاد ان في سالفة بهالسالفة, فواز رجال مايسوي كذه شيء الا اذا كان صاير معاه شيء..
ام مشاري : ي تعب قلبي ع رهف ..
..
اما لمى اهي بعد زعلانه ع رهف وبنفس الوقت طول الوقت وهي تفكر بموضوع خطبتها وهي ابدا ماقدرت تقتنع انها تاخذ سعود وبنفس الوقت وضع اخوها مرتبط فيها ..
..
صار وقت العشاء في القصر ..
والكل متواجد و رهف قررت تنزل بينهم عشان ذا طلب جدها ..
الجد : هلا هلا بأميرة جدها, تعالي قعدي جنبي .. الين يجهز العشاء ..
وفعلا راحت رهف وجلست جنب جدها
ابو ليث : اي ياليث وسعود ويش الاخبار ويش اللي طلع معاكم لقيتوا الهارب ..؟
ليث و سعود: يبه.....
ابو ليث : ويش اللي يبه ..
الجد : نايف اخلص نبي نتعشى ..
ورهف ماطالعت في عمها ابد..
و ع شوي اتصلت ليلى ..
ام ليث : هلا هلا بحبيبة امهااا..
ليلى : هلا فيك يمه, شلونك, شخباركم,؟
ام ليث : ان شاء الله نكون بخير ..
ليلى : ادري ادري حوسة العرس متعبتكم ..اقول ادق ع الخايسه هبه وماترد, ابي اشوفها بعدما رهف مشت ..
وعشان الاتصال كان فيديو الكل كان سامع ليلى ويش تتكلم ..
هنا قاطع كلامها ليث
ليث : والله الخايسه حلوة اخوها اللي ماتسأل عنا ..
ليلى : ليييث والله اشتقت لك واشتقت لهالكلمة ..
سعود : اجل انا رايح دام مافي احد مشتاق لي ..ههه
ليلى : عاد انت ي سعود والله بالحيل مشتااااقة لك ..
عاد اليوم عندي لكم خبر حلوووو..
ابو ليث : قولي ي بنتي نبي اخبار تفرح قلبنا شوي ..
عزيز : هلا عممي شخبارك شعلومكك.. ؟
ابو ليث : حيا الله بالصهر حيا الله بالنسب اللي يشرف ..
هنا كانت رهف بتقوم بس جدها مسك بيدها وخلاها..
وليث وسعود يطالعون ببعض وماحبوا حركة ابوهم ..
ابو ليث : عاد ي بنتي انتي توفقتي بهالعزيز والله واليوم انتي بـ إنجلترا ومن قدك وعن قريب بتقدري تفتحي محل لرسوماتك ..
عزيز : مايهمك ي عمي ليلى بس تطلب, كل طلباتها اوامر ..
ليلى : يبه انت بعد 7 شهور بتصير جد ..
ابو ليث : ي لبي قلبك ي بنتي والصغيوره بتجيب صغيور ..
ام ليث : مبارك عليك ي بنتي ي فرحة قلبي فيك..
ليث وسعود : وي حظناااا وبتجينا ليلوه الصغيره ..هههه
وكملوا كلامهم مع ليلى وعزيز و الجد ما تكلم حتى مع ليلى مايبي يترك رهف ..
..
أنت تقرأ
".. مــاذا لـــو عــاد معتــذراً .."
Mystery / Thriller".. مــاذا لـــو عــاد معتــذراً .." أول رواية لي .. للكاتبة : غيوم .. في من يقول .. نخطي ويخطى علينا والخطأ حاصل وإن ما عذرنا بعضنا ما تصافينا دام الخطأ ياصل أكيد العذر ياصل وش عذرنا عند ربي لو تجافينا إن مافصلنا الجفا عن حده الفاصل والله ليضحك بنا...
